JOSHUA 4:7 - BIVHILI KHETHWA Mafhungo Madifha

⁷ ni vha vhudze uri maḓi a mulambo wa Jorodani o litsha u ela musi mbulungelo ya mulanga wa Yahavee i tshi wela uyu mulambo. Matombo hayo a ḓo dzula a tshi humbudza Vhaisraele zwe zwa itea hafhano.”

JOSHUA 4:7 Iomraidhean Croise

DZIPHISALEMA 111:4

O ita uri zwimangadzo zwe a shuma zwi si hangwiwe. Muṋe washu u na tshilidzi na khathutshelo.

EKISODA 12:14

Ḓuvha heḽi ni ḽi ite ḓuvha ḽa tshihumbudzo, ni ite vhuṱambo ngaḽo vhu vhe ha u hulisa Nṋe Yahavee. Ni ḓivhadze mirafho yoṱhe i ḽi ite ḓuvha ḽa vhuṱambo lini na lini.

EKISODA 28:12

Matombo ayo mavhili u a vhofhelele kha pfuṋelo dza mahaḓani dza bannda ya u pakata, a vhe tshihumbudzo tsha matsinde a Israele a 12. Aroni u ḓo hwala madzina avho mahaḓani awe uri Nṋe Yahavee ndi dzule ndi tshi elelwa vhathu vhanga.

EKISODA 30:16

U kuvhanganye iyo tshelede i tshi bva kha Vhaisraele i shumiswe u londola dennde ya u ṱangana na Nṋe. Muthelo uyo u ḓo vha tshipfumelo tsha vhutshilo havho, Nṋe Yahavee nda ḓo konou elelwa u vha tsireledza.”

YESAYA 66:3

Hone vhaṅwe vhaṋu vha nṋekedza tshiṱhavhelo tsha mboho, vha dovha vha ṱhavhela midzimu vhathu; vha nṋekedza ngwana, vha dovha vha sombela midzimu mmbwa; vha nṋekedza nduvho, vha dovha vha tevhulela midzimu malofha a nguluvhe; vha nndubisela zwioro, vha dovha vha luvha midzimu mivhi. Vhukuma vho ḓinangela nḓila dzavho, mbilu dzavho dzi takalela zwi nengisaho.

NUMERI 16:40

Izwo ho vha hu u kaidza Vhaisraele uri ane a si vhe wa lutsinga lwa Aroni a songo sendela aḽiṱarini a dubisela Muṋe washu zwioro. Arali a ralo u ḓo lozwiwa unga Kora na vhanna vhe vha ima nae. Izwo zwoṱhe zwo itwa nga he Muṋe washu a laya Eliasara nga mulomo wa Mushe.

NUMERI 17:5

Mbaḓa ya munna we nda mu nanga i ḓo ṱuma lurere. Ndi ḓo pfuvhisa zwine Vhaisraele vha dzula vha tshi u gungulela nga u ralo.”

1 VHAKORINTA 11:24

a livhuha Mudzimu, a vhu ṅwatela vhafunziwa a ri, “Hoyu ndi muvhili wanga; ndi u kumedza ndi tshi itela inwi. Ni ḓi zwi ita nga u rali hu vhe u nnyelelwa.”

DOTORONOMIO 16:3

Ni songo i ḽa na vhurotho vhu na mbilisa; maḓuvha maṱanu na mavhili oṱhe ni ḽe vhurotho vhu si na mbilisa. Vhu ḓo ni humbudza u tambula haṋu. Vhutshilo haṋu hoṱhe ni fanela u elelwa ḓuvha ḽe na pfuluwa Egipita, ni tshi ṱuwa nga tshikapikapi ni si na tshifhinga.

JOSHUA 4:6

Matombo hayo a ḓo humbudza vhathu zwe Muṋe washu a ita. Misi i ḓaho, arali vhana vhaṋu vha ni vhudzisa zwine ayo matombo a amba,