JOSHUA 5:1 - BIVHILI KHETHWA Mafhungo Madifha

¹ Mahosi oṱhe a Vhaamori vhukovhela ha Jorodani na mahosi oṱhe a Vhakanana u navha na Lwanzhe lwa Phandamashango, vha zwi pfa uri Muṋe washu o xisa mulambo wa Jorodani, Vhaisraele vha wela. Vha farwa nga nyofho, vha kulea nungo vha si tsha vha na vhuhali ha u imedzana na Vhaisraele.

JOSHUA 5:1 Iomraidhean Croise

GENESI 12:6

Abramu a buḓekanya shango a vhuya a swika fhethu ha muri muhulu wa More muḓini wa Shikheme. O wana Vhakanana vha tshi kha ḓi dzula shangoni iḽo,

GENESI 48:22

A vha nṋe, ndi u ṋea Shikheme, shango ḽi no fhira ḽa vhakomana vhau, ḽiḽa ḽe nda ḽi dzhiela Vhaamori nga pfumo ḽanga na vhura hanga.”

2 SAMUELE 21:2

Khosi ya vhidzisa Vhagibioni ya amba navho. Vhagibioni vho vha vha si Vhaisraele, vho vha vhe tsalela dza Vhaamori vhe Vhaisraele vha fulufhedzisa nga muano uri vha nga si vha vhulahe, hone Saulo a linga u vha lozwa nge mbilu yawe ya vha i tshi swela Vhaisraele na Vhajuda.

1 MAHOSI 10:5

na zwiḽiwa zwine zwa ḓiswa ḓafulani ḽawe na hune ha dzula magota na vhashumi vha pfamoni na zwiambaro zwavho na vhashumi vhane vha mu shumela vhuṱamboni na zwiṱhavhelo zwine a ṋekedza thembeleni ya Muṋe washu, zwa mu akhamadza.

ESRA 9:1

Musi ho no itwa izwo zwithu, vharangaphanḓa vha ḓa ha nṋe vha ri, “Vhathu vha Israele, na vhone vhotshifhe na Vhalivi, a vho ngo ila zwa u dzetshelana na tshakha dza mashango o vha tangaho, vha no nga Vhakanana na Vhahithi na Vhapherisi na Vhajebusi na Vhaamoni na Vhamuaba na Vhaegipita na Vhaamori, vha vho tevhedza maitele adzo a nengisaho.

DZIPHISALEMA 135:11

Sihoni khosi ya Vhaamori, na Ogo khosi ya Bashani, na yoṱhe mivhuso ya Kanana,

EKISODA 23:28

U ḓo ri u tshi sendela nda ruma mabu a thatha Vhahivi na Vhakanana na Vhahithi.

YESAYA 41:5

“Mashango a kule-kule o vhona zwe nda ita, a ofha, migumo ya ḽifhasi ya tetemela. Vhathu vho kuvhangana

ESEKIELE 16:3

Amba u ri: Muṋe wa zwoṱhe Yahavee u ri: Vhubvo hau he wa bebwa hone ndi Kanana. Khotsi au ndi Muamori, mme au ndi Muhithi.

ESEKIELE 21:7

Arali vha u vhudzisa vha ri, ‘U gomelelani?’ u vha fhindule u ri, ‘Ndi mafhungo a no khou ḓa a no ḓo ita uri mbilu dzoṱhe dzi ṋoke, zwanḓa zwi kulee nungo, mbilu dzi vhavhe, vhoṱhe vha ḓiṱambulutshele zwi tse na milenzhe. Zwino zwo swika, zwo no vha fhano –’ hu amba Nṋe Muṋe wa zwoṱhe Yahavee.”

DANIELE 5:6

Khosi ya tswukuluwa nga nyofho ya kulekana miraḓo, magona ayo a tou tetemela.

