JOSHUA 23:13 - BIVHILI KHETHWA Mafhungo Madifha

¹³ ni ḓivhe uri Muṋe washu Mudzimu waṋu ha tsha ḓo thatha idzo tshakha dza shavha musi inwi ni tshi swika, tshavho, vha vho ḓo nga mulavhu kana khunḓa, vha ni pfisa vhuṱungu unga phamba muṱanani waṋu na mipfa maṱoni, na vhuya na lovha noṱhe na si tsha wanala shangoni heḽi ḽavhuḓi ḽe Muṋe washu Mudzimu waṋu a ni ṋea.

JOSHUA 23:13 Iomraidhean Croise

1 MAHOSI 11:4

Musi Solomoni o no kalaha, vhasadzi vhawe vha rembulusela mbilu yawe kha miṅwe midzimu, a si tsha ḓikumedza Muṋe washu Mudzimu wawe nga mbilu yawe yoṱhe sa Dafita khotsi awe.

2 MAHOSI 17:18

Ndi zwe Muṋe washu a sinyutshela Vhaisraele, a si tsha funa u vha vhona, ha sala tsinde ḽa Juda fhedzi.

2 MAHOSI 17:20

Ndi zwe Muṋe washu a landula lushaka lwoṱhe lwa Israele, a vha pfisa vhuṱungu, a vha kumedza vhaṱanguli u vhuya u swika a si tsha funa na u vha vhona.

2 MAHOSI 25:21

Henefho muḓini wa Ribila, shangoni ḽa Hamathi, khosi ya ita uri vha vhulawe. Vhathu vha Juda vha iswa vhuthubwani, kule na shango ḽavho.

2 MAHOSI 25:26

Vhathu vhoṱhe, vhanyadzea na vhaḓivhalea, khathihi na vhalangammbi, vha ri u vhona zwenezwo vha shavhela Egipita nga u ofha Vhababele.

DZIPHISALEMA 69:22

Vha tshi ḽa nduvho dzine vha u ṋekedza, nga dzi vhe khunḓa vha wele ngomu; ngavhe madzanga avho a tshi vha tshikwekwe tsha vha fasha!

EKISODA 10:7

Magota a Farao a mu vhudza a ri, “Uyu munna u ḓo ri ṱulela khombo u swika lini? Kha vha litshe vhanna avha vha ṱuwe vha yo ṋekedza Yahavee Mudzimu wavho tshiṱhavhelo. A vha zwi vhoni uri Egipita zwino ḽi vho ṱoḓou lovha tshoṱhe?”

EKISODA 23:33

Vha songo dzula shangoni ḽau, vha sa ḓo u fhura wa nkhakhela. U nga ḓo luvha midzimu yavho, wa vha wo ḓifasha nga tshikwekwe.”

EKISODA 34:12

Ni songo vhuya na vhofha mulanga na vhathu vha shango ḽine na khou ya khaḽo, ngauri itsho tshi nga ḓo vha tshikwekwe tshine tsha ḓo ni fasha.

EKISODA 34:16

Vhana vhaṋu vha nga ḓo dzea vhasadzi havho vha vhatsinda, vha vha ita uri vha ntshandukele, vha luvhe midzimu yavho ya vhuaḓa.

ESEKIELE 28:24

“Tshakha dzoṱhe dzo ṋekanaho masakha na vhathu vha Israele a dzi tsha ḓo vha nyadza na kathihi, unga mupfa une wa vaya wa huvhadza, kana mutshutshungu une wa randa; ndi hone vhathu vha tshi ḓo zwi ḓivha uri ndi Nṋe Muṋe wa zwoṱhe Yahavee.”

NUMERI 33:55

Huno arali na sa thatha vhadzulapo vha iḽo shango, vho salaho vha ḓo ni dina unga lufhanza lu re maṱoni aṋu na mipfa ine ya ni vaya lurumbu, nahone vha ḓo lwa na inwi.

LUKASI 21:24

Vhaṅwe vha ḓo ḽiwa nga pfumo, vhaṅwe vha thubiwa vha itwa dziphuli mashangoni oṱhe, Jerusalema u ḓo kandekanywa nga vhannḓa tshifhinga tshe vha ṋewa tsha vhuya tsha fela.

DOTORONOMIO 29:28

ndi zwe a vha sinyutshela nga mbiti khulu a tou vha tupula shangoni ḽavho a vha posa shangoni ḽisili, unga na ṋamusi ni tshi khou vhona zwo ralo.’

DOTORONOMIO 30:18

ndi khou ni vhudza ṋamusi ndi ri: Vhukuma ni ḓo lovha, a ni nga vhuyi na fhedza miṅwaha ni shangoni ḽine na khou wetshela khaḽo ni tshi wela Jorodani ni tshi ri ni yo ḽi dzhia ḽi vhe ḽaṋu.

DOTORONOMIO 4:26

Ndi ri ḽiṱaḓulu na ḽifhasi ndi ṱhanzi ṋamusi, a ni nga dzulesi shangoni ḽine na khou wetshela khaḽo seli ha Jorodani, ni ḓo ṱavhanya u lovha ni khaḽo, vhukuma ni ḓo tou lovha tshoṱhe.

DOTORONOMIO 7:16

Hone tshakha dzoṱhe dzine Muṋe washu a ḓo ni kumedza dzone ni pfi ni dzi lozwe; ni songo dzi khathutshela, ni songo luvha midzimu yadzo, i sa ḓo vha tshikwekwe tsha u ni fasha.

2 TIMOTI 2:26

na u vha dzivhulusa uri vha ponyoke zwikwekweni zwa diabolo we a vha o vha fasha uri vha ite zwine a funa.

VHARANGAPHANḒA 2:21

Zwenezwo a thi tsha ḓo thatha na lushaka na luthihi lwo salaho shangoni heḽi musi Joshua a tshi fa.