JOSHUA 23:9 - BIVHILI KHETHWA Mafhungo Madifha

⁹ Muṋe washu o thatha tshakha khulu dza maanḓa dza shavha musi inwi ni tshi swika, a hu na we a kona u imedzana na inwi u swika na ṋamusi.

JOSHUA 23:9 Iomraidhean Croise

1 MAHOSI 21:26

O ita vhuvhi vhu nengisaho nga u luvha midzimu ya tshika unga Vhaamori vhe Muṋe washu a vha thatha musi Vhaisraele vha tshi swika.

2 KORONIKA 20:7

Yawee Mudzimu washu, ndi Iwe wo thathaho vhadzulapo vha ḽino shango u swikani ha vhathu vhau Vhaisraele, wa ḽi ṋea vhaḓuhulu vha Abrahamu khonani yau uri ḽi vhe ḽavho lini na lini.

EKISODA 23:23

Muruṅwa wanga u ḓo u ranga phanḓa, a u swikisa shangoni ḽa Vhaamori na Vhahithi na Vhapherisi na Vhakanana na Vhahivi na Vhajebusi, Nṋe ndi ḓo vha lozwa.

EKISODA 23:30

Tshine nda ḓo ita ndi u vha thatha nga zwiṱuku nga zwiṱuku, na vhuya na anda na dzhia shango.

MISHUMO 7:45

Ngavhuya vhomakhulukuku washu vha sielwa iyo Dennde nga vhokhotsi avho, vha i hwala vho rangwa phanḓa nga Joshua, Mudzimu a konou pandela dzitshakha, vhone vha thuba shango ḽadzo. Vha ḓi sielana yeneyo Dennde nga u ralo u swika tshifhinga tsha Dafita.

DOTORONOMIO 11:23

Muṋe washu u ḓo thatha tshakha idzi dzoṱhe dza ni shavha, na kunda tshakha khulu dzi na maanḓa a no fhira aṋu na dzi dzhiela mashango.

DOTORONOMIO 7:24

U ḓo ni kumedza na mahosi avho na vha vhulaha, madzina avho a sala a si tsha pfala fhano fhasi. A hu na muthu ane a ḓo imedzana na inwi, ni ḓo vha fhedza vhoṱhe.

JOSHUA 1:5

A hu na ane a ḓo kona u imedzana na iwe vhutshilo hau hoṱhe. Ndi ḓo vha na iwe unga ndo vha ndi na Mushe. Ndi ḓo dzula ndi na iwe, ndi nga si vhuye nda u ṱutshela.

JOSHUA 15:14

Khalebe o thatha vhaḓuhulu vha Anaka vha ṱuwa afho muḓini – vhone vha mutupo wa Sheshai na Ahimani na Thalamai.

JOSHUA 23:5

Muṋe washu Mudzimu waṋu u ḓo ita uri vha ni humele, u ḓo vha thatha vha ni shavha. Ni ḓo dzhia shango ḽavho, sa zwe Muṋe washu Mudzimu waṋu a ni fulufhedzisa.

JOSHUA 23:8

Tshaṋu nga hu vhe u nambatela Muṋe washu Mudzimu waṋu, sa zwe na ita u swika zwino.

JOSHUA 24:18

Musi ri tshi swika shangoni ḽino, Muṋe washu a thatha tshakha dzoṱhe na Vhaamori vhe vha vha vha tshi dzula shangoni ḽino. Zwino na riṋe ri ḓo shumela Muṋe washu, Mudzimu washu ndi Ene.”