JOSHUA 4:24 - BIVHILI KHETHWA Mafhungo Madifha

²⁴ Muṋe washu o ita hezwo uri tshakha dzoṱhe dza ḽifhasi dzi ḓivhe uri u na maanḓa, inwi ni hulise Muṋe washu Mudzimu waṋu misi yoṱhe.”

JOSHUA 4:24 Iomraidhean Croise

1 MAHOSI 8:40

uri vhathu vhau vha u thetshelese misi yoṱhe vha tshi dzula shangoni ḽe wa ḽi ṋea vhomakhulukuku washu.

1 MAHOSI 8:60

uri tshakha dzoṱhe dza ḽifhasi dzi zwi ḓivhe uri Muṋe washu ndi Ene Mudzimu e eṱhe, a hu na muṅwe.

2 MAHOSI 19:19

Yawee Muṋe washu, Mudzimu washu, zwino ri lamulele zwanḓani zwawe, uri mivhuso yoṱhe ya ḽifhasi i ḓivhe uri Mudzimu ndi Iwe Muṋe washu u woṱhe.”

2 MAHOSI 5:15

Ndi hone Naamani na vhalanda vhawe vhoṱhe vha tshi vhuelela ha muḓinḓa wa Mudzimu, a ima phanḓa hawe a ri, “Zwino ndi a zwi ḓivha uri shangoni ḽoṱhe a hu na muṅwe Mudzimu, u Israele fhedzi. Zwino nga vha ṱanganedze tshifhiwa tshanga ngetshi.”

1 KORONIKA 29:12

Lupfumo na khuliso zwi bva kha Iwe. Ndi Iwe muvhusi wa zwithu zwoṱhe. Nungo na maanḓa zwi zwanḓani zwau, u kona u hulisa vhoṱhe wa vha ṋea nungo.

JOBO 40:9

Maanḓa au a nga a Mudzimu naa? Ipfi ḽau ḽi nga bvuma unga ḽawe naa?

DZIPHISALEMA 106:8

Hone Ene a vha tshidza a tshi itela dzina ḽawe, uri maanḓa awe mahulu a ḓivhiwe.

DZIPHISALEMA 89:13

Tshanḓa tshau tshi na maanḓa, u na nungo, maanḓa au ndi mahulu, tshanḓa tshau tshi fhira zwoṱhe.

DZIPHISALEMA 89:7

Khoroni ya ngei ṱaḓulu hu ofheswa Mudzimu; ndi muhulu, u ofhisa u fhira vhoṱhe vho mu tangaho.

EKISODA 14:31

Vhaisraele vho vhona mishumo mihulu ye Muṋe washu a ita a tshi lifhedza Vhaegipita, vhathu vha ofha Muṋe washu, vha fulufhela Muṋe washu, na Mushe muḓinḓa wawe.

EKISODA 15:16

Vha ḓo farwa nga nyofho vha tshenuwa; vha ḓo rindila vha nga tombo nga maanḓa a tshanḓa tshau, Muṋe washu, vhathu vhau vha vhuya vha fhira – vhathu vhau vhe wa ḓiwanela.

EKISODA 20:20

Mushe a fhindula vhathu a ri, “Ni songo ofha tshithu, Mudzimu o ḓa u ni linga, uri ni dzule ni tshi mu ofha, ni si tshinye.”

EKISODA 9:16

Hone ndo ni litsha na tshila ndi tshi itela uri ni vhone maanḓa anga na uri bvumo ḽanga ḽi pfale ḽifhasi ḽoṱhe.

YESAYA 52:10

Muṋe washu u ḓo angaladza tshanḓa tshawe tshikhethwa, tshakha dzoṱhe dza tshi vhona, migumo yoṱhe ya ḽifhasi ya vhona Mudzimu washu a tshi tshidza vhathu vhawe.

JEREMIA 32:40

Ndi ḓo vhofha mulanga navho u no ḓo vha wa lini na lini: A thi nga vhuyi nda litsha u vha tonda, ndi ḓo vha ṋea mbilu ya uri vha nnyofhe, uri vha si tsha ntshandukela.

DOTORONOMIO 28:10

tshakha dzoṱhe dza ḽifhasi dza vhona uri ni vhidzwa nga dzina ḽa Muṋe washu, dza ni ofha.

DOTORONOMIO 6:2

Hulisa Muṋe washu Mudzimu wau u tevhedze milayo yawe yoṱhe na ndaela dzoṱhe dzine nda u laya – iwe na vhana vhau na vhaḓuhulu, maḓuvha oṱhe a vhutshilo hau, ndi hone u tshi ḓo lalama.

1 SAMUELE 17:46

Ṋamusi ḽino Muṋe washu u ḓo vha kumedza nṋe, ndi ḓo vha vhulaha nda tumula ṱhoho yavho. Ṋamusi zwitumbu zwa mmbi ya Vhafilista ndi ḓo zwi fha zwiṋoni na zwivhanda, shango ḽoṱhe ḽa konou zwi ḓivha uri Mudzimu wa Israele u hone.