JOSHUA 23:16 - BIVHILI KHETHWA Mafhungo Madifha

¹⁶ Arali na vhofholola mulanga we Muṋe washu Mudzimu waṋu a ni laya uri ni u vhulunge, na shumela miṅwe midzimu na i luvha, zwenezwo Muṋe washu u ḓo sinyuwa a ni lifhedza na lovha kathihi fhedzi shangoni heḽi ḽavhuḓi ḽe a ni ṋea.”

JOSHUA 23:16 Iomraidhean Croise

1 MAHOSI 14:15

Muṋe washu u ḓo lifhedza shango ḽa Israele, ḽa khura sa luṱanga lu maḓini. U ḓo tupula Vhaisraele shangoni heḽi ḽavhuḓi ḽe a ḽi ṋea vhomakhulukuku wavho, a vha balanganya seli ha mulambo wa Yufuratha, nge vha ṱunga Muṋe washu vha mu sinyusa nga u vhaḓa zwitungulo zwa thanda zwa Ashera mudzimu wa musadzi.

1 MAHOSI 9:6

“Huno arali iwe kana vhana vhau na ntshandukela na si tsha tevhedza ndaela dzanga na ndayo dzanga dze nda ni ṋea, na ṱuwa na shumela miṅwe midzimu, na i luvha,

1 MAHOSI 9:7

zwenezwo ndi ḓo pfulusa Vhaisraele shangoni ḽe nda vha ṋea, thembele hei ye nda i ita khethwa ndi tshi itela dzina ḽanga, nda i landula. Vhaisraele zwenezwo vha ḓo tou vha milomoni ya vhathu vha tou vha samba vha nyadziwa nga tshakha dzoṱhe.

2 MAHOSI 17:7

Zwoṱhe hezwo zwo itea nge Vhaisraele vha khakhela Muṋe washu Mudzimu wavho we a vha pfulusa Egipita vha tshi khou kandeledzwa nga Farao khosi ya Egipita. Vho luvha miṅwe midzimu,

2 MAHOSI 24:20

Ndi zwe Muṋe washu a sinyutshela Jerusalema na Juda, a fhedza nga u vha sudzulusa a si tsha vha vhona.

YESAYA 24:5

Vhathu vha shata ḽifhasi dzitshika nga u pfuka milayo ya Mudzimu na u shanda ndaela dzawe, na u vhofholola mulanga we wa pfi u ḓo vha wa lini na lini.

JEREMIA 32:23

Vho dzhena vha ḽi dzhia ḽa vha ḽavho, hone a vho ngo u thetshelesa, a vho ngo tevhedza milayo yau, a vho ngo ita zwe wa vha vhudza uri vha zwi ite. Ndi zwe wa vha ḓisela khombo hei yoṱhe.

JEREMIA 32:24

“Edzou vhona uri Vhakhaladia vho govhela hani muḓi, vha ṱoḓa u u dzhia. Muḓi u ḓo kumedzwa vhone vha no khou u dia nga pfumo na nḓala na dwadze. Zwe wa amba zwo itea unga zwino u tshi khou zwi vhona.

NUMERI 33:56

Arali na sa vha thatha vha ṱuwa, ndi ḓo ni lozwa unga ndo dzudzanya u lozwa vhone.”

DOTORONOMIO 17:3

a ya a shumela midzimu isili, a luvha ḓuvha kana ṅwedzi kana ṋaledzi – zwithu zwe nda si ni laye,

DOTORONOMIO 28:15

“Hone arali na sa thetshelesa zwine Muṋe washu Mudzimu waṋu a amba, na si tevhedze milayo yawe yoṱhe na ndaela dzine nda ni laya ṋamusi, ni ḓo welwa nga khombo idzi dzoṱhe dza tou ni sala murahu.

DOTORONOMIO 6:15

Muṋe washu Mudzimu wau ndi Mudzimu a sa vhangiswi. U vhukati haṋu; a nga u sinyutshela a u lozwa wa si tsha wanala fhano shangoni.

VHARANGAPHANḒA 2:14

Ndi zwe Muṋe washu a sinyutshela Vhaisraele, a litsha mavemu a lwa navho a vha ṱangula. Muṋe washu a litsha maswina oṱhe a re tsini havho a tshi vha kunda, Vhaisraele vha si tsha kona u imedzana na maswina avho.

VHARANGAPHANḒA 2:20

Zwenezwo Muṋe washu a sinyutshela Vhaisraele a ri, “Lushaka holu lwo vhofholola mulanga uḽa we nda laya vhomakhulukuku wavho uri vha u tevhedze, vha si tsha nthetshelesa.

1 SAMUELE 12:25

Hone arali na ḓi dzula ni tshi tshinya, inwi khathihi na khosi yaṋu ni ḓo fhedzwa noṱhe.”