JOSHUA 4:12 - BIVHILI KHETHWA Mafhungo Madifha

¹² Vhanna vha tsinde ḽa Rubeni na ḽa Gadi na hafu ya vha tsinde ḽa Manase vho vha vho ḓilugisela nndwa, vha vha vhone vho rangaho vhathu phanḓa vha tshi wela mulambo, nga he Mushe a vha vhudza.

JOSHUA 4:12 Iomraidhean Croise

EKISODA 13:18

Mudzimu o bvisa vhathu nga nḓila ya u mona ya sogani i yaho Lwanzheni lwa Dziṱhanga. Vhaisraele vho pfuluwa Egipita vho kungela zwihali.

NUMERI 32:17

Hone ró ḓiimisela u shoma nga tshihaḓu ra ranga Vhaisraele phanḓa ra vhuya ra vha swikisa shangoni ḽavho. Zwenezwo vhasadzi vhashu na vhana vhashu vha ḓo vha vho dzula miḓini yo fhaṱeledzwaho, vho tsireledzea kha vhadzulapo vha shango ḽino.

DOTORONOMIO 3:18

“Misi iyo nda vhudza vhanna vha ayo matsinde nda ri, ‘Muṋe washu Mudzimu waṋu o ni ṋea shango heḽi uri ḽi vhe ḽaṋu; zwenezwo vhahali vhoṱhe vha no kona u bva pfumo nga vha wele mulambo wa Jorodani vha tshi ranga Vhaisraele vha maṅwe matsinde phanḓa.

DOTORONOMIO 33:21

O ḓikhethela shango ḽa khwiṋe, a ḓivhetshela mukovhe wa murangaphanḓa. Vhahulwane vha matsinde vha tshi kuvhangana, ene a khunyeledza zwine Muṋe washu a funa, a bveledza khaṱhulo dza Muṋe washu kha Israele.”

JOSHUA 1:14

Vhasadzi vhaṋu na vhana vhaṋu khathihi na kholomo dzaṋu vha nga ḓi sala zwavho fhano, hone vhahali vhaṋu vha ḓo wetshela seli na luḽa vhó ḓiṱama tshoṱhe vha ranga Vhaisraele vha haṋu phanḓa uri vha vha farise,

JOSHUA 4:11

Musi vhoṱhe vho no vha seli na luḽa, vhotshifhe vho hwalaho mbulungelo ya mulanga wa Muṋe washu vha dovha vha ranga vhathu phanḓa.

JOSHUA 4:13

Vhe vha vha vho shomela nndwa vha nga vha vho swika 40 000; vhenevho vha wela seli phanḓa ha Muṋe washu vha ya mudavhini wa Jerikho.