JOSHUA 21:43 - BIVHILI KHETHWA Mafhungo Madifha

⁴³ Zwo tou ralo Muṋe washu a tshi ṋea Vhaisraele shango ḽoṱhe ḽe a vha o fulufhedzisa vhomakhulukuku wavho nga muano uri u ḓo vha ṋea. Huno vha ḽi dzhia, vha dzula henefho.

JOSHUA 21:43 Iomraidhean Croise

GENESI 12:7

hone Muṋe washu a ḓa ha Abramu a ri, “Shango heḽi ndi ḓo ḽi ṋea vhana vhau.” Henefho a fhaṱela Mune washu we a ḓa khae aḽiṱari.

GENESI 13:15

Shango ḽoṱhe ḽine wa ḽi vhona ndi ḓo ḽi ṋea iwe na vhana vhau, ḽa vha ḽaṋu lini na lini.

GENESI 28:4

Ngavhe iwe na vhaḓuhulu vhau a tshi vha ṋea mashudu a Abrahamu, uri u dzhie shango ḽine zwino wa khou dzula khaḽo u mutsinda, shango ḽe Mudzimu a ḽi ṋea Abrahamu.”

2 KORONIKA 20:8

Vho dzula khaḽo vha fhaṱela dzina ḽau hukhethwa khaḽo, vha tshi ri,

NEHEMIA 9:24

Vhana vhavho vha dzhia shango ḽa Kanana, Iwe wa kunda vhathu vha dzulaho henefho, wa ṋea vhathu vhau maanḓa a u ita zwine vha funa nga vhathu na mahosi a Kanana.

NEHEMIA 9:8

Wa wana mbilu yawe i tshi fulufhedzea, wa vhofha mulanga nae. Wa fulufhedzisa uri u ḓo mu ṋea shango ḽa Vhakanana na ḽa Vhahithi na Vhaamori na ḽa Vhapherisi na Vhajebusi na Vhagirigashi, uri ḽi vhe shango ḽine ḽa ḓo dzula vhaḓuhulu vhawe. Wo ita zwe wa fulufhedzisa, ngauri u a fulufhedzea.

DZIPHISALEMA 105:8

Ha hangwi mulanga wawe na kathihi, zwe a fulufhedzisa zwi dzula zwo ralo, ha vhuya ha fhira mirafho ya zwigidi.

DZIPHISALEMA 44:3

A vho ngo wana shango nga ḽavho pfumo, a vho ngo kunda nga tshavho tshanḓa; ndi nga maanḓa au na tshanḓa tshau, ndi nga lupenyo lwa tshifhaṱuwo tshau, nge wa vha takalela.

DZIPHISALEMA 78:55

O thatha dzitshakha phanḓa havho, a vha ṋea shango ḽa vha ifa ḽavho, a ṋea matsinde a Israele mahaya avho.

EKISODA 3:8

Ndo tsa uri ndi vha lamulele zwanḓani zwa Vhaegipita, ndi vha pfuluse shangoni ḽeneḽo ndi vha ise shangoni ḽa manona ḽo aṱamaho, shango ḽi elaho mukhaha na ṋotshi, haya ha Vhakanana na Vhahithi na Vhaamori na Vhapherisi na Vhahivi na Vhajebusi.

JEREMIA 32:23

Vho dzhena vha ḽi dzhia ḽa vha ḽavho, hone a vho ngo u thetshelesa, a vho ngo tevhedza milayo yau, a vho ngo ita zwe wa vha vhudza uri vha zwi ite. Ndi zwe wa vha ḓisela khombo hei yoṱhe.

NUMERI 33:53

Ni dzhie iḽo shango ni dzule khaḽo, ngauri Nṋe ndi khou ni ṋea ḽone.

NUMERI 34:2

ndayo hedzi dza Vhaisraele a ri, “Musi ni tshi dzhena Kanana, shango ḽine nda khou ni ṋea ḽone, masakha a shango ḽaṋu a ḓo vha haya:

DOTORONOMIO 11:31

Vhukuma ni ḓo ṱuwa ni tshi wela Jorodani na yo dzhia shango ḽine Muṋe washu Mudzimu waṋu a khou ni ṋea, ḽa vha ḽaṋu, na dzula khaḽo.

DOTORONOMIO 12:29

“Muṋe washu Mudzimu waṋu u ḓo lozwa tshakha dzine na ḓo ya u dzhia mashango adzo, a dzi thatha dza ni shavha, uri inwi ni dzule mashangoni adzo.

DOTORONOMIO 17:14

“Musi ni tshi swika shangoni ḽine Muṋe washu Mudzimu waṋu a ni ṋea, na ḽi dzhia na dzula khaḽo, na langana u ḓivhumbela khosi unga dziṅwe tshakha dzoṱhe dze na ṋekana masakha nadzo,

DOTORONOMIO 34:4

Muṋe washu a mu vhudza a ri, “Ngeḽi shango ḽe nda fulufhedzisa Abrahamu na Isaka na Jakopo nda ana nda ri ndi ḓo ḽi fha vhaḓuhulu vhavho. Zwino ndi tou u sumbedza uri u kone u ḽi vhona nga maṱo au, hone u wela a u nga wetsheli khaḽo.”

JOSHUA 1:6

Ivha na nungo u ime wo khwaṱha, ndi iwe ane wa ḓo vha murangaphanḓa wa vhathu havha musi vha tshi dzhia shango ḽe nda fulufhedzisa vhomakhulukuku wavho uri ndi ḓo vha ṋea ḽone.

VHARANGAPHANḒA 11:24

Ni khou linga uri ni ḽi dzhie ḽi vhuelele kha vhoinwi naa? Khezwi ni sa dzhii zwe na ṋewa nga mudzimu waṋu Khemosho. Na riṋe zwoṱhe zwe Yahavee Mudzimu washu a ri ṋea zwi ḓo vha zwashu.

1 SAMUELE 12:8

“Jakopo na muṱa wawe vho pfulutshela Egipita, Vhaegipita vha sala vha tshi vha kandeledza, vhomakhulukuku waṋu vha lilela Muṋe washu uri a vha farise, a ruma Mushe na Aroni, vhenevho vha pfulusa vhomakhulukuku waṋu Egipita, vha ḓa vha vha dzudza shangoni ḽino.