JOSHUA 3:3 - BIVHILI KHETHWA Mafhungo Madifha

³ vha vhudza vhathu vha ri, “Musi ni tshi vhona vhotshifhe, vhone Vhalivi, vhó hwala mbulungelo ya mulanga ya Muṋe washu Mudzimu waṋu, ni bve mishashani ni vha tevhele.

JOSHUA 3:3 Iomraidhean Croise

2 SAMUELE 6:13

Musi vho hwalaho mbulungelo ya mulanga ya Muṋe washu vho tshimbila maga maṱanu na ḽithihi, Dafita a ṋekedza tshiṱhavhelo tsha mboho na ṋamana yo nonaho.

2 SAMUELE 6:3

Vha i bvisa hayani ha Abinadaba muvhunduni vha i takula vha i vhea kha gariki ntswa. Uza na Ahio, vhana vha Abinadaba vho vha vha tshi khou endedza iyo gariki

1 MAHOSI 8:3

Musi vhahulwane vha Israele vho no khunyelela, vhotshifhe vha hwala mbulungelo ya Muṋe washu,

JEREMIA 33:18

nahone hu ḓo ḓi dzula hu na Vhalivi vha re vhotshifhe vha no nṋekedza nduvho dzi fhiswaho, vha fhisa nduvho ya thoro, vha nṋekedza zwiṱhavhelo.”

NUMERI 10:33

Musi vhathu vha tshi ṱuwa Sinai, thavhani khethwa, vha fhedza maḓuvha mararu vha tshi khou tshimbila. Mbulungelo ya mulanga ya Muṋe washu yo ḓi vha ranga phanḓa uri i vha wanele hune vha nga ṱoka mishasha.

NUMERI 4:15

Musi tshifhinga tsha u thutha mishasha tshi tshi swika, Aroni na vhana vhawe vhó no fhedza u zwi putela na thundu dzazwo dzoṱhe, hu fanela u ḓa vha mutupo wa Kehathi vha hwale thundu heyo khethwa. Ndi wone mushumo une vha fanela u shuma denndeni ya u ṱangana na Muṋe washu, hone hezwo zwikhethwa vha songo vhuya vha zwi kwama, vha sa ḓo fa.

MATIOSI 16:24

Ndi hone Yesu a tshi vhudza vhafunziwa vhawe a ri, “Arali muthu a tshi funa u vha mufunziwa wanga, nga a ḓihangwe a hwale tshifhambano tshawe, a ntevhele.

MATIOSI 8:19

Ndi hone muṅwe muḓivhi wa Mulayo a tshi ḓa khae a ri, “Vhafunzi, nṋe ndi ḓo vha tevhela hoṱhe hune vha ya.”

DOTORONOMIO 31:25

a laya Vhalivi vha hwalaho mbulungelo ya mulanga wa Muṋe washu a ri,

DOTORONOMIO 31:9

Mushe o ṅwala mulayo wa Mudzimu a u ṋea vhotshifhe, vhone Vhalivi, vha hwalaho mbulungelo ya mulanga wa Muṋe washu, na vhahulwane vhoṱhe vha Israele,

JOSHUA 3:4

Inwi ndi u thoma ni tshi ḓa fhano, zwenezwo vha ḓo ni sumbedza nḓila ine na ḓo i fara. Hone ni songo sendela tsini ha mbulungelo ya mulanga, ni tevhele nó sia tshikhala tsha khilomitha nthihi vhukati haṋu na yone.”

JOSHUA 3:6

Ndi hone a tshi vhudza vhotshifhe uri vha hwale mbulungelo ya mulanga vha tshimbile nayo phanḓa ha vhathu. Vhone vha ita zwe a amba.

JOSHUA 3:8

Vhudza vhotshifhe vho hwalaho mbulungelo ya mulanga uri musi vha tshi swika mulamboni, vha ri u kanda maḓini vha ime henefho.”

JOSHUA 4:10

Vhotshifhe vho ima vhukati ha Jorodani ha vhuya ha itwa zwoṱhe zwe Muṋe washu a vhudza Joshua uri a vhudze vhathu vha zwi ite. Hezwo ndi zwe Mushe a ri zwi itwe. Vhathu vha wela mulambo nga u ṱavhanya.

JOSHUA 6:6

Joshua ṅwana wa Nunu a vhidza vhotshifhe a vha vhudza a ri, “Hwalani mbulungelo ya mulanga, vhaṱanu na vhavhili vhaṋu vha range phanḓa hayo vho fara phalaphala.”

NZUMBULULO 14:4

Ndi vhenevho vhe vha si ḓishate tshika nga vhasadzi, vha dzula vho kuna. Vha tevhela Ngwana hoṱhe hune ya ya. Kha vhathu vhoṱhe ndi vhone vhe vhoṱhe vho rengululwaho, uri vha nge zwiranzhe zwi ṋekedzwaho Mudzimu na Ngwana.

1 SAMUELE 6:15

Vhalivi vha tsisa mbulungelo ya Muṋe washu, khathihi na bogisi ḽi re na zwithu zwa musuku, vha zwi vhea nṱha ha iḽo tombo ḽihulu. Musi wonoyo vhathu vha Bethe Shemeshe vha ṋekedza Muṋe washu nduvho dzo fhiswaho na zwiṱhavhelo.