JOSHUA 3:8 - BIVHILI KHETHWA Mafhungo Madifha

⁸ Vhudza vhotshifhe vho hwalaho mbulungelo ya mulanga uri musi vha tshi swika mulamboni, vha ri u kanda maḓini vha ime henefho.”

JOSHUA 3:8 Iomraidhean Croise

2 MAHOSI 2:6

Ndi hone Elia a tshi vhudza Elisha a ri, “Salani fhano, Muṋe washu o nthuma Jorodani.” Huno Elisha a fhindula a ri, “Nga Muṋe washu a tshilaho na nga vhutshilo havho, ndi nga si vha ṱutshele.” Vhuvhili havho vha ḓi fhirela phanḓa.

2 KORONIKA 29:15

Vhanna avho vha kuvhanganya Vhalivi vha havho, vha vha kumedza kha Mudzimu, vha ṱuwa vha yo dzhena thembeleni ya Muṋe washu vha i kumulula, nga he khosi ya vha laya, vha tshi tevhedza zwe Muṋe washu a amba.

2 KORONIKA 29:27

Hiskia a bvisa ndaela ya uri aḽiṱarini hu ṋekedzwe tshiṱhavhelo tshi fhiswaho. Musi vha tshi thoma u ṋekedza, vhathu na vhone vha thoma u renda Muṋe washu nga nyimbo, hu tshi lila dziphalaphala na zwilidzo zwa Dafita khosi ya Israele.

2 KORONIKA 29:30

Khosi Hiskia na vhakoma vhawe vha vhudza Vhalivi uri vha rende Muṋe washu nga nyimbo dza Dafita na dza muvhoni Asafu; Vhalivi vha mbo renda vho takala, vha konou gwadama vha rabela.

2 KORONIKA 30:12

Mudzimu a shuma na shangoni ḽa Juda, a ita uri vhathu vha vhe na mbilu nthihi uri vha khunyeledze ndaela ya khosi na magota, vha tshi tevhedza zwe Muṋe washu a amba.

NEHEMIA 13:22

Nda vhudza Vhalivi uri vha ḓikumulule, vha ṱuwe vha yo linda dzikhoro uri Sabatha i itwe khethwa. Mudzimu wanga, nnyelelwe na nga zwenezwi-vho, u nkhathutshele ngauri u na lufuno luhulu!

NEHEMIA 13:28

Joyada o vha e ṅwana wa tshifhe muhulu Eliashibi, hone ṅwana wa Joyada a dzea ṅwananyana wa Sanibalati, wa Bethe Horoni, ndi zwe nda thatha Joyada Jerusalema.

EKISODA 14:13

Mushe a fhindula vhathu a ri, “Ni songo ofha tshithu! Imani no khwaṱha, ni ḓo vhona zwine Muṋe washu a ḓo ita uri a ni tshidze ṋamusi; Vhaegipita havha vhane na khou vha vhona ṋamusi, a ni tsha ḓo dovha na vha vhona.

ZWILILO 3:26

Ndi zwavhuḓi u lindela u tshidzwa nga Muṋe washu wo dzika.

JOSHUA 3:17

Musi vhathu vha tshi khou tshimbila vha tshi wetshela seli nga ho omaho, vhotshifhe vho hwalaho mbulungelo ya mulanga ya Muṋe washu vha vha vhó ima mavuni o omaho vhukati ha mulambo vha sa sudzuluwi vhathu vhoṱhe vha vhuya vha wela seli.

JOSHUA 3:3

vha vhudza vhathu vha ri, “Musi ni tshi vhona vhotshifhe, vhone Vhalivi, vhó hwala mbulungelo ya mulanga ya Muṋe washu Mudzimu waṋu, ni bve mishashani ni vha tevhele.

JOSHUA 3:7

Muṋe washu a vhudza Joshua a ri, “Ṋamusi ndi ḓo thoma u u hulisa Vhaisraele vhoṱhe vha tshi zwi vhona, ndi hone vha tshi ḓo zwi ḓivha uri ndi na iwe sa zwe nda vha ndi na Mushe.

JOSHUA 3:9

Joshua a vhudza Vhaisraele a ri, “Iḓani fhano ni pfe zwine Muṋe washu Mudzimu waṋu a amba.

JOSHUA 4:11

Musi vhoṱhe vho no vha seli na luḽa, vhotshifhe vho hwalaho mbulungelo ya mulanga wa Muṋe washu vha dovha vha ranga vhathu phanḓa.