JOSHUA 5:14 - BIVHILI KHETHWA Mafhungo Madifha

¹⁴ Uyo munna a fhindula a ri, “A thi muṅwe wa vhahali vhaṋu, a thi swina. Ndi mulangi wa mmbi ya Yahavee. Ndo ḓa u ni lwela.” Joshua a ḓiposa fhasi a luvha a ri, “Ndi nṋe muḓinḓa wavho muṋe wanga. Vha ṱoḓa ndi tshi ita mini?”

JOSHUA 5:14 Iomraidhean Croise

GENESI 17:17

Abrahamu a mbo ḓi wa nga tshifhaṱuwo, a sea a ḓivhudzisa a ri, “Munna o no ḓi vhaho na miṅwaha ya ḓana a nga kha ḓi beba ṅwana naa? Sara a nga beba ṅwana o no ḓi vha na miṅwaha ya 90?”

GENESI 17:3

Abramu a wa nga tshifhaṱuwo. Mudzimu a amba nae a ri,

2 SAMUELE 7:19

Zwa tou nga wo vhona zwi songo eḓana, Muṋe wa zwoṱhe Muṋe washu, wa vhuya wa tou amba na zwa misi i ḓaho zwa nnḓu yanga ya vhuhosi. Yawee Muṋe wa zwoṱhe Muṋe washu, muthu zwawe a no nga nṋe a nga fulufhedziswa zwo raloho naa?

2 SAMUELE 7:20

“Ndi nga kha ḓi u vhudza mini Muṋe wa zwoṱhe Muṋe washu? Hufha u tshi nnḓivha, ndi muḓinḓa wau.

DZIPHISALEMA 110:1

Muṋe washu o vhudza khosi muṋe wanga, a ri, “Dzula thungo ya tshauḽa tshanga, ri vhuse roṱhe, ndi vhuye ndi ite maswina au vhukando ha milenzhe yau.”

DZIPHISALEMA 24:10

Nṋa “Khosi iyo ya vhugala” ndi nnyi nandi? Ndi Muṋe washu Mukundavhoṱhe, ndi Ene Khosi ya vhugala.

EKISODA 4:10

Mushe a amba na Muṋe washu a ri, “Aiwa nandi Muṋe wanga, nṋe a thi athu vhuya nda vha muthu ane a kona u amba zwavhuḓi, zwiḽa u sa athu amba na nṋe, na tshee wa thoma u amba na nṋe. Ndi tshi amba ndi a ongolowa, ndi thoma u ṱoḓa maipfi.”

EKISODA 4:13

Mushe a fhindula a ri, “Aiwa nandi Muṋe wanga, a u rumi muṅwe naa!”

YESAYA 55:4

Ndo mu ita ṱhanzi yanga vhathuni, a vha murangaphanḓa na mulangi wa dzitshakha.

YESAYA 6:8

Zwenezwo nda pfa Muṋe wa zwoṱhe a tshi ri, “Ndi ḓo ruma nnyi? Muḓinḓa washu u ḓo vha nnyi?” Nṋe nda fhindula nda ri, “Ndi fhano, nthume!”

ESEKIELE 3:23

Nṋe nda takuwa nda ya govhani; henefho ho vha hu na vhugala ha Muṋe washu, vhu tshi nga vhugala he nda vhu vhona mulamboni wa Khebara; nṋe nda wa nga tshifhaṱuwo.

DANIELE 10:13

Muruṅwa a no londola muvhuso wa Pheresia o nnzivhisa ha vhuya ha fhela maḓuvha a 21, hone Mikaele muṅwe wa vharuṅwa vhahulwane a ḓa a mpfarisa, ndo sia ndo kunda mahosi a Pheresia.

DANIELE 10:21

Hone ndi ḓo ranga u u vhudza zwo ṅwalwaho Buguni ya ngoho. (A hu na ane a ntikedza ndi tshi lwa navho, ndi tikedzwa nga Mikaele muruṅwa ane a londola Israele.

DANIELE 12:1

“Misi yeneyo hu ḓo bvelela Mikaele muruṅwa muhulwane ane a londola vhathu vha haṋu. Hu ḓo vha na u tambula huhulu, hu sa vhuyi ha vhambedzwa na he ha vhuya ha vha hone tshee tshakha dza vha hone. Musi tshifhinga tshenetsho tshi tshi swika, vhathu vha haṋu vha ḓo tshidzwa, vhoṱhe vhe madzina avho a ṅwalwa buguni ya Mudzimu.

