JOSHUA 24:20 - BIVHILI KHETHWA Mafhungo Madifha

²⁰ arali na litsha u mu shumela na yo shumela midzimu isili, u ḓo ni shandukela-vho a ni ḓisela khombo. U ḓo ni lozwa naho o ranga u ni itela vhuthu.”

JOSHUA 24:20 Iomraidhean Croise

1 KORONIKA 28:8

“Zwino-ha ndi ni laya zwi tshi pfiwa nga Vhaisraele vhoṱhe tshivhidzo tsha Muṋe washu, zwi tshi pfiwa na nga Mudzimu washu, ndi ri, ni vhone uri ni tevhedze ndaela dzoṱhe dza Muṋe washu Mudzimu waṋu, uri shango heḽi ḽavhuḓi ḽi vhe ḽaṋu, ni ḽi siele vhana vhaṋu ḽi vhe ḽavho lini na lini.

1 KORONIKA 28:9

“Inwi Solomoni ṅwananga, ḓivhani Mudzimu wa khotsi aṋu, ni mu shumele nga mbilu yoṱhe, ni tshi tou zwi funa, ngauri Muṋe washu u ṱola mbilu dza vhathu vhoṱhe, u ḓivha mihumbulo yashu na zwine ra zwi tama. Arali na mu ṱoḓa, ni ḓo mu wana, hone arali na mu ṱamba, u ḓo ni landula lini na lini.

2 KORONIKA 15:2

A takuwa a yo ṱanganedza khosi Asa, a mu vhudza a ri, “Kha vha nthetshelese, vhamusanda Vho-Asa na vhathu vha Juda na vha Benyamini! Muṋe washu u na inwi arali ni khae. Arali na mu ṱoḓa ni ḓo mu wana, hone arali na mu furalela, u ḓo ni furalela-vho.

ESRA 8:22

Ndo pfa ndi na ṱhoni ndi tshi humbula u humbela khosi uri a ri fhe vhahali na vhanameli vha dzibere uri vha ri tsireledze kha maswina gondoni, nge ra vha ro vhudza khosi ra ri, “Tshanḓa tsha Mudzimu washu tsha vhuthu tshi kha muṅwe na muṅwe ane a mu fulufhela, hone mbiti dzawe dzi ofhisaho dzi wela vhoṱhe vhane vha mu shandukela.”

DZIPHISALEMA 89:31

vha nyadza ndaela dzanga, vha si dzi vhulunge,

YESAYA 1:28

hone mashandukwa na vhatshinyi u ḓo vha kuya vhoṱhe; vhane vha landula Muṋe washu vha ḓo lovha.

YESAYA 63:10

Naho zwo ralo vhone vha mu shandukela, vha ṱungufhadza Muya wawe Mukhethwa; ndi zwe a vho vha swina ḽavho a lwa navho.

JEREMIA 17:13

Iwe Muṋe washu ndi Iwe fulufhelo ḽa Israele, vhoṱhe vhane vha u ṱutshela vha ḓo shona. Vhane vha u furalela vha ḓo nyamalala unga madzina o ṅwalwaho buseni, nge vha ṱutshela Yahavee, Ene tshisima tsha maḓi a ṋeaho vhutshilo.

ESEKIELE 18:24

“Huno arali a fulufhedzeaho a shanduka a si tsha fulufhedzea, a ita vhuvhi, a ita zwi nengisaho zwoṱhe zwine muvhi a ita, onoyo o fanela u tshila naa? Zwoṱhe zwe a ita a tshi fulufhedzea ndi ḓo zwi hangwa nge ene muṋe a ntshandukela a tshinya, u ḓo fela zwenezwo.

MISHUMO 7:42

Ndi hone Mudzimu a tshi vha furalela a vha litsha, vha rabela ṋaledzi dza ṱaḓulu, vhunga zwo ṅwaliwa kha bugu ya vhaporofita ha pfi, “ ‘Inwi vhathu vha Israele, nṋa ni tshi ṋekedza nduvho na zwiṱhavhelo miṅwaha ya 40 sogani, ho vha hu u luvha Nṋe naa?

DOTORONOMIO 4:25

“Musi ho no fhela mirafho na mirafho ni shangoni ḽaṋu, ni songo tshinya nga u ita mudzimu naho u ufhio wa tshifanyiso; zwenezwo Muṋe washu Mudzimu waṋu u ḓo vhona zwo vhifha, zwi a mu sinyusa.

DOTORONOMIO 4:26

Ndi ri ḽiṱaḓulu na ḽifhasi ndi ṱhanzi ṋamusi, a ni nga dzulesi shangoni ḽine na khou wetshela khaḽo seli ha Jorodani, ni ḓo ṱavhanya u lovha ni khaḽo, vhukuma ni ḓo tou lovha tshoṱhe.

VHAHEBERU 10:38

Muḓinḓa wanga a fulufhedzeaho u ḓo tshila nge a mpfulufhela. Hone arali a huma nga tsha murahu a thi tsha mu takalela.”

JOSHUA 24:21

Vhathu vha fhindula Joshua vha ri, “Aiwa nandi! Riṋe ri ḓo shumela Muṋe washu.”

1 SAMUELE 12:15

Hone arali na sa thetshelesa Muṋe washu, arali na nyadza ndayo dzawe, u ḓo lwa na inwi unga o lwa na vhomakhulukuku waṋu.

1 SAMUELE 12:25

Hone arali na ḓi dzula ni tshi tshinya, inwi khathihi na khosi yaṋu ni ḓo fhedzwa noṱhe.”