JOSHUA 22:4 - BIVHILI KHETHWA Mafhungo Madifha

⁴ Zwino Muṋe washu Mudzimu waṋu o ladza shango ḽa Vhaisraele vha haṋu, unga o fulufhedzisa. Zwenezwo vhuelelani zwaṋu hayani, shangoni ḽe Mushe muḓinḓa wa Muṋe washu a ni ṋea seli ha Jorodani.

JOSHUA 22:4 Iomraidhean Croise

1 KORONIKA 22:18

Dafita a vha vhudza a ri, “Muṋe washu Mudzimu waṋu ho ngo ḓi vha na inwi? Ho ngo ni ladzela shango masia oṱhe? O nkumedza vhadzulapo vha ḽino shango nda vha kunda, shango ḽino ḽa luvha Muṋe washu na vhathu vhawe.

EKISODA 33:14

Muṋe washu a ri, “Ndi ṱuwe na iwe Nṋe muṋe uri ndi u rudze mbilu?”

NUMERI 32:18

Ri nga si humele hayani hashu Vhaisraele vhoṱhe vha sa athu wana shango ḽe vha ṋewa uri ḽi vhe ḽavho.

DOTORONOMIO 12:9

ngauri no vha ni sa athu dzhena shangoni ḽine Muṋe washu Mudzimu waṋu a ni ṋea uri ḽi vhe ḽaṋu ni awele.

DOTORONOMIO 29:8

ra dzhia mashango avho ra a kovhela matsinde a Rubeni na Gadi na iṅwe hafu ya tsinde ḽa Manase uri ḽi vhe ḽavho.

DOTORONOMIO 3:20

Inwi ni fanela u ṱuwa na vhaṅwe Vhaisraele Muṋe washu a vhuya a vha ladzela-vho shango unga inwi o ni ladzela ḽaṋu, na vhone vha wana shango ḽine Muṋe washu Mudzimu waṋu a ḓo vha ṋea seli ha Jorodani, ndi hone na inwi ni tshi ḓo vhuelela shangoni ḽe nda ni kovhela uri ḽi vhe ḽaṋu.’

VHAHEBERU 4:8

Ngavhe Joshua a dzhenise vhathu vhuaweloni, ndi musi Mudzimu a sa ḓo ri ngavhuya a dovha a amba zwa ḽiṅwe ḓuvha.

JOSHUA 1:15

Muṋe washu a vhuya a vha ṋea-vho vhuawelo unga o ṋea inwi, vha wana shango vhukovhela ha Jorodani ḽe Muṋe washu Mudzimu wavho a vha ṋea, na konou vhuya na dzula hafhano shangoni ḽaṋu vhubvaḓuvha ha Jorodani ḽe Mushe muḓinḓa wa Muṋe washu a ni ṋea ḽone.”

JOSHUA 12:6

Mahosi hayo mavhili o kundwa nga Mushe na Vhaisraele. Mushe muḓinḓa wa Muṋe washu o dzhia mashango avho a a ṋea matsinde a Rubeni na Gadi na hafu ya tsinde ḽa Manase uri ḽi vhe ḽavho.

JOSHUA 13:15

Vha miṱa ya tsinde la Rubeni, Mushe o vha ṋea kupiḓa kwa shango uri ḽi vhe ḽavho.

JOSHUA 13:8

Matsinde a Rubeni na Gadi na hafu ya tsinde ḽa Manase vho vha vho no ḓi wana shango ḽe Mushe muḓinḓa wa Muṋe washu a vha o vha ṋea; ho vha vhubvaḓuvha ha mulambo wa Jorodani.

JOSHUA 22:3

Tshifhinga tshoṱhe hetshi a no ngo vhuya na laṱedza Vhaisraele vha haṋu. No vha na vhuronwane na tevhedza ndayo dza Muṋe washu Mudzimu waṋu.