JOSHUA 5:13 - BIVHILI KHETHWA Mafhungo Madifha

¹³ Ḽifiṅwe ḓuvha Joshua e tsini ha Jerikho, a lavhelesa a mbo ḓi vhona munna ó ima phanḓa hawe, ó fara banga. Joshua a ya khae a vhudzisa a ri, “Vha muṅwe wa vhahali vhashu kana vha swina naa?”

JOSHUA 5:13 Iomraidhean Croise

GENESI 18:1

Abrahamu o vha a tshi dzula tsini ha miri mihulu ya Mamuri. Muṅwe musi ó dzula muṋangoni wa dennde yawe masiari tshivhangalala, Muṋe washu a ḓisumbedza ene.

GENESI 18:2

Abrahamu a tshi posa maṱo a vhona vhanna vhararu vho ima henefho tsini. A ri u vha vhona a mbo ḓi ṱavhanya a takuwa muṋangoni wa dennde yawe a yo vha ṱanganedza, a gwadama.

GENESI 28:16

Musi Jakopo a tshi vuwa khofheni a elekanya a ri, “Vhukumakuma Muṋe washu u hone hafhano fhethu; nṋe ndo vha ndi sa zwi ḓivhi.”

GENESI 33:1

Jakopo a tshi sedza a vhona Esau a tshi khou ḓa na vhanna vhawe vha 400; zwenezwo a kovhekanya vhana, vhaṅwe a vha kovhela Lea, vhaṅwe a vha kovhela Rahele, vhaṅwe a vha kovhela vhasadzi vhawe vhavhili vha dziphuli.

GENESI 33:5

Esau a tshi sedza a vhona vhasadzi na vhana. A vhudzisa a ri, “Avha vhane na vha navho ndi vhonnyi?” Jakopo a fhindula a ri, “Ndi vhana vhe Mudzimu nga vhuthu hawe a vha fha nṋe mulanda wavho.”

1 KORONIKA 12:22

Misi yoṱhe ho ḓi ḓa vhanna vhaswa vha ḓibaḓekanya na mmbi dza Dafita, mmbi yawe ya mbo ḓi ṱavhanya ya anda ya vha khulu-khulu.

1 KORONIKA 21:27

Ndi hone Muṋe washu a tshi amba na uḽa muruṅwa a vhuedzedza banga ḽawe kha tshilanda tshaḽo.

1 KORONIKA 21:30

Hone Dafita o vha a sa koni u ya phanḓa hayo u yo vhudzisa Mudzimu ngauri o vha a tshi ofha banga ḽa muruṅwa wa Muṋe washu.

EKISODA 23:23

Muruṅwa wanga u ḓo u ranga phanḓa, a u swikisa shangoni ḽa Vhaamori na Vhahithi na Vhapherisi na Vhakanana na Vhahivi na Vhajebusi, Nṋe ndi ḓo vha lozwa.

DANIELE 10:5

nda takusa maṱo, nda vhona munna o ambara lukhaha, o vhofha khundu dzawe nga bannda ḽa musuku u songo vangwaho,

DANIELE 8:3

Nda takusa maṱo anga nda livha-livha, nda vhona thutha yo ima tshini ha mulambo. Yo vha i na maṋanga mavhili, oṱhe o vha o lapfa, hone lwe lwa melela murahu lwo vha lu lwone lu lapfesaho.

ZAKARIA 1:8

Ndo vhona bono vhusiku. Nda vhona munna o namela bere khunweu! O vha o ima vhukati ha miṱhaḽa govhani, murahu hawe hú na dziṅwe bere, khunweu na dzothwa na tshweu.

NUMERI 22:23

Musi donngi i tshi vhona muruṅwa o ima henefho o ṱomola banga, ya pambuwa nḓilani ya dzhena masimuni. Biliamu a rwa iyo donngi a i vhuedzedza gondoni.

NUMERI 22:31

Ndi hone Muṋe washu a tshi bonyolosa maṱo a Biliamu a vhona muruṅwa wa Muṋe washu o ima gondoni o ṱomola banga ḽawe. Biliamu a wa nga tshifhaṱuwo.

MISHUMO 1:10

Vha tshee vho lavhelesa, Yesu a tshi khou suvhela a tshi ya, vha vhona vhanna vhavhili vho ambaraho tshena vho ima navho,

JOSHUA 6:2

Muṋe washu a vhudza Joshua a ri, “Jerikho ndi u kumedza zwanḓani zwau khathihi na khosi yawo na vhahali vhawo.

NZUMBULULO 1:13

vhukati ha zwivheambone izwo nda vhona muṅwe a no nga mubebwa-nga-muthu ó ambara phuraphura i swikaho ṋayoni, khanani o i vhofha nga bannda ya musuku.

VHARANGAPHANḒA 13:11

Manua a takuwa a tevhela musadzi wawe. A ya ha uyo munna a vhudzisa a ri, “Ndi vhone vhe vha amba na mufumakadzi wanga?” Uyo munna a fhindula a ri, “Ndi nṋe.”

VHARANGAPHANḒA 13:22

Manua a amba na mufumakadzi wawe a ri, “Vhukumakuma ri ḓo fa ngauri ro vhona Mudzimu!”