JOSHUA 22:5 - BIVHILI KHETHWA Mafhungo Madifha

⁵ Ni songo litsha u tevhedza mulayo we Mushe a ni ṋea une wa ri, ‘Funa Muṋe washu Mudzimu wau, u ite zwine a zwi funa, u vhulunge milayo yawe, u songo vhuya wa fhambana nae, u mu shumele nga mbilu yau yoṱhe na nga zwoṱhe zwine wa vha zwone.’ ”

JOSHUA 22:5 Iomraidhean Croise

DZIPHISALEMA 106:3

Vha na mashudu vha sa fhidzi u ita zwi re zwone, vha no dzula vha tshi fulufhedzea kha zwoṱhe zwine vha ita.

DZIPHISALEMA 78:7

Ndi hone vha tshi ḓo fulufhela Mudzimu, vha si hangwe mishumo yawe, vha vhulunge milayo yawe.

EKISODA 15:26

Muṋe washu a ri, “Arali na thetshelesa ipfi ḽa Nṋe Yahavee Mudzimu waṋu zwavhuḓi, na ita zwine nda vhona zwi zwone, na vhulunga ndaela dzanga na tevhedza pfanelo dzoṱhe dze nda vhea, a thi nga ni ḓiseli khombo dzi no nga dziḽa dze nda dzi ḓisela Vhaegipita, ngauri ndi Nṋe Yahavee ane nda ni fhodza.”

EKISODA 20:6

ndi tonda mirafho ya zwigidi na zwigidi ya vhane vha mpfuna vha tevhedza ndaela dzanga.

EKISODA 23:13

“Thetshelesa zwoṱhe zwe Nṋe Yahavee nda u vhudza. U songo rabela midzimu miṅwe; na madzina ayo u songo vhuya wa bula.

EKISODA 23:25

Arali wa luvha Nṋe Yahavee Mudzimu wau, ndi ḓo u shudufhadza nga zwiḽiwa na maḓi nda fhodza malwadze au oṱhe.

MIRERO 4:23

Tshihulwane tshi no fhira zwoṱhe, linda mbilu yau, ndi yone i no vhumba vhutshilo hau.

YESAYA 55:2

Ni tshinyelani tshelede nga u renga zwithu zwi sa ḽiwi, na ḓinetisela zwi sa fushi? Nthetsheleseni ni pfe zwine nda ni vhudza, ndi hone ni tshi ḓo ḓiphiṋa nga zwiḽiwa, na takadzwa nga mapfura.

JEREMIA 12:16

Vho funza vhathu vhanga u ana nga Baali, hone arali vha guda zwavhuḓi nḓila dza vhathu vhanga, vha vho ana nga dzina ḽanga vha ri, ‘Nga Yahavee a tshilaho’, vha ḓo dzula na vhathu vhanga vha bvela phanḓa.

MATIOSI 22:37

Yesu a mu fhindula a ri, “ ‘Funa Muṋe wau Mudzimu nga mbilu yoṱhe, nga zwoṱhe zwine wa vha zwone, nga ṱhalukanyo yau yoṱhe.’

MATIOSI 4:10

Yesu a fhindula a ri, “Ṱuwa Saṱhane! Ho ṅwalwa ha pfi, ‘Gwadamela Muṋe wau Mudzimu u luvhe Ene fhedzi.’ ”

MATIOSI 6:24

“A hu na ane a nga shumela vhaṋe vhavhili. A nga ḓo vhenga muṅwe a funa muṅwe; a pfa muṅwe, muṅwe a mu nyadza. A zwi tendi muthu a tshi shumela Mudzimu e phuli ya lupfumo lwa ḽino shango.

JOHANISI 12:26

Ane a funa u ntshumela u fanela u vha mufunziwa wanga, uri sa mushumeli wanga, a swike-vho hoṱhe hune Nṋe nda vha hone. Ane a ntshumela u ḓo huliswa nga Khotsi anga.

JOHANISI 14:15

“Arali ni tshi mpfuna ni ḓo ita zwine nda ni laya.

MISHUMO 11:23

A tshi swika a vhona uri Mudzimu o itela vhathu vhuthu vhungafhani, a takala a vha ṱuṱuwedza vhoṱhe uri vha dzule vha tshi fulufhedzea tshoṱhe vha sa ṱutsheli Muṋe washu,

MISHUMO 27:23

Ndi tshi ralo ndi uri madekwe ndo ḓelwa nga muruṅwa wa Muṋe wanga, Ene Mudzimu ane nda mu luvha,

VHAROMA 1:9

Mudzimu ndi ṱhanzi: a thi ni hangwi misi yoṱhe ndi tshi rabela. Ene Mudzimu ane nda mu shumela nga mbilu yanga yoṱhe ndi tshi ḓivhadza mafhungo maḓifha a Murwa wawe, u a zwi ḓivha. Tshine nda mu humbela ndi uri arali a tshi funa ndi vhuye ndi vulelwe nḓila ya u ni dalela-vho.

VHAROMA 12:9

Lufuno lwaṋu lu songo vha lwa u hoya; nengwani zwivhi, ni nambatele zwivhuya.

VHAROMA 8:28

Ri a zwi ḓivha uri vha funaho Mudzimu – vhenevho vhe a vha vhidza nga he a dzula o dzudzanya – avho zwoṱhe zwine vha ṱangana nazwo zwi vha ḓisela tshivhuya,

DOTORONOMIO 10:20

Hulisani Muṋe washu Mudzimu waṋu ni luvhe Ene! Ni songo tenda u fhambana nae, musi ni tshi ana ni ane nga dzina ḽawe.

