JOSHUA 3:5 - BIVHILI KHETHWA Mafhungo Madifha

⁵ Joshua a dovha a vhudza vhathu a ri, “Ḓikumululeni Muṋe washu ngauri matshelo u ḓo ni itela maḓembe.”

JOSHUA 3:5 Iomraidhean Croise

JOBO 1:5

Ho vha hu tshi ri vhuṱambo ho no ṱanganya vhoṱhe, ḽi tshi tsha Jobo a fhinduwa a vhidza vhana vhawe a vha kumulula, a ṋekedza Mudzimu zwipfumelo a tshi itela vhana vhawe nga muthihi nga muthihi; o vha a tshi ri khamusi muṅwe wavho a nga kha ḓi vha o tshinya a sa zwi pfi, a sema Mudzimu. Yeneyo yo vha i nḓowelo yawe ya misi.

DZIPHISALEMA 77:15

Wo tshidza vhathu vhau nga maanḓa au, vhaḓuhulu vha Jakopo na Josefa.

DZIPHISALEMA 86:10

Muhuluhulu ndi Iwe, u ita zwimangadzo, ndi Iwe Mudzimu u woṱhe.

JUELE 2:16

Kuvhanganyani vhathu, vha vhe tshivhidzo tsho ḓikhethelaho Mudzimu; kuvhanganyani vhahulwane; kuvhanganyani vhana, na vhane vha kha ḓi mama! Mukwasha nga a bve-vho rumuni yawe a ḓe, na muselwa nga a bve nḓuni.

LIVITIKO 10:3

Ndi hone Mushe a tshi vhudza Aroni a ri, “Hezwi ndi zwe Muṋe washu a vha a tshi khou amba zwone musi a tshi ri, “ ‘Vhane vha nṋekedza nduvho vha fanela u hulisa vhukhethwa hanga; ndi ḓo dzumbululela vhathu vhugala hanga.’ ” Hone Aroni a sokou fhumula.

LIVITIKO 20:7

Ivhani vhakhethwa, ngauri ndi Nṋe Yahavee Mudzimu waṋu.

NUMERI 11:8

O vha a tshi wela mishashani vhusiku a tshi wa na ṅwando. Nga matshelo ḽi tshi tsha vhathu vha tshimbila vha tshi a doba, vha a kuya kana vha a sinḓa mutulini a ita vhukhopfu, vha konou u a bika vha ita zwigaku. Muthu a tshi ḽa o vha a tshi nga vhurotho ho bagwaho nga mapfura a muolivi.)

JOHANISI 17:19

Ndi ḓikumedza Iwe ndi tshi itela vhone uri na vhone vha kone u ḓikumedza Iwe vhukuma.

JOSHUA 3:13

Vhotshifhe vho hwalaho mbulungelo ya mulanga ya Yahavee Muṋe wa ḽifhasi ḽoṱhe vha ḓo ri u longa ṋayo dzavho maḓini, mulambo wa Jorodani wa si tsha ela, maḓi a no tsa a tshi ela a ḓo ima fhethu huthihi.”

JOSHUA 3:4

Inwi ndi u thoma ni tshi ḓa fhano, zwenezwo vha ḓo ni sumbedza nḓila ine na ḓo i fara. Hone ni songo sendela tsini ha mbulungelo ya mulanga, ni tevhele nó sia tshikhala tsha khilomitha nthihi vhukati haṋu na yone.”

JOSHUA 3:6

Ndi hone a tshi vhudza vhotshifhe uri vha hwale mbulungelo ya mulanga vha tshimbile nayo phanḓa ha vhathu. Vhone vha ita zwe a amba.

JOSHUA 7:13

Takuwa! Kumulula vhathu, u ite uri vha kone u ḓa phanḓa hanga. Vha vhudze vha ḓilugise matshelo, ngauri nga Yahavee Mudzimu wa Israele ndi ri: Inwi Vhaisraele, kha thundu dzaṋu ni na zwiṅwe zwithu zwe nda ri ni zwi lozwe! Ni nga si kone u imedzana na maswina aṋu ni sa athu laṱa zwithu hezwo!

1 SAMUELE 16:5

Samuele a fhindula a ri, “Ndi ḓa nga mulalo, ndo ḓa u ṋekedza Muṋe washu tshiṱhavhelo. Ḓikumedzeni Mudzimu ri ṱuwe roṱhe ri yo ṋekedza tshiṱhavhelo.” Ndi hone Isai na vhana vhawe a tshi vha kumedza Mudzimu, a ṱuwa navho vha yo ṋekedza tshiṱhavhelo.