JOSHUA 24:31 - BIVHILI KHETHWA Mafhungo Madifha

³¹ Vhaisraele vho shumela Muṋe washu misi yoṱhe Joshua a tshi kha ḓi tshila, na musi o no fa vha ḓi ralo vhahulwane vhe Joshua a fa a sia vha tshee hone, havhaḽa vhe vha vhona nga maṱo zwoṱhe zwe Muṋe washu a itela Vhaisraele.

JOSHUA 24:31 Iomraidhean Croise

GENESI 14:10

Zwino govha ḽa Sidimu ḽo vha ḽo ḓala milindi ya tshikonṱiri; musi mahosi a Sodoma na Gomora a tshi shavha, vha wela ngomu hayo, vhaṅwe vha shavhela zwivhangani.

2 KORONIKA 24:2

Miṅwaha yoṱhe ya musi tshifhe Jehoyada a tshi kha ḓi tshila, Juasi a ita zwe zwa takadza Muṋe washu.

2 KORONIKA 34:33

Khosi Josiasi a thutha zwitungulo zwoṱhe zwi nengisaho shangoni ḽoṱhe ḽa Vhaisraele, a kombetshedza uri vhoṱhe vhe vha vha vha tshi dzula Israele vha shumele Muṋe washu Mudzimu wavho. Musi a tshi kha ḓi tshila, a vho ngo kundwa u tevhela Muṋe washu Mudzimu wa vhokhotsi avho.

MISHUMO 20:29

Nṋe ndi a zwi ḓivha uri ndi tshi ṱuwa ni ḓo ḓelwa nga maṱalerwa a vhuhali ane a ḓo tou hana u vhona sambi.

DOTORONOMIO 11:2

Ṋamusi ni a zwi ḓivha uri Muṋe washu Mudzimu waṋu o ni laya hani a tshi ni sumbedza vhuhulu hawe na tshanḓa tshawe tshihulu tsha maanḓa. Vhana vhaṋu a vho ngo zwi vhona,

DOTORONOMIO 11:7

Mishumo yoṱhe heyo mihulu ye Muṋe washu a ita no zwi vhona nga aṋu maṱo.

DOTORONOMIO 31:13

Ngauralo na vhana vhaṋu vha sa athu ḓivha mulayo wonoyo vha ḓo ḓipfela nga vhoṱhe vha guda u hulisa Muṋe washu Mudzimu waṋu misi yoṱhe ine na dzula shangoni ḽine na khou wetshela khaḽo ni tshi wela Jorodani uri ni ḽi dzhie ḽi vhe ḽaṋu.”

DOTORONOMIO 31:29

ngauri ndi dzula ndi tshi zwi ḓivha uri musi ndo no fa a ni nga kundwi u tshinya na pambuwa nḓilani ye nda ni laya, ndi zwine na ḓo welwa nga khombo misi i ḓaho, ngauri ni ḓo ita zwi sa takadzi Muṋe washu, na mu ṱunga nga zwiito zwaṋu.”

VHAFILIPI 2:12

Zwino-ha vhafunwa, musi ndi na inwi ngeo no vha ni tshi ḓi mpfa. Ndi zwone, dzulani ni tshi ḓi mpfa naho ndi ngeno, u fhira na musi ndi ngeo. Ndi ri inwi vhaṋe isani phanḓa mushumo wa u tshidzwa haṋu, ni ralo nga nyofho na khuliso,

VHARANGAPHANḒA 2:10

Murafho wonoyo woṱhe na wone wa fa, murafho u tevhelaho wa hangwa Muṋe washu, vha hangwa na zwe a itela Vhaisraele.

VHARANGAPHANḒA 2:6

Joshua a onesana na Vhaisraele, muṅwe na muṅwe a yo dzula shangoni ḽe a kovhelwa ḽa vha ḽawe.

VHARANGAPHANḒA 2:7

Vhaisraele vha shumela Muṋe washu Joshua a tshi kha ḓi tshila, na musi vharangaphanḓa vha tshi kha ḓi tshila vhe Joshua a fa a vha sia, ndi vhe vha vhona nga avho maṱo mishumo mihulu yoṱhe ye Muṋe washu a itela Vhaisraele.