JOSHUA 22:27 - BIVHILI KHETHWA Mafhungo Madifha

²⁷ i tou vha ṱhanzi vhukati ha riṋe na inwi, na mirafho i kha ḓi ḓaho, uri vhukumakuma ri luvha Muṋe washu hukhethwa hawe nga zwiṱhavhelo zwi fhiswaho na nduvho na dza vhuthihi. Izwo ho vha hu u itela uri vhaḓuhulu vhaṋu vha sa ḓo ri vhashu a vha na mafhungo na Muṋe washu.

JOSHUA 22:27 Iomraidhean Croise

GENESI 31:48

Labani a ri, “Hei thulwi ndi ṱhanzi yanga na inwi ṋamusi.” Ndi zwe ya pfi Galiede.

GENESI 31:52

Thulwi hei ndi ṱhanzi, tshihumbudzo hetshi na tshone ndi ṱhanzi ya uri nṋe a thi nga fhiri thulwi hei nda pfukela siani ḽaṋu nda ḓa nda ni huvhadza, na uri inwi a ni nga fhiri thulwi hei na tshihumbudzo hetshi na pfukela siani ḽanga na ḓa na nkhuvhadza.

DZIPHISALEMA 16:5

Muṋe washu ndi Ene mukovhe wanga u mpfushaho, zwo nndivhaho zwi bva ha Iwe.

YESAYA 19:19

Musi wonoyo hu ḓo vha na aḽiṱari ya Muṋe washu tshivhindini tsha shango ḽa Egipita, masakhani aḽo ha vha na phuphu ya tombo ya tshihumbudzo tsha uri Ene u hone henefho.

DOTORONOMIO 12:11

Nduvho dzoṱhe dzine nda ni laedza – dzi fhiswaho, na zwiṱhavhelo, na tshafumi, na miṅwe mitendelo, na mitendelo ye na tou fulufhedzisa Muṋe washu – nduvho hedzo dzoṱhe ni dzi ḓise henefho fhethu he Muṋe washu Mudzimu waṋu a khethela dzina ḽawe.

JOSHUA 22:10

Musi matsinde a Rubeni na Gadi na Manase ḽa vhubvaḓuvha vha tshi swika Gelilotho, vha tshi kha ḓi vha vhukovhela ha Jorodani, vha fhaṱa aḽiṱari khulu i si na vhukono henefho tsini ha Jorodani.

JOSHUA 22:26

Ndi zwe ra fhaṱa aḽiṱari, a si ya u fhisela zwiṱhavhelo kana nduvho,

JOSHUA 22:28

Ro vha ri tshi ri arali izwo zwa vhuya zwa itea, vhaḓuhulu vhashu vho vha vha tshi nga ri, ‘Vhonani! Vhomakhulukuku washu vho fhaṱa aḽiṱari iyi i no fana na ya Muṋe washu. Yo vha i si ya u fhisela nduvho kana tshiṱhavhelo, i tou vha ṱhanzi vhukati ha riṋe na inwi.’

JOSHUA 22:34

Vhathu vha Rubeni na Gadi vha ri, “Aḽiṱari iyi ndi ṱhanzi yashu roṱhe ya uri Muṋe ashu ndi Mudzimu.” Zwenezwo vha ri i pfi Ṱhanzi.

JOSHUA 24:27

Joshua a vhudza vhathu vhoṱhe a ri, “Tombo heḽi ḽi ḓo vha ṱhanzi yashu. Ḽo pfa maipfi oṱhe e Muṋe washu a ri vhudza. Zwenezwo ḽi ḓo vha ṱhanzi ya u ni rovhedza, ni si shandukele Muṋe washu.”

1 SAMUELE 7:12

Ndi hone Samuele a tshi dzhia tombo a ḽi imisa vhukati ha Mitsipha na Shene. Afho fhethu a ri hu pfi Ebene Haezere a tshi ri, “Muṋe washu o ḓi ri farisa u vhuya u swika zwino.”