JOSHUA 24:27 - BIVHILI KHETHWA Mafhungo Madifha

²⁷ Joshua a vhudza vhathu vhoṱhe a ri, “Tombo heḽi ḽi ḓo vha ṱhanzi yashu. Ḽo pfa maipfi oṱhe e Muṋe washu a ri vhudza. Zwenezwo ḽi ḓo vha ṱhanzi ya u ni rovhedza, ni si shandukele Muṋe washu.”

JOSHUA 24:27 Iomraidhean Croise

JOBO 31:23

Zwo raloho ndo vha ndi sa nga zwi iti, hufha ndi tshi ofha ṱhamu ya Mudzimu na vhuhulu hawe.

JOBO 31:28

vhuvhi ho raloho ndo vha ndi tshi ḓo vhu lifha nga u wana ṱhamu; ho vha hu tshi ḓo vha u landula Mudzimu a re ṱaḓulu.

MIRERO 30:9

ndi sa ḓo vha na zwinzhisa nda vho u ṱamba, nda vho ri, “Yahavee ndi nnyi?” kana nda vha mushai nda vho tswa, u ralo nda vha ndo nyadzisa dzina ḽa Mudzimu wanga.

YESAYA 1:2

Muṋe washu o amba a ri, “Ḽiṱaḓulu nga ḽi thetshelese, ḽifhasi nga ḽi pfe zwine nda amba! Ndo lela vhana, nda ri u vha alusa, vha ntshandukela.

YESAYA 59:13

ro u shandukela ra ita vhufhura, ra furalela Mudzimu washu, ra hana u u tevhela ra kandeledza vhaṅwe; mbilu dzashu dzo amara mazwifhi ra a ṱanza nga u zwifha.

HABAKUKU 2:11

Matombo a mitsheṱo na one a ḓo ṱavha mukosi, matanda a humisa uyo mukosi.

NUMERI 11:20

ni ḓo i ḽa ṅwedzi woṱhe, ya vhuya ya ni nukhela, na si tsha i funa. Hezwo zwi ḓo itea nge na landula Yahavee ane a dzula na inwi, na mu gungulela na ri ngavhe ri songo pfuluwa Egipita.’ ”

MATIOSI 10:33

Hone ane a ḓo nndandula nga u ofha vhathu, Nṋe-vho ndi ḓo mu landula khoroni ya Khotsi anga wa ṱaḓulu.

LUKASI 19:40

Yesu a fhindula a ri, “Ndi a ni vhudza ndi ri: Arali avha vha fhumula, matombo a ḓo vha one a no fhululedza.”

DOTORONOMIO 30:19

“Ḽiṱaḓulu na ḽifhasi ndi ṱhanzi dzanga ṋamusi: Ndo vhea vhutshilo na lufu phanḓa haṋu, mashudu na khombo. Nangani-ha vhutshilo uri ni kone u tshila, inwi na vhana vhaṋu,

DOTORONOMIO 31:19

“Ḓiṅwaleleni-ha luimbo holu, ni lu gudise Vhaisraele uri vha kone u lu imba-vho uri matshelo luimbo ulu lu vhe vhuṱanzi ha u vha haṱula.

DOTORONOMIO 31:21

Musi khombo idzo nnzhi na madambudzo zwi tshi vho vha wela, luimbo holu lu ḓo vha vhudza uri zwi itwa ngani. Vha kha ḓi ḓo lu imba, lwa konou vha vhuṱanzi ha u vha laṱa. Nṋe ndi ḓivha mbilu dzavho na ṋamusi vha tshee fhano ndi sa athu vha swikisa shangoni ḽe nda vha fulufhedzisa.”

DOTORONOMIO 31:26

“Dzhiani bugu iyi ya mulayo ni i vhee tsini ha mbulungelo ya mulanga wa Muṋe washu Mudzimu waṋu uri i vhe ṱhanzi ni tshi laṱwa nga tshifhinga tshi ḓaho.

DOTORONOMIO 32:1

“Hee, ḽiṱaḓulu, ivha ṱhanzi! Ipfa maipfi anga iwe shango!

DOTORONOMIO 4:26

Ndi ri ḽiṱaḓulu na ḽifhasi ndi ṱhanzi ṋamusi, a ni nga dzulesi shangoni ḽine na khou wetshela khaḽo seli ha Jorodani, ni ḓo ṱavhanya u lovha ni khaḽo, vhukuma ni ḓo tou lovha tshoṱhe.

TITOSI 1:16

Vha ḓiita vha ḓivhaho Mudzimu ngeno vha tshi mu landula nga zwiito zwavho. Vha a nengisa, na u pfa a vha pfi, a hu na na tshivhuya na tshithihi tshine vha nga kona u tshi ita.

JOSHUA 22:34

Vhathu vha Rubeni na Gadi vha ri, “Aḽiṱari iyi ndi ṱhanzi yashu roṱhe ya uri Muṋe ashu ndi Mudzimu.” Zwenezwo vha ri i pfi Ṱhanzi.

JOSHUA 24:28

Ndi hone Joshua a tshi ri vhathu vha ṱuwe, muṅwe na muṅwe a vhuelela kha mukovhe wawe wa shango.

NZUMBULULO 3:8

Zwoṱhe zwine na ita ndi a zwi ḓivha. Vhonani, ndo ni vulela muṋango une na muthu na muthihi a si kone u vala. Ndi a ḓivha uri a ni na nungo; naho zwo ralo no ḓi vhulunga ipfi ḽanga na si nndandule.

1 SAMUELE 7:12

Ndi hone Samuele a tshi dzhia tombo a ḽi imisa vhukati ha Mitsipha na Shene. Afho fhethu a ri hu pfi Ebene Haezere a tshi ri, “Muṋe washu o ḓi ri farisa u vhuya u swika zwino.”