JOSHUA 20:3 - BIVHILI KHETHWA Mafhungo Madifha

³ Muthu ane a vhulaha muṅwe á songo ita nga khole a nga kona u ya henefho a tshi shavha munna ane a ṱoḓa u mu lifhedza.

JOSHUA 20:3 Iomraidhean Croise

2 SAMUELE 14:11

Musadzi a fhindula a ri, “Thovhele nga vha tou ana nga Muṋe washu Mudzimu wavho uri a vha nga tendi mulifhedzi wa malofha a tshi dovha a engedza ndozwo nga u vhulaha ṅwananga.” Khosi ya ri, “Ndi ana nga Muṋe washu a tshilaho ndi ri na luvhudzi na luthihi lwa ṱhoho ya ṅwana wavho a lu nga weli fhasi.”

LIVITIKO 4:2

a vhudze Vhaisraele uri nnyi na nnyi we a tshinya a pfuka muṅwe wa milayo ya Muṋe washu a sa iti nga khole, a tevhedze milayo heino:

NUMERI 35:12

Henefho u ḓo vha o tsireledzea kha shaka ḽa uyo ḽine ḽa funa u lifhedza. Muthu ane a pomokwa ha pfi o vhulaha muthu, a songo vhulawa á sa athu sengiswa khoroni.

NUMERI 35:19

Shaka ḽa tsini ḽa uyo mufu ḽi na pfanelo ya u vhulaha iyo phondi. Arali a mu wana a mu vhulahe.

NUMERI 35:22

“Huno arali muthu a vhulaha muṅwe ane a si mu vhenge, hu nga kha ḓi vha nga u tou mu wisela fhasi kana nga u mu kovhola nga tshiṅwe tshithu, hone hu si nga khole,

VHAHEBERU 6:18

Zwino ho no vha na u fulufhedziswa ha dovha ha vha na muano – zwithu zwivhili zwine zwi si shanduke, zwine zwa khwaṱhisa uri Mudzimu ha zwifhi. Zwenezwo riṋe ro shavhelaho khae ro ṱuṱuwedzwa tshoṱhe lune ra tou oma ro livha zwe ra fulufhela, zwiḽa zwe Mudzimu a ri vhetshela ngei phanḓa.

JOSHUA 20:2

uri a vhudze Vhaisraele a ri, “Nangani miḓi ya vhushavhelo ye nda laya Mushe uri a ni vhudze ngayo.

JOSHUA 20:4

A nga shavhela kha muṅwe wa miḓi heyo, a ya fhethu ha tsengo khoroni ya uyo muḓi, a ṱalutshedza vharangaphanḓa zwe zwa itea. Ndi hone vha tshi ḓo mu tendela a dzhena afho muḓini, vha mu sumbedza hune a ḓo dzula, uri a dzule henefho.