AMUSI 2:9

“Ndi Nṋe we nda ni pfulusa Egipita nda ni endedza phangani miṅwaha ya mahumi maṋa, nda vhuya nda ni ṋea shango ḽa Vhaamori.

NUMERI 13:29

Negeve hu dzula Vhaamaleke, zwivhangani hu dzula Vhahithi na Vhajebusi na Vhaamori; tsini ha Lwanzhe lwa Phandamashango, na u tsa na mulambo wa Jorodani, hu dzula Vhakanana.”

JOSHUA 17:12

Vhathu vha Manase hone a vho ngo kona u thatha vhathu vha dzulaho miḓini iyo, vhenevho Vhakanana vha ḓi dzula henefho.

JOSHUA 17:18

Shango ḽa mivhunduni ḽi ḓo vha ḽaṋu. Naho ḽi na ḓaka, ni ḓo ḽi rema na ḽi dzhia ḽa vha ḽaṋu u bva kha ḽiṅwe sia u swika kha ḽiṅwe. Vhakanana vhone ni vha thathe vha ṱuwe, naho vhe na gariki dza nndwa dza tsimbi, vhe lushaka lwa maanḓa.”

JOSHUA 24:15

Arali ni sa funi u mu shumela, ḓinangeleni ṋamusi ane na ḓo mu shumela, i nga vha midzimu ye vhomakhulukuku waṋu vha vha vha tshi i shumela ngei seli ha Yufuratha kana midzimu ya Vhaamori, vhane na vho dzula shangoni ḽavho. A vha nṋe na muṱa wanga ri ḓo shumela Muṋe washu.”

JOSHUA 3:16

maḓi a si tsha ela, a raha a swika muḓini wa Adamu u re tsini ha Tsarethani. Maḓi a no ela a tshi tsela Lwanzheni lwa Muṋo o vha o tumuwa tshoṱhe, vhathu vha konou wela mulambo tsini ha Jerikho.

JOSHUA 3:17

Musi vhathu vha tshi khou tshimbila vha tshi wetshela seli nga ho omaho, vhotshifhe vho hwalaho mbulungelo ya mulanga ya Muṋe washu vha vha vhó ima mavuni o omaho vhukati ha mulambo vha sa sudzuluwi vhathu vhoṱhe vha vhuya vha wela seli.

NZUMBULULO 18:10

vha ima kule nga u ofha u tambula nawo, vha ri, “Yawee! Zwi ofhisa hani! Babele muḓi muhulu wa maanḓa u tshi tou lozwiwa kathihi fhedzi!”

VHARANGAPHANḒA 1:1

Musi Joshua o no fa Vhaisraele vha vhudzisa Muṋe washu vha ri, “Ndi vhafhio vha matsinde ashu vho fanelaho u vha vhone vha u ranga u yo dia Vhakanana?”

VHARANGAPHANḒA 11:23

Ndi Muṋe washu Mudzimu wa Israele we a thatha Vhaamori vha ṱuwa, a tshi itela vhathu vhawe Vhaisraele.

VHARANGAPHANḒA 3:3

Vho salaho afho shangoni ndi vha miḓi miṱanu ya Vhafilista, na Vhakanana vhoṱhe na Vhasidoni na Vhahivi vhe vha vha vha tshi dzula thavhani dza Libanoni u bva thavhani ya Baali Heremoni u swika Pharani ya Hamathi.

VHARANGAPHANḒA 4:2

Zwenezwo Muṋe washu a litsha vha tshi kundwa nga Jabini khosi ya Vhakanana, we a vha a tshi vhusa muḓini wa Hatsoro. Mulangammbi wawe o vha e Sisera; ene o vha a tshi dzula Haroshethe wa Dzitshakha.

1 SAMUELE 25:37

Zwino nga matsheloni Nabali o no kambuluwa, musadzi wawe a mu vhudza zwithu hezwo zwoṱhe, mbilu yawe ya kundelwa, a tou oma unga tombo.