JOSHUA 4:9 - BIVHILI KHETHWA Mafhungo Madifha

⁹ Joshua na ene a imisa matombo a 12 vhukati ha mulambo wa Jorodani, henefhaḽa he ha vha ho ima vhotshifhe vho hwalaho mbulungelo ya mulanga. Matombo hayo a kha ḓi vha henefho na ṋamusi.

JOSHUA 4:9 Iomraidhean Croise

GENESI 26:33

A ri ḽi pfi Sheba (Muano). Na ṋamusi dzina ḽa muḓi ḽi kha ḓi pfi Bierisheba (Bidzi ḽa muano).

GENESI 28:18

Ḽi tshi tsha Jakopo a fhinduwa a dzhia tombo ḽe a vha o ḽi siamela, a ḽi imisa sa phuphu a ḽi tevhulela mapfura.

2 SAMUELE 4:3

nge vhathu vha Bierotho vha shavhela Githaimi, vha ḓi dzula henefho vhe ṱhunḓu, na ṋamusi.

1 MAHOSI 18:31

Elia a dzhia matombo a 12, ḽiṅwe na ḽiṅwe ḽo imela tsinde ḽithihi ḽa vhaḓuhulu vha Jakopo we ipfi ḽa Muṋe washu ḽa ḓa khae ḽa ri, “Dzina ḽau ḽi ḓo pfi Israele.”

2 KORONIKA 5:9

Thanda idzo dzo vha dzo lapfa u fhira mbulungelo lwe ṱhodzi dzadzo dza kona u vhonala muṋangoni wa hukhethwa ha nga ngomu, hone dzi sa vhonali muthu e nnḓa ha Hukhethwakhethwa. Thanda idzo dzi tshee henefho na ṋamusi.

EKISODA 24:12

Muṋe washu a vhudza Mushe a ri, “Gonya kha Nṋe ngeno thavhani u dzule henefho musi ndi tshi u ṋea maḓaba a matombo a na mulayo na ndaela zwe nda ṅwala uri ndi vha funze.”

EKISODA 28:21

Ayo matombo a ṅwalwe madzina a vhana vha vhatuka vha Israele, a vhe 12 a nge madzina a re khao. A koriwe unga tshikandiso tsha luswayo, ḽiṅwe na ḽiṅwe ḽi vhe na dzina ḽa muṅwe wa matsinde a fumi na mavhili a Israele.

MATIOSI 27:8

Ndi zwine na ṋamusi tsimu iyo ya kha ḓi pfi “Yamalofha”.

MATIOSI 28:15

Maswole vha ṱanganedza iḽa tshelede vha amba zwenezwo zwe vha funzedzwa. Majuda na ṋamusi vha kha ḓi vhudzana mafhungo eneo.

DOTORONOMIO 34:6

Muṋe washu a mbo mu swiṱa henefho govhani u livhana na Bethe Phioro shangoni ḽa Muaba. U swika na ṋamusi a hu na muthu a ḓivhaho uri tshalo tshawe tshi ngafhi.

JOSHUA 24:26

Joshua a ṅwala idzo ndayo buguni ya Mulayo wa Mudzimu. A konou dzhia tombo ḽihulu a ḽi imisa henefho fhasi ha muri muhulu tsini ha hukhethwa ha Muṋe washu.

JOSHUA 4:10

Vhotshifhe vho ima vhukati ha Jorodani ha vhuya ha itwa zwoṱhe zwe Muṋe washu a vhudza Joshua uri a vhudze vhathu vha zwi ite. Hezwo ndi zwe Mushe a ri zwi itwe. Vhathu vha wela mulambo nga u ṱavhanya.

VHARANGAPHANḒA 1:26

Ngavhuya uyo munna a ya shangoni ḽa Vhahithi, a fhaṱa muḓi henefho, a ri u pfi Lusi; na ṋamusi dzina ḽawo ḽi tshee ḽeneḽo.

1 SAMUELE 30:25

Izwo Dafita a zwi ita mulayo na ndayo ya Vhaisraele u bva musi wonoyo, na ṋamusi.

1 SAMUELE 7:12

Ndi hone Samuele a tshi dzhia tombo a ḽi imisa vhukati ha Mitsipha na Shene. Afho fhethu a ri hu pfi Ebene Haezere a tshi ri, “Muṋe washu o ḓi ri farisa u vhuya u swika zwino.”