JOSHUA 4:14 - BIVHILI KHETHWA Mafhungo Madifha

¹⁴ Zwe Muṋe washu a ita uyo musi zwo ita uri Vhaisraele vha vhone Joshua e munna muhulwane, vha mu hulisa vhutshilo hawe hoṱhe, zwa nga vha tshi hulisa Mushe.

JOSHUA 4:14 Iomraidhean Croise

1 MAHOSI 3:28

Musi Vhaisraele vhoṱhe vha tshi pfa iyo khaṱhulo ya khosi, vha hulisa khosi, nge vha vhona uri i na vhuṱali vhu no bva ha Mudzimu ha u vhusa nga khaṱhulo yo fanelaho.

2 MAHOSI 2:15

Tshiḽa tshigwada tsha vhaporofita vha Jerikho vhe vha vha vho lavhelesa vha ri, “Muya wa Elia wo sala kha Elisha.” Vha ya vha mu ṱanganedza, vha gwadama fhasi phanḓa hawe,

1 KORONIKA 29:25

Muṋe washu a hulisa Solomoni zwihulu Vhaisraele vhoṱhe vha tshi zwi vhona, a mu ṋea vhugala ha vhuhosi vhu sa athu ṋewa khosi na nthihi yo vhusaho Israele.

2 KORONIKA 30:12

Mudzimu a shuma na shangoni ḽa Juda, a ita uri vhathu vha vhe na mbilu nthihi uri vha khunyeledze ndaela ya khosi na magota, vha tshi tevhedza zwe Muṋe washu a amba.

EKISODA 11:3

Muṋe washu a ita uri Vhaegipita vha hulise Vhaisraele, Mushe ene a vha na bvumo ḽihulu shangoni ḽa Egipita, vhukuma magota a Farao na vhathu vhoṱhe vho vha vha tshi vhona Mushe e muthu muhulwane.

EKISODA 14:31

Vhaisraele vho vhona mishumo mihulu ye Muṋe washu a ita a tshi lifhedza Vhaegipita, vhathu vha ofha Muṋe washu, vha fulufhela Muṋe washu, na Mushe muḓinḓa wawe.

MIRERO 24:21

Ṅwananga, ofha Muṋe washu na khosi, u songo konana na mavhanga;

VHAROMA 13:4

Muvhusi ndi muḓinḓa wa Mudzimu wa u tonda iwe. Hone arali wa tshinya u ofhe; ho ngo fara pfumo lwa fhedzi; ndi muḓinḓa wa Mudzimu wa u lifhedza a tshinyaho.

1 VHAKORINTA 10:2

vhoṱhe vha lovhedzelwa henefho goleni na lwanzheni uri vha vhe vhatevheli vha Mushe,

JOSHUA 3:7

Muṋe washu a vhudza Joshua a ri, “Ṋamusi ndi ḓo thoma u u hulisa Vhaisraele vhoṱhe vha tshi zwi vhona, ndi hone vha tshi ḓo zwi ḓivha uri ndi na iwe sa zwe nda vha ndi na Mushe.

JOSHUA 4:13

Vhe vha vha vho shomela nndwa vha nga vha vho swika 40 000; vhenevho vha wela seli phanḓa ha Muṋe washu vha ya mudavhini wa Jerikho.

JOSHUA 4:15

Ndi hone Muṋe washu a tshi vhudza Joshua

1 SAMUELE 12:18

Ndi hone Samuele a tshi rabela Muṋe washu, musi wonoyo Muṋe washu a ḓisa mibvumo, a nisa mvula. Zwenezwo vhathu vhoṱhe vha ofha Muṋe washu na Samuele zwihulu.