JOSHUA 23:10 - BIVHILI KHETHWA Mafhungo Madifha

¹⁰ Muthihi waṋu a nga kona u pandamedza vhanna vha tshigidi vha shavha ngauri Muṋe washu Mudzimu waṋu u a ni lwela, unga o fulufhedzisa.

JOSHUA 23:10 Iomraidhean Croise

2 SAMUELE 23:8

Madzina a vhahali vha Dafita vha bvumo ngea: Wa u thoma o vha e Ishbaali wa mutupo wa Hakhimoni, we a vha e ene murangaphanḓa wa Vhararu; o vhuya a lwa na vhanna vha 800 nga pfumo a vha vhulaha vhoṱhe nndwani nthihi.

1 KORONIKA 5:20

Mudzimu a vha farisa musi vha tshi lwa navho, a vha kumedza matsinde a Hagara na vhoṱhe vhane vha ima navho nge vha ri vhe nndwani vha mu rabela. Mudzimu a fhindula thabelo dzavho nge vha mu fulufhela.

1 KORONIKA 5:22

Vhaṅwe vhanzhi vha vhulawa nge iyo nndwa ya vha i ya Mudzimu. Vha dzula shangoni iḽo vha vhuya vha hwaliwa vha tshi iswa vhuthubwani.

DZIPHISALEMA 35:1

Muṋe washu, imedzana na vha nthomaho, ilwa na vha lwaho na nṋe.

DZIPHISALEMA 46:7

Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.

EKISODA 14:14

Muṋe washu u ḓo ni lwela, sokonu dzika.”

YESAYA 30:17

Vha haṋu vha tshigidi vha ḓo vhona swina ḽithihi ḽi tshi vha shushedza, vha shavha; na ri u shushedzwa nga maswina maṱanu na shavha noṱhe; hu ḓo tou sala vha si gathi, vha tou nga thanda ya fulaga yo ṅaledzwaho muṱumbani wa thavha, vha nga tshiphuga tsho salaho tshikwarani.”

LIVITIKO 26:7

Ni ḓo kunda maswina aṋu na vha fhedza nga pfumo;

LIVITIKO 26:8

vhaṱanu vhaṋu vha ḓo kunda vhathu vha ḓana, vha ḓana vhaṋu vha ḓo kunda vhathu vha zwigidi zwa fumi vha vha vhulaha.

ZAKARIA 12:8

Musi wonoyo Muṋe washu u ḓo tsireledza vhadzulapo vha Jerusalema, ane a shaya nungo khavho u ḓo vha na nungo dzi no nga dza Dafita, vha muṱa wa Dafita vha ḓo nga vharuṅwa vha Mudzimu, vha ḓo nga Muruṅwa wa Muṋe washu o vha rangaho phanḓa.

VHAROMA 8:31

Zwino ri nga dovha ra ri mini? Arali Mudzimu a tshi ima na riṋe, ane a nga kha ḓi ri pikisa ndi nnyi?

DOTORONOMIO 20:3

a ri, ‘Vhanna vha Israele, thetshelesani! Ṋamusi ni khou ya u dia maswina aṋu; ni songo tshenuwa, ni songo ofha, ni songo vha tetemela, ni songo hanganea ni tshi vha vhona.

DOTORONOMIO 20:4

Muṋe washu Mudzimu waṋu u a ni fhelekedza uri a ni lwele a tshi lwa na maswina aṋu, u ḓo ita uri ni kunde.’

DOTORONOMIO 28:7

“Maswina aṋu ane a ḓa u ni dia, Muṋe washu u ḓo a kumedza zwanḓani zwaṋu. Vha ḓo ni dia vho rwa muduba muthihi, hone vha tshi vho shavha vha balangana vha shavhela thungo dzoṱhe.

DOTORONOMIO 3:22

Ni songo vha ofha, Muṋe washu Mudzimu waṋu ndi Ene ane a ḓo ni lwela.’

DOTORONOMIO 32:20

a ri, ‘Ndi a vha furalela, ndi vhone uri vha ḓo gumafhi. Ndi lushaka lwa mashandukwa, a vha fulufhedzei na zwiṱuku.

DOTORONOMIO 32:30

Hufha swina ḽithihi ḽo pandamedza vha tshigidi! Hufha vhavhili vho gidimedza zwigidi zwa fumi! A si uri Bako ḽavho o vha laṱa naa? A si nge Yahavee a vha kumedza maswina naa?

JOSHUA 10:42

Joshua o kunda mahosi oṱhe hayo na mashango avho o bva pfumo luthihi ngauri Muṋe washu Mudzimu wa Israele o vha a tshi khou lwela Israele.

JOSHUA 23:11

Zwino-ha, ni songo litsha u funa Muṋe washu Mudzimu waṋu.

JOSHUA 23:3

No zwi vhona zwoṱhe zwe Muṋe washu Mudzimu waṋu a ita tshakha hedzi dzoṱhe a tshi itela inwi. Muṋe washu Mudzimu waṋu o vha a tshi khou ni lwela.

VHARANGAPHANḒA 15:15

A wana shambo ḽa luṱaha lwa donngi ine ya kha ḓi bva u fa, a kotama a ḽi doba, a vhulaha vhanna vha tshigidi ngaḽo.

VHARANGAPHANḒA 3:31

Murangaphanḓa o tevhelaho uyo o vha Shamugara ṅwana na Anathi. Na ene o lamukisa Vhaisraele; o vhulaha Vhafilista vha 600 nga muphidzho wa phulu.

1 SAMUELE 14:6

Jonathani a vhudza muṱhanngana o mu hwalelaho zwihali a ri, “Iḓani ri wetshele mishashani ya mashuvhuru haaḽa. Khamusi Muṋe washu u ḓo ri farisa. A hu na tshine tsha kundisa Muṋe washu u tshidza vhathu, a nga vha tshidza nga vhathu vhanzhi, kana a vha tshidza nga vha si gathi.”