JOSHUA 24:32 - BIVHILI KHETHWA Mafhungo Madifha

³² Marambo a Josefa e Vhaisraele vha pfuluwa nao Egipita, o swiṱwa Shikheme, shangoni ḽe Jakopo a renga nga mangwende a ḓana a siliva, kha vhana vha Hamoro khotsi a Shikheme. Shango heḽo ḽo vha ifa ḽa vhaḓuhulu vha Josefa.

JOSHUA 24:32 Iomraidhean Croise

GENESI 33:19

A renga tsimu kha vhana vha Hamoro, khotsi a Shikheme, nga mangwende a ḓana a siliva, a akha dennde yawe henefho.

GENESI 48:22

A vha nṋe, ndi u ṋea Shikheme, shango ḽi no fhira ḽa vhakomana vhau, ḽiḽa ḽe nda ḽi dzhiela Vhaamori nga pfumo ḽanga na vhura hanga.”

GENESI 50:24

Josefa a vhudza vhakomana vhawe a ri, “Ndi ḓo ṱuwa ndi tshi fa. Hone vhukuma Mudzimu u ḓo ni elelwa a ni itela vhuthu, a ni bvisa shangoni heḽino, a ni isa shangoni ḽe a fulufhedzisa Abrahamu na Isaka na Jakopo nga muano.”

GENESI 50:25

Josefa a tou anisa vhana vha Israele a ri, “Musi Mudzimu a tshi ni elelwa a ni ita nga vhuthu, vhukuma ni hwale marambo anga ni ṱuwe nao.”

EKISODA 13:19

Mushe o pfuluwa na marambo a Josefa, ngauri Josefa o vha o anisa Vhaisraele a ri, “Vhukumakuma Mudzimu u ḓo ni lamulela. Musi ḓuvha iḽo ḽi tshi swika ni pfuluwe na marambo anga.”

JOHANISI 4:5

E lwendoni lwonolwo a ḓi swika muḓini wa Sikhara kha ḽa Samaria u re tsini na iḽa tsimu ye Jakopo a ṋea ṅwana wawe Josefa.

MISHUMO 7:15

Ndi hone Jakopo na vhomakhulukuku washu vha tshi tsela Egipita, vha vhuya vha fela henengei.

MISHUMO 7:16

Huno zwitumbu zwavho zwa humiselwa Shikheme zwa swiṱwa tshaloni tshe Abrahamu a tshi renga nga tshelede i si na vhukono kha vhana vha Hamoro.

VHAHEBERU 11:22

Ndi nga lutendo Josefa o ri a tshi ṱoḓa u fa a amba nga zwa u pfuluwa ha Vhaisraele Egipita, a vha laya zwine vha fanela u ita nga marambo awe.