JOSHUA 23:15 - BIVHILI KHETHWA Mafhungo Madifha

¹⁵ Muṋe washu Mudzimu waṋu o khunyeledza zwivhuya zwoṱhe zwe a ni fulufhedzisa; ndi zwone, na khombo dzoṱhe dze a dzi bula u ḓo dzi khunyeledza nga u ralo, a vhuya a ni lozwa na si tsha wanala shangoni heḽi ḽavhuḓi ḽe a ni ṋea.

JOSHUA 23:15 Iomraidhean Croise

1 MAHOSI 14:15

Muṋe washu u ḓo lifhedza shango ḽa Israele, ḽa khura sa luṱanga lu maḓini. U ḓo tupula Vhaisraele shangoni heḽi ḽavhuḓi ḽe a ḽi ṋea vhomakhulukuku wavho, a vha balanganya seli ha mulambo wa Yufuratha, nge vha ṱunga Muṋe washu vha mu sinyusa nga u vhaḓa zwitungulo zwa thanda zwa Ashera mudzimu wa musadzi.

1 MAHOSI 8:56

“Nga hu rendwe Muṋe washu we a ṋea vhathu vhawe Vhaisraele shango hune vha nga dzula nga mulalo nga he a fulufhedzisa. O khunyeledza zwivhuya zwe a fulufhedzisa nga muḓinḓa wawe Mushe, a hu na tshe tsha sala.

YESAYA 24:6

Khezwo, Mudzimu o teketela ḽifhasi, vhathu vhaḽo vha khou lifha zwe vha ita, vha ḓi fhungudzea vha tshi ya, ha sala vha si gathi.

JEREMIA 32:24

“Edzou vhona uri Vhakhaladia vho govhela hani muḓi, vha ṱoḓa u u dzhia. Muḓi u ḓo kumedzwa vhone vha no khou u dia nga pfumo na nḓala na dwadze. Zwe wa amba zwo itea unga zwino u tshi khou zwi vhona.

JEREMIA 32:42

Muṋe washu u ri, “Ndi ḓo ḓisela vhathu avha zwivhuya zwoṱhe zwine nda vha fulufhedzisa, zwa nga zwiḽa ndi tshi vha ḓisela khombo khulu.

JEREMIA 35:17

“Zwenezwo Nṋe Yahavee Mudzimu Mulangazwoṱhe Mudzimu wa Israele ndi ri: Thetshelesani! Vhathu vha Juda na vhoṱhe vha dzulaho Jerusalema ndi ḓo vha ḓisela khombo dzoṱhe dze nda ri dzi ḓo vha wela. Ndo amba navho vha si thetshelese; ndo ḓi vha vhidza vha si aravhe.”

LIVITIKO 26:3

“Arali na tshila ni tshi tevhedza milayo yanga na ndayo dzanga,

1 VHATHESALONIKA 2:16

vha edzisa na u ri kundisa u vhudza vhannḓa mafhungo ane vha nga tshidzwa ngao, ha vha hone u ḓadzisa muelo wa vhutshinyi havho wa tou ima muṱumba. Ndi hone-ha vho guma; zwino Mudzimu ndi hone a tshi ḓo vha rwa.

VHARANGAPHANḒA 13:1

Vhaisraele vha dovha vha khakhela Muṋe washu, Ene a litsha Vhafilista vha vha vhusa ha vhuya ha fhela miṅwaha ya 40.

VHARANGAPHANḒA 3:12

Vhaisraele vha dovha vha khakhela Muṋe washu. Nga zwenezwo Muṋe washu a ita uri Egiloni khosi ya Muaba a vhe na maanḓa a u kunda Vhaisraele.

VHARANGAPHANḒA 3:8

Muṋe washu a sinyutshela Vhaisraele, a litsha Khushani Rishathaimi khosi ya Misopothamia-Devhula a vha kunda, a vha vhusa miṅwaha miṱanu na miraru.

VHARANGAPHANḒA 6:1

Vhaisraele vha dovha vha khakhela Muṋe washu, Ene a vha kumedza zwanḓani zwa Vhamidiani ha vhuya ha fhela miṅwaha miṱanu na mivhili.