JOSHUA 22:6 - BIVHILI KHETHWA Mafhungo Madifha

^6-8 Joshua a vha shudufhadza a ri vha ṱuwe, vhone vha ya mahayani avho, a amba navho a ri, “Ni khou vhuelela hayani no pfuma vhukuma, ni na masambi manzhi a kholomo na siliva na musuku na musinaseṱha na tsimbi na zwiambaro zwinzhi. Kovhekanani na vha haṋu zwe na thuba kha maswina aṋu.” Vha mbo ḓi takuwa vha ya hayani. Shango ḽa Bashani vhubvaḓuvha ha Jorodani Mushe o vha o ḽi kovhela hafu ya tsinde ḽa Manase, hone iṅwe hafu ya iḽo tsinde o i kovhela shango ḽa vhukovhela ha Jorodani, hu re na mashango a maṅwe matsinde.

JOSHUA 22:6 Iomraidhean Croise

GENESI 14:19

O shudufhadza Abramu a ri, “Abramu nga a shudufhadzwe nga Mudzimu Waṱaḓuluṱaḓulu, Musiki wa ḽiṱaḓulu na ḽifhasi.

GENESI 47:10

Ndi hone Jakopo a tshi shudufhadza Farao, a takuwa a ṱuwa.

GENESI 47:7

Josefa a ḓisa khotsi awe Jakopo a vha swikisa ha Farao. Jakopo a shudufhadza Farao.

2 SAMUELE 6:18

Musi o no fhedza u ṋekedza nduvho dzi fhiswaho na dza u konana na Mudzimu, a shudufhadza vhathu nga dzina ḽa Muṋe washu Mulangazwoṱhe.

2 SAMUELE 6:19

Ndi hone muṅwe na muṅwe we a vha e kha gogo ḽa Vhaisraele Dafita a tshi mu ṋea mukonde wa vhurotho na mpale wa dzideithi na mpale wa nḓirivhe, vhoṱhe vhanna na vhasadzi. Vhathu vhoṱhe vha balangana vha ya mahayani avho.

2 SAMUELE 6:20

Musi Dafita a tshi vhuelela hayani u yo shudufhadza muṱa wawe, Mikhala ṅwananyana wa Saulo a bva u yo mu ṱanganedza a ri, “Khosi ya Israele yo ḓiṱalula ṋamusi, yo ḓiṱana sa tsilu i tshi vhonwa nga phuli dza vhasidzana dza vhalanda vhayo!”

1 MAHOSI 8:66

Hó no fhela vhege Solomoni a ri vhathu vha ḓiṱutshele. Vhone vha onesana na khosi vha i renda, vha humela hayani vha tshi khou pembela, mbilu dzo takalela zwivhuya zwoṱhe zwe Muṋe washu a itela mulanda wawe Dafita na vhathu vhawe Vhaisraele.

2 KORONIKA 30:18

Naho vhunzhi ha vhathu vho ḓaho vha tshi bva kha matsinde a Efraimi na Manase na Isakhara na Zebuloni vho vha vha songo ḓikumulula, vho ḓi ḽa Paseka, vha sa tevhedzi zwo ṅwalwaho. Hone khosi Hiskia a vha rabelela a ri, “Ngavhe Muṋe washu a re na vhuthu a tshi hangwela muṅwe na muṅwe

EKISODA 39:43

Mushe a sedza zwoṱhe a vhona uri zwoṱhe vho zwi ita nga he Muṋe washu a laya. Ndi hone Mushe a tshi vha shudufhadza.

LUKASI 2:34

Simioni a vha shudufhadza a konou amba na Maria mme a ṅwana a ri, “Hoyu ṅwana o nangiwa nga Mudzimu uri a vhe tshiwisi na tshivusi tsha vhathu vhanzhi vha Israele; u ḓo vha tshiga tsha Mudzimu tshine tsha ḓo landulwa nga vhathu.

LUKASI 24:50

A bva navho o vha ranga phanḓa u vhuya u sendela tsini ha Bethania. Henefho a imisa zwanḓa zwawe a vha shudufhadza.

JOSHUA 14:13

Joshua a shudufhadza Khalebe ṅwana wa Jefune a mu ṋea muḓi wa Hebroni wa vha wawe.

JOSHUA 24:28

Ndi hone Joshua a tshi ri vhathu vha ṱuwe, muṅwe na muṅwe a vhuelela kha mukovhe wawe wa shango.

1 SAMUELE 10:25

Samuele a ṱalutshedza vhathu ndayo dza vhuhosi. A dzi ṅwala kha bugu, a i vhea phanḓa ha Muṋe washu. Ndi hone Samuele a tshi vhofholola vhathu, muṅwe na muṅwe a livha hayani hawe.

1 SAMUELE 13:2

A nanga vhanna vha 3 000 kha Vhaisraele, vha 2 000 a vha vhea hune a vha hone Mikhimashi na mivhunduni ya Bethele, vha tshigidi a vha isa Gibia na ṅwana wawe Jonathani, shangoni ḽa tsinde ḽa Benyamini. Vhaṅwe vhanna Saulo a ri vha ḓiele mahayani.

1 SAMUELE 2:20

Eli o vha a tshi ḓi shudufhadza Elikana na musadzi wawe a ri, “Ngavhe Muṋe washu a tshi ni ṋea vhana vhane vha ḓo bebwa nga hoyu musadzi, vha thivha uḽa we a mu humbela nga thabelo a mu kumedza Muṋe washu.” Vho no fhedza izwo vha humela hayani.