JOSHUA 24:26 - BIVHILI KHETHWA Mafhungo Madifha

²⁶ Joshua a ṅwala idzo ndayo buguni ya Mulayo wa Mudzimu. A konou dzhia tombo ḽihulu a ḽi imisa henefho fhasi ha muri muhulu tsini ha hukhethwa ha Muṋe washu.

JOSHUA 24:26 Iomraidhean Croise

GENESI 31:45

Ndi hone Jakopo a tshi dzhia tombo a ḽi imisa ḽa vha tshihumbudzo.

GENESI 35:4

Ndi hone avho vhathu vha tshi ṋea Jakopo midzimu yoṱhe isili ye vha vha vhe nayo, na zwitungulo zwa zwiṅina zwa nḓevheni, Jakopo a zwi bwela fhasi ha muri muhulu henefho Shikheme.

GENESI 35:8

Zwino Dibora muleli wa Rabeka a fa, a swiṱwa fhasi ha muri muhulu tshipembe ha Bethele; wa pfi Muri wa Tshililo.

EKISODA 24:4

Zwoṱhe zwe Muṋe washu a amba, Mushe a tou zwi ṅwala, ḽi tshi tou tsha nga matshelo a fhaṱa aḽiṱari tsindeni ḽa thavha, a imisa matombo a 12, ḽiṅwe na ḽiṅwe ḽo imela tsinde ḽithihi ḽa matsinde a 12 a Vhaisraele.

VHARANGAPHANḒA 9:6

Vhanna vhoṱhe vha Shikheme na Bethe Milo vha kuvhangana vha livha murini muhulu henefho Shikheme, vha mu vhumba khosi henefho.

1 SAMUELE 7:12

Ndi hone Samuele a tshi dzhia tombo a ḽi imisa vhukati ha Mitsipha na Shene. Afho fhethu a ri hu pfi Ebene Haezere a tshi ri, “Muṋe washu o ḓi ri farisa u vhuya u swika zwino.”