JOSHUA 21:44 - BIVHILI KHETHWA Mafhungo Madifha

⁴⁴ Muṋe washu a ladza shango ḽavho ḽoṱhe, nga he a fulufhedzisa vhomakhulukuku wavho. Ho vha hu si na na muthihi wa maswina avho oṱhe we a vha a tshi kona u imedzana navho, ngauri Muṋe washu o vha kumedza maswina avho oṱhe.

JOSHUA 21:44 Iomraidhean Croise

2 KORONIKA 13:16

Vhaisraele vha shavha mmbi ya Juda i tshi tou swika, Mudzimu a vha lamulela zwanḓani zwavho.

EKISODA 23:31

Mikano ya shango ḽau ndi ḓo i vhea ya guma nga Lwanzhe lwa Dziṱhanga na lwanzhe lwa Vhafilista na phanga na mulambo wa Yufuratha. Ndi ḓo kumedza vhadzulapo vha iḽo shango zwanḓani zwau, wa vha pandela vha u shavha.

EKISODA 33:14

Muṋe washu a ri, “Ndi ṱuwe na iwe Nṋe muṋe uri ndi u rudze mbilu?”

YESAYA 63:14

Muya wa Muṋe washu o vha awedza unga kholomo dzi tshi tsela govhani ḽa pfulo i titimaho; o endedza vhathu vhawe nga u ralo, dzina ḽawe ḽa huliswa.”

DOTORONOMIO 2:36

A hu na muḓi na muthihi we ra kundwa u u dzhia, u bva Aruere u re khunzikhunzini dza Arinoni na muḓi u re ngomu govhani ḽa Arinoni, u swika Giliadi, a hu na muḓi we ra kundwa u u dzhia, Mudzimu Muṋe washu o ri ṋea yoṱhe.

DOTORONOMIO 21:10

“Arali ni tshi bvela maswina aṋu pfumo, Muṋe washu Mudzimu waṋu a vha kumedza zwanḓani zwaṋu, na thuba vhathu,

VHAHEBERU 4:9

Zwenezwo vhathu vha Mudzimu vha kha ḓi vha na vhuawelo ho vha lindelaho ngei phanḓa.

JOSHUA 1:13

“Elelwani zwe Mushe muḓinḓa wa Muṋe washu a ni vhudza a ri Muṋe washu Mudzimu waṋu u ḓo ni ṋea shango heḽi ḽa vhubvaḓuvha ha Jorodani ḽa vha haya haṋu na konou awela.

JOSHUA 1:15

Muṋe washu a vhuya a vha ṋea-vho vhuawelo unga o ṋea inwi, vha wana shango vhukovhela ha Jorodani ḽe Muṋe washu Mudzimu wavho a vha ṋea, na konou vhuya na dzula hafhano shangoni ḽaṋu vhubvaḓuvha ha Jorodani ḽe Mushe muḓinḓa wa Muṋe washu a ni ṋea ḽone.”

JOSHUA 1:5

A hu na ane a ḓo kona u imedzana na iwe vhutshilo hau hoṱhe. Ndi ḓo vha na iwe unga ndo vha ndi na Mushe. Ndi ḓo dzula ndi na iwe, ndi nga si vhuye nda u ṱutshela.

JOSHUA 11:12

Joshua a thuba miḓi yoṱhe heyo na mahosi ayo, a tshi vhulaha vhathu vhoṱhe, nga he Mushe muḓinḓa wa Muṋe washu a laya.

JOSHUA 11:23

Joshua a thuba shango ḽoṱhe, nga he Muṋe washu a laya Mushe. Joshua a ḽi ṋea Vhaisraele ḽa vha ḽavho, a ḽi kovhekanya nga mikovhe, tsinde ḽiṅwe na ḽiṅwe ḽa wana mukovhe waḽo. Ndi hone vhathu vha tshi awela nndwa.

JOSHUA 11:8

Muṋe washu a vha kumedza zwanḓani zwa Vhaisraele vha vha kunda; Vhaisraele vha vha wela, vha vha pandamedza vha vha swikisa devhula Misirifotho Maimi na Sidoni, thungo ya vhubvaḓuvha vha vha swikisa govhani ḽa Mitsipha. Iyo nndwa ya lwiwa u swika hu si tshee na na muthihi wa maswina o salaho a tshi khou tshila.

JOSHUA 2:24

vha konou ri, “Vhukuma Muṋe washu o ri ṋea shango iḽo ḽoṱhe. Vhathu vhoṱhe vha shango vha a ri ofha.”

JOSHUA 22:4

Zwino Muṋe washu Mudzimu waṋu o ladza shango ḽa Vhaisraele vha haṋu, unga o fulufhedzisa. Zwenezwo vhuelelani zwaṋu hayani, shangoni ḽe Mushe muḓinḓa wa Muṋe washu a ni ṋea seli ha Jorodani.

JOSHUA 22:9

Zwino vhathu vha matsinde a Rubeni na Gadi na Manase ḽa vhubvaḓuvha vha vhuelela hayani. Vha sia vhaṅwe Vhaisraele Shilo shangoni ḽa Kanana, vha fara lwendo lwa u vhuelela shangoni ḽavho, shangoni ḽa Giliadi, ḽe vha vha vho ḽi dzhia unga Muṋe washu o vha laya nga mulomo wa Mushe.

JOSHUA 23:1

Musi ho no fhela tshifhinga tshilapfu Muṋe washu ó ladzela Vhaisraele shango ha si tsha vha na maswina a lwaho navho, Joshua ó no kalaha, ó no ḓi vha wa maḓuvha,