JOSHUA 3:1 - BIVHILI KHETHWA Mafhungo Madifha

¹ Nga matshelo Joshua na Vhaisraele vhoṱhe vha tou fhinduwa, vha ṱuwa mishashani ya Shitimu, vha livha Jorodani, vha ṱoka mishasha henefho vho lindela u wela mulambo.

JOSHUA 3:1 Iomraidhean Croise

GENESI 21:14

Musi ḽi tshi tsha hu tshee nga matsheloni, Abrahamu a dzhia zwiḽiwa na mukhwama wa maḓi wa mukumba, a ṋea Hagara. A mu hwesa mahaḓani, a mu thatha na ṅwana. Hagara a ṱuwa a tendeleka na soga ḽa Bierisheba.

GENESI 22:3

Nga matshelo Abrahamu a fhinduwa a vhelesa donngi yawe. A ṱuwa na phuli dzawe mbili na mutukana wawe Isaka. A fhanza khuni dzo eḓanaho dza tshiṱhavhelo, a livha he Mudzimu a mu vhudza.

DZIPHISALEMA 119:60

A thi ongolowi u tevhedza milayo yau, ndi a ṱavhanya.

JEREMIA 25:3

Zwo no ita miṅwaha ya 23, u bva ṅwaha wa 13 wa muvhuso wa Josiasi ṅwana wa Amoni khosi ya Juda u swika ṋamusi ipfi ḽa Muṋe washu ḽó ḓa ha nṋe, nda ni vhudza ndo tou khwaṱhisa, hone inwi na si thetshelese.

JEREMIA 26:5

ni thetshelese maipfi a vhaḓinḓa vhanga vhaporofita vhane nda vha ruma ha inwi nda ḓi dovha, nangwe ni songo thetshelesa.

JEREMIA 7:13

No ita zwivhi zwoṱhe hezwo, nda amba na inwi nda tou khwaṱhisa, na hana u thetshelesa; nda ni vhidza na si aravhe.

MIKA 6:5

Vhathu vhanga, elelwani vhunwa he Balaka khosi ya Muaba a ni lukela, ni elelwe na phindulo ya Biliamu ṅwana wa Bioro. Elelwani zwo iteaho lwendoni lwaṋu ni tshi bva mushashani wa Shitimu ni tshi ya Giligala, uri ni kone u ḓivha mishumo mivhuya ya Yahavee.”

NUMERI 25:1

Musi Vhaisraele vho ṱoka mishasha Govhani ḽa Miunga, vhanna vha thoma u ita vhuaḓa nga u dzhenisa vhasadzi vha Muaba nḓuni.

MARKOSI 1:35

Nga matshelo Yesu a fhinduwa hu tshee vhusiku a yo rabela sogani.

JOSHUA 2:1

Ndi hone Joshua a tshi ruma ṱholi mbili dzi tshi bva Shitimu (Maungani), a vha laya uri vha yo tandula shango ḽa Kanana, zwihulwane muḓi wa Jerikho. Musi vha tshi swika muḓini uyo, vha yo eḓela nḓuni ya musadzi wa phombwe ane a pfi Rahaba.

JOSHUA 6:12

Nga matshelo Joshua a fhinduwa, vhotshifhe na vhahali vha mona muḓi lwa vhuvhili nga kutevhekanele kwonokuḽa kwa mulovha: ha ranga vho faraho zwihali, ha tevhela vhotshifhe vhaṱanu na vhavhili vha tshi khou lidza phalaphala dzavho, ha tevhela vhotshifhe vho hwalaho mbulungelo ya mulanga ya Muṋe washu, ha konou tevhela vho faraho zwihali vha murahu. Tshifhinga tshoṱhe hetsho ho vha hu tshi khou lila phalaphala.

JOSHUA 6:15

Nga ḓuvha ḽa vhuṱanu na vhuvhili vha vuwa mapfuvhi a tshi tswuka, vha mona muḓi kaṱanu na kavhili nga nḓila yeneiḽa. Ndi ḽeneḽo ḓuvha fhedzi ḽe vha mona uyo muḓi kaṱanu na kavhili.

JOSHUA 7:16

Ḽi tshi tsha hu tshee nga matsheloni Joshua a isa Vhaisraele, tsinde nga tsinde, ha mvaṱiwa tsinde ḽa Juda.

JOSHUA 8:10

Ḽi tshi tsha Joshua a fhinduwa, a vhidza vhahali vhawe vha kuvhangana. Ene na vharangaphanḓa vha Israele vha vha ranga phanḓa vha ya Ai.

VHARANGAPHANḒA 20:19

Ḽi tshi tsha Vhaisraele vha takuwa vha ṱoka mishasha tsini ha muḓi wa Gibia.

1 SAMUELE 17:20

Dafita a fhinduwa, a sia nngu na mulisa, a hwala izwo zwiḽiwa, a tshimbila nga he a laiwa nga Isai. A swika mishashani musi mmbi i tshi khou bva i tshi yo ima vhuimoni hayo ha nndwa, i tshi khou ṱavha mukosi wa nndwa.