JOSHUA 22:9 - BIVHILI KHETHWA Mafhungo Madifha

⁹ Zwino vhathu vha matsinde a Rubeni na Gadi na Manase ḽa vhubvaḓuvha vha vhuelela hayani. Vha sia vhaṅwe Vhaisraele Shilo shangoni ḽa Kanana, vha fara lwendo lwa u vhuelela shangoni ḽavho, shangoni ḽa Giliadi, ḽe vha vha vho ḽi dzhia unga Muṋe washu o vha laya nga mulomo wa Mushe.

JOSHUA 22:9 Iomraidhean Croise

2 SAMUELE 2:9

a mu vhumba khosi ya Giliadi na Ashere na Jesriele na Efraimi na Benyamini na ḽoṱhe ḽa Israele.

1 KORONIKA 5:9

Thungo ya vhubvaḓuvha vho vha vha tshi dzula shangoni ḽe ḽa vha ḽi tshi guma nga lumeme lwa phanga ye ya vha i tshi swika mulamboni wa Yufuratha, ngauri zwifuwo zwavho zwo vha zwo anda kha ḽa Giliadi.

DZIPHISALEMA 60:7

Giliadi ndi ḽanga, na shango ḽa Manase; Efraimi ndi nguwane yanga, luḓo lwanga lwa vhuhosi ndi Juda;

NUMERI 32:1

Matsinde a Rubeni na Gadi vho vha vhe na kholomo na nngu nnzhi. Musi vha tshi vhona shango ḽa Jasere na ḽa Giliadi ḽo fanela zwifuwo,

NUMERI 32:20

Ndi hone Mushe a tshi vha vhudza a ri, “Arali vhukumakuma ni tshi amba zwone, ḓilugiseleni hafha phanḓa ha Muṋe washu uri ri kone u bva pfumo.

NUMERI 32:22

a dzhia iḽo shango. Nó no ita izwo ni nga ḓi humela murahu ngauri ni ḓo vha no khunyeledza pfanelo dzaṋu kha Muṋe washu na kha Vhaisraele vha haṋu. Ndi hone Muṋe washu a tshi ḓo tenda uri shango ḽa vhubvaḓuvha ha Jorodani ndi ḽaṋu.

NUMERI 32:26

Vhasadzi vhashu na vhana vhashu na kholomo dzashu na nngu dzashu zwi ḓo sala fhano miḓini ya Giliadi.

NUMERI 32:29

“Arali vhathu vha Gadi na Rubeni vha wela Jorodani vho shoma vho ranga mbulungelo ya Muṋe washu phanḓa, nahone arali vha ni farisa na kunda iḽo shango, izwo vha fheni ḽa Giliadi ḽi vhe ḽavho.

DOTORONOMIO 3:18

“Misi iyo nda vhudza vhanna vha ayo matsinde nda ri, ‘Muṋe washu Mudzimu waṋu o ni ṋea shango heḽi uri ḽi vhe ḽaṋu; zwenezwo vhahali vhoṱhe vha no kona u bva pfumo nga vha wele mulambo wa Jorodani vha tshi ranga Vhaisraele vha maṅwe matsinde phanḓa.

DOTORONOMIO 3:20

Inwi ni fanela u ṱuwa na vhaṅwe Vhaisraele Muṋe washu a vhuya a vha ladzela-vho shango unga inwi o ni ladzela ḽaṋu, na vhone vha wana shango ḽine Muṋe washu Mudzimu waṋu a ḓo vha ṋea seli ha Jorodani, ndi hone na inwi ni tshi ḓo vhuelela shangoni ḽe nda ni kovhela uri ḽi vhe ḽaṋu.’

DOTORONOMIO 34:1

Mushe a takuwa phangani ya govha ḽa Muaba a gonya thavha ya Nebo, a vhuya a swika muṱumbani wa Phisiga u livhana na Jerikho. Ndi hone Muṋe washu a tshi mu sumbedza shango ḽoṱhe u bva Giliadi u swika Dani,

JOSHUA 13:11

Ḽo vha ḽi tshi katela na Giliadi na madzingu a Geshuru na Maakha na thavha yoṱhe ya Heremoni na ḽoṱhe ḽa Bashani u vhuya u swika Salekha.

JOSHUA 13:25

Shango ḽavho ḽo vha ḽi tshi katela Jazere na miḓi yoṱhe ya Giliadi na hafu ya shango ḽa Amoni u swika Aruere, u livhana na Raba;

JOSHUA 13:31

ḽa katela na hafu ya Giliadi, khathihi na Ashtharotho na Edrei, misanda ya muvhuso wa Ogo kha ḽa Bashani. Ḽoṱhe heḽo ḽo ṋewa hafu ya vhaḓuhulu vha Makhiri ṅwana wa Manase, zwi tshi tevhedza miṱa yavho.

JOSHUA 22:10

Musi matsinde a Rubeni na Gadi na Manase ḽa vhubvaḓuvha vha tshi swika Gelilotho, vha tshi kha ḓi vha vhukovhela ha Jorodani, vha fhaṱa aḽiṱari khulu i si na vhukono henefho tsini ha Jorodani.

VHARANGAPHANḒA 20:1

Zwenezwo Vhaisraele vhoṱhe, u bva Dani thungo ya devhula u swika Bierisheba thungo ya tshipembe, na u bva shangoni ḽa Giliadi thungo ya vhubvaḓuvha, vha bva unga munna muthihi vha kuvhangana phanḓa ha Muṋe washu Mitsipha.

VHARANGAPHANḒA 5:17

“Vha Giliadi vha ḓidzulela seli ha Jorodani. Ndi mini vha Dani vho tendeleka nga zwikepe? Vha Ashere vho dzula khunzikhunzini ya lwanzhe; a vho ngo ṱuwa maḓambuwoni avho.