JOSHUA 5:2 - BIVHILI KHETHWA Mafhungo Madifha

² Muṋe washu a vhudza Joshua a ri, “Ita phanga nga tombo ḽa ḽiangahwe u dovhe u fumbise Vhaisraele.”

JOSHUA 5:2 Iomraidhean Croise

EKISODA 4:25

Tsiphora a mbo doba tombo ḽa vhuhali, a fumbisa ṅwana wawe wa mutukana, a dzhia ulwo lukanda a lu kwamisa vhudzimu ha Mushe. Tsiphora a ri, “Vhukuma vhone vha munna wanga wa malofha!”

VHAROMA 2:29

Mujuda ndi a re Mujuda mbiluni yawe; u fumba vhukuma ndi ha mbiluni, a si zwi itwaho nga mulayo wo tou ṅwaliwaho, ndi mushumo wa Muya. Mujuda a si ane a rendwa nga vhathu, ndi ane a rendwa nga Mudzimu.

VHAROMA 4:11

U fumba tsho tou vha tshiga na luswayo lwe a ṋewa ngavhuya, lwa u khwaṱhisa zwe a vha o no ḓi pfi muvhuya kale nga u fulufhela Mudzimu, zwiḽa a sa athu fumba. Ngauralo o ḓo vha khotsi a vhoṱhe vhane vha fulufhela Mudzimu, naho vha songo fumba, uri na vhone vha kone u pfi vhavhuya.

DOTORONOMIO 10:16

“Ndi zwone, laṱani tshipimbi tshaṋu; unga no fumba mivhili, fumbani-ha na mbiluni dzaṋu!

DOTORONOMIO 30:6

“Ndi hone Muṋe washu Mudzimu waṋu a tshi ḓo fumbisa mbilu dzaṋu na dza vhana vhaṋu uri ni kone u mu funa nga mbilu yoṱhe na nga zwoṱhe zwine na vha zwone, na tshila,

VHAKOLOSA 2:11

Na u fumba no no ḓi fumba nge na vha vhathihi nae, hu si u fumba hu itwaho nga vhathu lini, hai, no fumbiswa nga Khristo. U fumba ndi amba u bvula tsiko yaṋu ya kale.

JOSHUA 5:3

Joshua a ita zwe Muṋe washu a mu vhudza, a fumbisa Vhaisraele fhethu hu no pfi Muvhunduni wa u fumba.