DANIELE 8:11

Lwa ita na u nyadza Muvhusi wa ayo mara, lwa iledza nduvho dzine a ṋewa nga misi, lwa wisa thembele yawe khethwa.

LIVITIKO 9:24

Muṋe washu a mbo posa mulilo kha aḽiṱari, wa fhisa nduvho i fhiswaho na miraḓo yo nonaho henefho kha aḽiṱari. Musi vhathu vha tshi zwi vhona, vha fhululedza, vha kotama vha wa nga zwifhaṱuwo.

NUMERI 16:22

Huno Mushe na Aroni vha wa nga zwifhaṱuwo vha ri, “Yawee Mudzimu, u tshisima tsha vhutshilo hoṱhe, u nga sinyutshela vhathu vhoṱhe hó tshinya muthu muthihi?”

NUMERI 16:45

“Ṱutshela kule ha vhathu havho, ndi ḓo vha lozwa kathihi fhedzi!” Vhuvhili havho vha wa nga zwifhaṱuwo,

NUMERI 22:31

Ndi hone Muṋe washu a tshi bonyolosa maṱo a Biliamu a vhona muruṅwa wa Muṋe washu o ima gondoni o ṱomola banga ḽawe. Biliamu a wa nga tshifhaṱuwo.

MATIOSI 22:44

“ ‘Muṋe washu o amba na Muṋe wanga a ri: Dzula hafha thungo ya tshauḽa tshanga, ri vhuse roṱhe, ndi vhuye ndi ite maswina au vhukando ha milenzhe yau.’

MATIOSI 8:2

Ha ḓa munna a lwalaho vhulwadze ha lukanda vhu no kumadza muthu, a gwadamela Yesu a ri, “Muṋe wanga, hufha vhe na maanḓa a u mphodza; a thi fhodzwi-vho?”

LUKASI 1:43

Nṋa zwi nga ḓa hani vha hashu ndi tshi tou vhuya nda dalelwa-vho nga mme a Muṋe wanga?

LUKASI 20:42

Hufha Dafita ene muṋe a tshi amba Buguni ya Dziphisalema a tshi ri, “ ‘Muṋe wa vhoṱhe o amba na Muṋe wanga a ri: Dzula hafha thungo ya tshauḽa tshanga, ri vhuse roṱhe,

LUKASI 5:12

Ḽiṅwe ḓuvha Yesu o vha e kha muṅwe muḓi he ha vha hu na muṅwe munna a lwalaho vhulwadze ha lukanda vhu kumadzaho, ho no tou phapha muvhili woṱhe. Onoyo a tshi vhona Yesu, a gwadama a losha, a mu humbela a ri, “Muṋe wanga, hufha vhe na maanḓa a u mphodza; a thi fhodzwi-vho?”

JOHANISI 20:28

Thomasi a vho ri, “Muṋe wanga, Mudzimu wanga!”

MISHUMO 9:6

Zwino takuwa u dzhene afho muḓini, ndi hone hune wa ḓo vhudzwa zwine wa fanela u ita.”

VHAFILIPI 3:8

Nahone zwi si izwo fhedzi, ndi vho vhona zwoṱhe-zwoṱhe zwi sa vhuisi tshithu arali ndi tshi zwi vhambedza na mashudu aya a fhiraho zwoṱhe a u ḓivha Khristo Yesu Muṋe wanga. Tshee nda mu ḓivha ndi vho vhona zwoṱhe zwi sa vhuisi tshithu, e mathukhwi fhedzi, tenda ndo vhuelwa nga Khristo,

VHAHEBERU 2:10

Mudzimu we zwithu zwoṱhe zwi re hone zwa sikelwa u hulisa Ene Musiki wazwo, o funa u isa vhana vhanzhi vhugalani. Ndi zwe a vhona zwo fanela Yesu o vha zhakelaho nḓila ya u tshidzwa a tshi tambudzwa, uri a vhe Mutshidzi o khunyelelaho.

JOSHUA 20:1

Muṋe washu o vhudza Joshua

NZUMBULULO 12:7

Zwenezwo ha mbo ḓi vuwa nndwa ngei ṱaḓulu, Mikaele na vharuṅwa vhawe vha tshi khou lwa na ḽiḽa ḓiragoni, na ḽone ḽo ima na vharuṅwa vhaḽo.