DOTORONOMIO 11:1

“Funani Muṋe washu Mudzimu waṋu, ni vhulunge zwoṱhe zwe a vhofha na zwe a ni laya na milayo yawe yoṱhe na ndaela dzawe misi yoṱhe.

DOTORONOMIO 11:13

“Ndi zwone, arali ni tshi thetshelesa ndayo yanga ine nda ni laya ṋamusi, na funa Muṋe washu Mudzimu waṋu, na mu luvha nga mbilu yoṱhe na nga zwoṱhe zwine na vha zwone,

DOTORONOMIO 11:22

“Arali vhukuma ni tshi ḓo tevhedza ndayo iyi ine nda ni laya ṋamusi, na i khunyeledza, na funa Muṋe washu Mudzimu waṋu, na si bve nḓilani dze a ni laedza, na si tende u fhambana nae,

DOTORONOMIO 13:4

Tevhelani Muṋe washu Mudzimu waṋu, ni ofhe Ene, ni vhulunge ndaela dzawe, ni pfe zwine a amba, ni mu luvhe; ni songo tenda u fhambana nae na luthihi.

DOTORONOMIO 4:29

Hone arali ni tshi vho ṱoḓa Muṋe washu Mudzimu waṋu nga mbilu nthihi ni henefho, na mu ṱoḓa nga mbilu yoṱhe, ni ḓo mu wana.

DOTORONOMIO 4:4

hone inwi vhe na dzula no fulufhedzea kha Muṋe washu Mudzimu waṋu, na ṋamusi ni kha ḓi tshila noṱhe.

DOTORONOMIO 4:6

Tevhedzani milayo heyo ni i khunyeledze, ndi hone tshakha dzi tshi ḓo vhona uri ni na vhuṱali na ṱhalukanyo; vha ḓo ri u pfa ndaela idzi dzaṋu vha ri, ‘Vhonani uri vhuṱali na ṱhalukanyo ya lushaka ulu luhulu ndi zwingafhani!’

DOTORONOMIO 4:9

“Tshaṋu ni vhe na vhusedzi vhuhulu, ni ḓilondote uri ni si vhuye na hangwa zwithu hezwi zwe na vhona nga maṱo aṋu; nga zwi dzule mbiluni dzaṋu vhutshilo haṋu hoṱhe, ni zwi hanelele na vhana vhaṋu na vhaḓuhulu.

DOTORONOMIO 5:10

hone vhane vha mpfuna vha tevhedza ndaela dzanga ndi vha ita nga vhuthu u swika kha mirafho ya tshigidi.

DOTORONOMIO 6:17

Ni sedzese uri ni vhulunge milayo ya Muṋe washu Mudzimu waṋu na ndayo yawe na ndaela dzawe zwe a ni laya,

VHAHEBERU 12:15

Ni vhone hu sa ḓo vha na ane a ḓikundisa u wana vhuthu ha Mudzimu. Hu si vhe na ane a nga tsheṋe i kalakataho ine ya ri u mela mulimo wayo wa fhirela kha vhanzhi.

JAKOPO 1:12

Wa mashudu ndi uyo ane a ri a tshi lingwa a ḓi ima o khwaṱha, ngauri musi u fulufhedzea hawe ho no vhonala u ḓo wana muṅene, hone vhutshilo he Mudzimu a fulufhedzisa vhane vha mu funa.

JAKOPO 2:5

Edzonu pfa vha hashu, vhafunwa: Kani Mudzimu ho ngo nanga vhane shango ḽa vhona vhe vhashai, a vha pfumisa lutendo, uri vha vhe maḽaifa a muvhuso we a fulufhedzisa vhane vha mu funa naa?

JOSHUA 23:8

Tshaṋu nga hu vhe u nambatela Muṋe washu Mudzimu waṋu, sa zwe na ita u swika zwino.

NZUMBULULO 15:3

vha tshi khou imba luimbo lwa Mushe muḓinḓa wa Mudzimu na luimbo lwa Ngwana vha tshi ri, “Muṋe washu Mudzimu Ramaanḓaoṱhe, mishumo yau yo hula hani! I kanukisa hani! Iwe Khosi ya dzitshakha, zwine wa ita ndi zwone-zwone. U a fulufhedzea vhukuma.

1 SAMUELE 12:20

Samuele a fhindula a ri, “Naho no ita vhuvhi hoṱhe honoho ni songo ofha tshithu, tenda na si shandukele Muṋe washu, tshaṋu nga hu vhe u mu shumela nga mbilu yoṱhe.

1 SAMUELE 12:24

Hone ni ofhe Muṋe washu, ni mu shumele nga u fulufhedzea na nga mbilu yoṱhe. Elelwani zwihulu zwe a ni itela zwone.

1 SAMUELE 7:3

Samuele a amba na Vhaisraele a ri, “Arali ni tshi vhuelela ha Muṋe washu nga mbilu dzaṋu dzoṱhe, laṱani midzimu yaṋu isili, na zwifanyiso zwa mudzimu wa musadzi Ashtharotho. Ḓikumedzeni Muṋe washu tshoṱhe ni luvhe Ene fhedzi, ndi hone a tshi ḓo ni lamukisa zwanḓani zwa Vhafilista.”