JOSHUA 3:14 - BIVHILI KHETHWA Mafhungo Madifha

^14-15 Tsho vha tshi tshifhinga tsha u kaṋa, mulambo wa vha wo ḓala wa ita na u fhalala. Musi vhathu vha tshi takuwa mishashani uri vha yo wela Jorodani, vhotshifhe vha vha ranga phanḓa vho hwala mbulungelo ya mulanga. Ha ri milenzhe ya vhotshifhe i tshi tou kanda maḓini,

JOSHUA 3:14 Iomraidhean Croise

DZIPHISALEMA 132:8

Muṋe washu, vuwa u ye vhuaweloni hau ú na mbulungelo i no sumbedza maanḓa au.

JEREMIA 3:16

“Misi yeneyo musi no no anda shangoni, vhathu a vha tsha ḓo ri, ‘Ri na mbulungelo ya mulanga wa Yahavee!’ A vha tsha ḓo vhuya vha i humbula kana vha i elekanya; vha ḓo vha vha si tsha i ṱoḓa, na u ita iṅwe a vha nga iti.

DOTORONOMIO 31:26

“Dzhiani bugu iyi ya mulayo ni i vhee tsini ha mbulungelo ya mulanga wa Muṋe washu Mudzimu waṋu uri i vhe ṱhanzi ni tshi laṱwa nga tshifhinga tshi ḓaho.

VHAHEBERU 9:4

Henefho ho vha hu na aḽiṱari ya musuku ya u fhisela zwioro, na mbulungelo ya mulanga yo tou fukedzwaho nga musuku. Ngomu hayo ho vha hu na mvuvhelo ya musuku yo faraho mana, na lubaḓa lwa Aroni lwo ṱumaho lurere, na maḓaba o ṅwalwaho maipfi a mulanga.

JOSHUA 24:11

Na wela mulambo wa Jorodani, na swika Jerikho. Vhanna vha Jerikho vha lwa na inwi, u ḓi nga Vhaamori na Vhapherisi na Vhakanana na Vhahithi na Vhagirigashi na Vhahivi na Vhajebusi, hone Nṋe nda vha kumedza zwanḓani zwaṋu.

JOSHUA 3:3

vha vhudza vhathu vha ri, “Musi ni tshi vhona vhotshifhe, vhone Vhalivi, vhó hwala mbulungelo ya mulanga ya Muṋe washu Mudzimu waṋu, ni bve mishashani ni vha tevhele.

JOSHUA 3:6

Ndi hone a tshi vhudza vhotshifhe uri vha hwale mbulungelo ya mulanga vha tshimbile nayo phanḓa ha vhathu. Vhone vha ita zwe a amba.

JOSHUA 6:6

Joshua ṅwana wa Nunu a vhidza vhotshifhe a vha vhudza a ri, “Hwalani mbulungelo ya mulanga, vhaṱanu na vhavhili vhaṋu vha range phanḓa hayo vho fara phalaphala.”