JOSHUA 23:1 - BIVHILI KHETHWA Mafhungo Madifha

¹ Musi ho no fhela tshifhinga tshilapfu Muṋe washu ó ladzela Vhaisraele shango ha si tsha vha na maswina a lwaho navho, Joshua ó no kalaha, ó no ḓi vha wa maḓuvha,

JOSHUA 23:1 Iomraidhean Croise

GENESI 25:8

a fa o lalama, e mukalaha, ó no vha wa maḓuvha, a oroswa ha vha hawe.

1 MAHOSI 1:1

Khosi Dafita o vha o no kalaha, o lalama, naho vha tshi mu ambadza zwifuko a si tsha pfa vhududo.

1 KORONIKA 23:25

Dafita o vha o ri, “Muṋe washu Mudzimu wa Israele o ladzela vhathu vhawe shango nahone Ene nga dzawe u ḓo dzula Jerusalema lini na lini.

1 KORONIKA 27:1

Ho vha hu na mutevhe wa Vhaisraele wa ṱhoho dza miṱa na vhalangammbi na vhalangagomane na vhakoma vhavho, vhe vha vha vha tshi shumela khosi kha zwoṱhe zwe zwa vha zwi tshi kwama zwigwada zwa mmbi dze dza vha dzi mushumoni ṅwedzi nga ṅwedzi ṅwaha woṱhe. Tshigwada tshiṅwe na tshiṅwe tsho vha tshi na vhanna vha 24 000. Ngoyu mutevhe na vharangaphanḓa vhavho:

2 KORONIKA 14:1

Khosi Abia a dzama a zwiṱwa zwaloni zwa musanda Muḓini wa Dafita. Ṅwana wawe Asa a vha khosi vhudzuloni hawe, misi yawe shango ḽa lala ha vhuya ha fhela miṅwaha ya fumi.

2 KORONIKA 14:5

A thutha zwitembele zwa zwikwarani na aḽiṱari dza u fhisela zwioro miḓini yoṱhe ya Juda, muvhusoni wawe ha vha na mulalo.

2 KORONIKA 20:30

Ha vha na mulalo muvhusoni wa Josafati nge Mudzimu wawe a vha o mu tsireledza masia oṱhe.

DZIPHISALEMA 46:9

U fhedza dzinndwa u swika he shango ḽa guma; u vunḓekanya vhura, a thathekanya mafumo, zwiṱangu zwa maswole a zwi fhisa nga mulilo.

YESAYA 63:14

Muya wa Muṋe washu o vha awedza unga kholomo dzi tshi tsela govhani ḽa pfulo i titimaho; o endedza vhathu vhawe nga u ralo, dzina ḽawe ḽa huliswa.”

DOTORONOMIO 31:2

“Nṋe ndo no vha na miṅwaha ya 120, a thi tsha kona u ni ranga phanḓa nndwani, nahone Muṋe washu o mmbudza a ri a thi nga weli Jorodani.

JOSHUA 11:23

Joshua a thuba shango ḽoṱhe, nga he Muṋe washu a laya Mushe. Joshua a ḽi ṋea Vhaisraele ḽa vha ḽavho, a ḽi kovhekanya nga mikovhe, tsinde ḽiṅwe na ḽiṅwe ḽa wana mukovhe waḽo. Ndi hone vhathu vha tshi awela nndwa.

JOSHUA 13:1

Joshua zwino o vha o no kalahesa. Muṋe washu a amba nae a ri, “Wo kalahesa, hone hu kha ḓi vha na shango ḽihulu ḽine ḽa kha ḓi fanela u dzhiwa:

JOSHUA 21:44

Muṋe washu a ladza shango ḽavho ḽoṱhe, nga he a fulufhedzisa vhomakhulukuku wavho. Ho vha hu si na na muthihi wa maswina avho oṱhe we a vha a tshi kona u imedzana navho, ngauri Muṋe washu o vha kumedza maswina avho oṱhe.

JOSHUA 22:4

Zwino Muṋe washu Mudzimu waṋu o ladza shango ḽa Vhaisraele vha haṋu, unga o fulufhedzisa. Zwenezwo vhuelelani zwaṋu hayani, shangoni ḽe Mushe muḓinḓa wa Muṋe washu a ni ṋea seli ha Jorodani.

1 SAMUELE 12:2

Zwino ni na khosi, ndi ene murangaphanḓa waṋu. A vha nṋe, ndo kalaha, ndo tshena mmvi, nahone vhana vhanga ni navho fhano. Ndo vha murangaphanḓa waṋu u bva hanani hanga, na ṋamusi.