JOSHUA 22:20 - BIVHILI KHETHWA Mafhungo Madifha

²⁰ Edzonu elelwa zwe Akhani ṅwana wa Zera a ita vhuvhi, a dzhia zwithu zwe ha pfi zwi lozwiwe. A si ene e eṱhe we a fela vhuvhi hawe, ho lifhedzwa vhathu vhoṱhe vha Israele.”

JOSHUA 22:20 Iomraidhean Croise

2 KORONIKA 24:18

Vha ṱutshela thembele ya Muṋe washu Mudzimu wa vhokhotsi avho, vha yo luvha thanda dza Ashera mudzimu wa tshisadzi, na zwifanyiso. Mulandu wavho wa vhuvhi uho wa ita uri Mudzimu a sinyutshele Juda na Jerusalema.

JOBO 35:8

Vhuvhi havho vhu dina muthu a no nga vhone; vhuvhuya havho vhu tonda vhathu fhedzi.

LIVITIKO 10:6

Ndi hone Mushe a tshi vhudza Aroni na vhana vhawe vha vhatuka Eliasara na Ithamara a ri, “Ni songo litsha u gama mavhudzi aṋu kana na kherukanya zwiambaro zwaṋu u sumbedza uri ni zwililoni. Arali na ralo ni ḓo fa nahone Muṋe washu u ḓo sinyutshela vhathu vhoṱhe. Hone Vhaisraele vha haṋu vhoṱhe vha a tendelwa u lilela avha vhafu vho faho nga mulilo we wa ḓiswa nga Muṋe washu.

1 VHAKORINTA 10:6

Zwino hezwo zwoṱhe ndi zwine Mudzimu a ri sevha ngazwo uri ri songo vha edzisa ra emula zwo vhifhaho.

JOSHUA 22:21

Vhathu vha matsinde a Rubeni na Gadi na vha Manase ḽa vhubvaḓuvha vha fhindula vhaṋe vha miṱa vha matsinde a vhukovhela vha ri,

JOSHUA 7:1

Muṋe washu a tshi laya Vhaisraele uri vha songo dzhia tshithu na tshithihi Jerikho tsho fanelaho u kumedzwa Ene, a vho ngo zwi tevhedza. Muṅwe munna ane a pfi Akhani o nyadza ndaela heyo, zwenezwo Muṋe washu a sinyutshela Vhaisraele. Akhani o vha e ṅwana wa Kharami, e muḓuhulu wa Zabadi, wa mutupo wa Zera, wa tsinde ḽa Juda.

JOSHUA 7:18

A konou swikisa muṱa wa Zabadi, munna nga munna, ha farwa Akhani, ṅwana wa Kharami, muḓuhulu wa Zabadi, wa tsinde ḽa Juda.

JOSHUA 7:24

Joshua kathihi na Vhaisraele vhoṱhe vha fara Akhani, vha dzhia iḽa siliva na iḽa phuraphura na ḽiḽa baphathi ḽa musuku, vha fara na vhana vha Akhani vha vhatuka na vha vhasidzana na kholomo na donngi na nngu, vha dzhia na dennde yawe, na zwoṱhe zwe a vha e nazwo, vha zwi isa Govhani ḽa Akhoro (Khombo).

JOSHUA 7:5

Vhanna vha Ai vho vha pandamedza u bva khoroni ya muḓi u swika makwarani, vha vhulaha vhane vha nga swika 36 nḓilani vha tshi tsa tshivhanga. Vhaisraele vha kulea nungo vha farwa nga nyofho.

2 PITROSI 2:6

Na iḽa miḓi ya Sodoma na Gomora Mudzimu o i haṱulela u lovha, a i fhisa ha sala milora fhedzi, ya vha tsumbo ya ṱhamu ine vhathu vha sa ofhi Mudzimu vha ḓo rwiwa ngayo.