JOSHUA 3:16 - BIVHILI KHETHWA Mafhungo Madifha

¹⁶ maḓi a si tsha ela, a raha a swika muḓini wa Adamu u re tsini ha Tsarethani. Maḓi a no ela a tshi tsela Lwanzheni lwa Muṋo o vha o tumuwa tshoṱhe, vhathu vha konou wela mulambo tsini ha Jerikho.

JOSHUA 3:16 Iomraidhean Croise

GENESI 14:3

Mahosi hayo maṱanu o ima oṱhe a bva pfumo a yo lwa govhani ḽa Sidimu (Govha ḽa Sidimu ndi Lwanzhe lwa Muṋo).

1 MAHOSI 4:12

Baana ṅwana wa Ahiludu: Thaanakha na Megido na dzingu ḽoṱhe ḽa Bethe Shiani tsini ha Tsarethani tshipembe ha Jesriele, u bva Bethe Shiani u swika Abele Mihola u wetshela Jokomiamu.

1 MAHOSI 7:46

Khosi yo zwi vhumbisa ngomu ha dziforomo dza vumba mudavhini wa Jorodani vhukati ha Sukotho na Tsarethani.

DZIPHISALEMA 114:3

Lwanzhe lwo ri u zwi vhona lwa shavha, Jorodani wa ela u tshi humela murahu,

DZIPHISALEMA 114:5

Iwe lwanzhe, u shavhani? Iwe Jorodani, u humelani?

DZIPHISALEMA 29:10

Muṋe washu u vhusa ó thukha kha mativha mahulu, Muṋe washu u ḓo ḓi vhusa e khosi lini na lini.

DZIPHISALEMA 33:7

O kuvhanganya maḓi a lwanzhe a nga e dzinkhoni; mativha a a shatela zwisikuni.

DZIPHISALEMA 66:6

o xisa lwanzhe ha sala ho oma, vha wela mulambo nga milenzhe. Henefho ndi he ra mu takalela,

DZIPHISALEMA 74:15

Ndi Iwe Muphuli wa zwisima; wo elisa milambo, wa xisa milambo i sa xi.

DZIPHISALEMA 77:19

Iwe wa fhira vhukati ha lwanzhe, wa vula nḓila vhukati ha maḓi a maanḓa, nangwe vhuṱala hau vhu songo vhonala.

DZIPHISALEMA 78:13

O fhandekanya lwanzhe a vha pfukisa, a imisa maḓi a khwaṱha unga luvhondo.

EKISODA 14:21

Mushe a angaladza tshanḓa tshawe nṱha ha lwanzhe. Muṋe washu a sukumedzela lwanzhe murahu nga muya wa vhubvaḓuvha u no vhudzulesa vhusiku hoṱhe, lwanzheni ha sala hu shango ḽo omaho. Maḓi a fhandekana,

EKISODA 14:22

Vhaisraele vha wela lwanzhe vha tshi kanda ho omaho, hu na mbondo dza maḓi sia ḽavho ḽa tshauḽa na sia ḽa tshamonde.

EKISODA 14:29

Hone Vhaisraele vho wela lwanzhe vha tshi kanda mavuni o omaho, hu na mbondo dza maḓi kha tshauḽa tshavho na tshamonde.

EKISODA 15:8

U tshi tou fumula ningo yau, maḓi a mbo ḓi imiswa a si tsha ela, magabelo a ima e tswi unga luvhondo, ngomu tshivhindini tsha lwanzhe mativha a rindila.

YESAYA 50:2

Khezwi ndi tshi ḓi ḓa ha inwi nda si wane muthu? Ndi tshi ḓi vhidzelela, ndi mini hu si na we a fhindula? Kani-ha tshanḓa tshanga ndi tshipfufhi, a tshi koni u ni vhofholola? A thi na nungo dza u ni tshidza naa? Ndi nadzo! Nda kaidza lwanzhe lu a xa, milambo ya oma ya nga phanga, khovhe dza fa nga ḓora dza sina nga u shaya maḓi.

ESEKIELE 47:8

Uyo munna a ri, “Maḓi haya a ela a tshi ya vhubvaḓuvha a tshi tsela Govhani ḽa Jorodani, a swika Lwanzheni lwa Muṋo, a tshi ela a tshi dzhena lwanzheni a ḓifhisa maḓi alwo.

NAHUMI 1:4

U kaidza lwanzhe lwa xa, u omisa milambo yoṱhe. Maṱaka a Bashani na Kharamele a a puta, maluvha a Libanoni a haluluwa.

HABAKUKU 3:8

Muṋe washu, wo sinyutshela milambo naa? Wo sinyuswa nga lwanzhe naa, u tshi ḓa wó pana bere dzau, wó namela gariki yau ya nndwa i no kunda maswina.

NUMERI 34:3

Masakha a thungo ya tshipembe a ḓo thoma phangani ya Tsini a tshimbila na masakha a Edomo. A ḓo thoma vhubvaḓuvha hune Lwanzhe lwa Muṋo lwa guma hone thungo ya tshipembe.

DOTORONOMIO 1:1

Bugu iyi i ri vhudza maipfi a Mushe. Ndi mafhungo e a vhudza Vhaisraele vhoṱhe musi vha tshee phangani seli ha Jorodani vhó livhana na Sufu, thungo dza Pharani na Thofele na Labani na Hatserotho na Dizahaba.

DOTORONOMIO 3:17

thungo ya vhukovhela ndi govha ḽa Jorodani u bva dzivhani ḽa Khinirethe u swika vhubvaḓuvha ha Lwanzhe lwa Muṋo, mabamani a Phisiga.

JOSHUA 12:3

wa angaredza govha ḽa Jorodani u bva dzivhani ḽa Khinirethe tshipembe, u swika Bethe Jeshimotho, vhubvaḓuvha ha Lwanzhe lwa Muṋo, u livha tsindeni ḽa thavha ya Phisiga.

JOSHUA 15:2

Masakha ayo a tshipembe o vha a tshi thoma magumoni a tshipembe a Lwanzhe lwa Muṋo,

JOSHUA 16:7

Zwino a tsa a tshi bva Janua a livha Atarotho na Naara, a swika Jerikho a guma mulamboni wa Jorodani.

JOSHUA 3:13

Vhotshifhe vho hwalaho mbulungelo ya mulanga ya Yahavee Muṋe wa ḽifhasi ḽoṱhe vha ḓo ri u longa ṋayo dzavho maḓini, mulambo wa Jorodani wa si tsha ela, maḓi a no tsa a tshi ela a ḓo ima fhethu huthihi.”

JOSHUA 4:22

ni vha vhudze zwa musi Vhaisraele vha tshi wela mulambo wa Jorodani wo oma.

JOSHUA 5:1

Mahosi oṱhe a Vhaamori vhukovhela ha Jorodani na mahosi oṱhe a Vhakanana u navha na Lwanzhe lwa Phandamashango, vha zwi pfa uri Muṋe washu o xisa mulambo wa Jorodani, Vhaisraele vha wela. Vha farwa nga nyofho, vha kulea nungo vha si tsha vha na vhuhali ha u imedzana na Vhaisraele.

VHARANGAPHANḒA 7:22

Hezwi vhanna vha Gidioni vha tshi khou lidza phalaphala, Muṋe washu a ita uri mmbi ya maswina vha rungane nga tshavho nga mafumo. Vha shavhela thungo ya Tsareda vha vhuya vha swika Bethe Shitha na muḓanani wa Abele Mihola na Tabathi.