JOSHUA 24:10 - BIVHILI KHETHWA Mafhungo Madifha

¹⁰ Huno Nṋe nda si thetshelese, nda ita uri Biliamu a ni ḓisele mashudu, ngauralo nda vha ndo ni lamulela zwanḓani zwa Balaka.

JOSHUA 24:10 Iomraidhean Croise

YESAYA 54:17

a hu na tshihali tshine tsha ḓo u huvhadza; vhoṱhe vhane vha u pomoka vha ḓo wanala vhe na mulandu. Hoyo ndi wone mukovhe wa vhalanda vhanga, ndi vha sengela nga u ralo.” Ho amba Muṋe washu.

MIKA 6:5

Vhathu vhanga, elelwani vhunwa he Balaka khosi ya Muaba a ni lukela, ni elelwe na phindulo ya Biliamu ṅwana wa Bioro. Elelwani zwo iteaho lwendoni lwaṋu ni tshi bva mushashani wa Shitimu ni tshi ya Giligala, uri ni kone u ḓivha mishumo mivhuya ya Yahavee.”

NUMERI 22:35

Huno muruṅwa wa Muṋe washu a vhudza Biliamu a ri, “Ṱuwa na vhanna havho, hone u ambe zwenezwo fhedzi zwine nda u vhudza.” Ndi hone Biliamu a tshi ṱuwa na vhahulwane vha Balaka.

DOTORONOMIO 23:5

Muṋe washu Mudzimu waṋu o tou sa tenda u ita zwe Biliamu a humbela, a mbo shandukisa mafhanza a vha mashudu, ngauri u a ni funa.

JOSHUA 24:11

Na wela mulambo wa Jorodani, na swika Jerikho. Vhanna vha Jerikho vha lwa na inwi, u ḓi nga Vhaamori na Vhapherisi na Vhakanana na Vhahithi na Vhagirigashi na Vhahivi na Vhajebusi, hone Nṋe nda vha kumedza zwanḓani zwaṋu.