JOSHUA 2:9 - BIVHILI KHETHWA Mafhungo Madifha

⁹ a vha vhudza a ri, “Ndi a ḓivha uri Yahavee o ni ṋea shango ḽino. Roṱhe ri khou ni ofha, a hu na a songo kuleaho nungo.

JOSHUA 2:9 Iomraidhean Croise

GENESI 35:5

Ndi hone vha tshi pfuluwa, Mudzimu a ita uri miḓi yoṱhe yo vha tangaho i vha ofhe, ha si vhe na ane a vha tevhelela.

2 SAMUELE 17:10

Zwenezwo na muhali a sa ofhi, wa mbilu i no nga ya ndau, u ḓo ṋoka nga nyofho, ngauri Vhaisraele vhoṱhe vha a zwi ḓivha uri khotsi avho ndi muhali, na uri vhane vha ima navho ndi vhahali vha nndwa.

2 MAHOSI 5:15

Ndi hone Naamani na vhalanda vhawe vhoṱhe vha tshi vhuelela ha muḓinḓa wa Mudzimu, a ima phanḓa hawe a ri, “Zwino ndi a zwi ḓivha uri shangoni ḽoṱhe a hu na muṅwe Mudzimu, u Israele fhedzi. Zwino nga vha ṱanganedze tshifhiwa tshanga ngetshi.”

2 MAHOSI 7:6

Muṋe washu o vha o ita uri Vhaaramu vha pfe mubvumo wa dzigariki na dzibere na mmbi khulu, vha vhudzana vha ri, “Khosi ya Israele yo renda mahosi a Vhahithi na a Egipita uri vha lwe na riṋe!”

NEHEMIA 6:16

Musi maswina ashu a tshakha dzo ri tangaho a tshi zwi pfa, vha kulea nungo, nge vha vha vha tshi zwi ḓivha uri uyo mushumo wo shumiwa nge Mudzimu a ri farisa.

ESTERE 8:17

Miḓini yoṱhe na madzinguni oṱhe he ha vhalwa ndaela ya khosi, Majuda vha takala vha pembela vha ita vhuṱambo, vha ḽa. Vhathu vhanzhi vha dziṅwe tshakha vha vha Majuda nge vha vha vho farwa nga nyofho dza u ofha Majuda.

JOBO 19:25

Nṋe ndi a zwi ḓivha uri Mulifheli wanga u a tshila; u ḓo fhedza nga u ḓa a kunda ḽifhasi.

DZIPHISALEMA 112:10

Muvhi u ḓo ri u zwi vhona, zwa mu dina, a shenganya maṋo nga mbiti, a fhelela. Zwe muvhi a zwi lavhelela a zwi nga vuwi zwo itea.

DZIPHISALEMA 115:16

Ḽiṱaḓulu ndi ḽa Muṋe washu e eṱhe, ḽifhasi ḽone o ḽi ṋea vhathu.

EKISODA 18:11

musi vha tshi ni levhela. Zwino ndi vho zwi ḓivha uri Yahavee ndi muhulwane kha midzimu yoṱhe.”

EKISODA 23:27

“Ndi ḓo ita uri vhathu vhane vha lwa na iwe vha nnyofhe. Vhathu vhane wa lwa navho ndi ḓo vha fhiriṱanya, nda ita uri maswina au oṱhe a rembuluwe a u shavhe.

MUFUNZI 8:12

Mutshinyi a nga ḓi ita vhuvemu lwa ḓana, a ḓi tshila. Na nṋe ndi ḓivha hu tshi pfi, “Wa ofha Mudzimu zwi ḓo u nakela.

YESAYA 19:1

Ndaedzo i no amba Egipita ngeino: Vhonani, Muṋe washu o namela gole ḽa luvhilo, u khou ḓa Egipita. Midzimu ya Egipita i tshi mu vhona i a tetemela; mbilu dza Vhaegipita dzi tou ṋoka.

YESAYA 23:5

Na Vhaegipita vha tshi pfa uri Tiro wo phusukanywa vha ḓo tetemela nga nyofho.

JEREMIA 27:5

Ndi Nṋe ndo vhumbaho ḽifhasi na vhathu vhaḽo na phukha dzi re khaḽo nga maanḓa anga mahulu na nga tshanḓa tshó angalala; ndi ḽi ṋea ane nda funa.

NAHUMI 2:10

Wo ṱangulwa, wo phusukanywa, wo sala u fhedzi! Mbilu dzi a ṋoka, magona a vho tetemela, vhoṱhe vho farwa nga nyofho, zwifhaṱuwo zwoṱhe zwo tswukuluwa nga u tshenuwa.

NUMERI 20:14

Mushe a ruma vhaḓinḓa vha tshi bva Kadeshe vha ya ha khosi ya Edomo, vha swika vha ri, “Ndi riṋe mashaka avho, vha matsinde a Israele. Vhone vha a ḓivha u tambula hashu,

NUMERI 20:24

“Aroni a nga si dzhene shangoni ḽe nda fulufhedzisa uri ndi ḓo ḽi ṋea Vhaisraele, u ḓo fa, nge noṱhe vhuvhili haṋu na nyadza ndayo yanga musi ni Miriba.

MATIOSI 20:15

Kani a thi na pfanelo ya u ita zwine nda funa nga zwi re zwanga? Kani-ha ni vho ita vivho nga u vhona vhuthu hanga?’

DOTORONOMIO 11:25

A hu nga vhi na muthu ane a imedzana na inwi; Muṋe washu Mudzimu waṋu u ḓo ita uri vhathu vha mashango oṱhe ane ṋayo dzaṋu dza kanda khao vha ni ofhe vha tou tetemela, unga o ni fulufhedzisa.

DOTORONOMIO 2:25

U bva ṋamusi ndi ḓo ita uri tshakha dzoṱhe dzi re fhasi ha lutombo dzi ni ofhe dzi ni teledze; dzi tshi pfa zwine na ita dzi ḓo ofha dza tou tetemela.’

DOTORONOMIO 28:10

tshakha dzoṱhe dza ḽifhasi dza vhona uri ni vhidzwa nga dzina ḽa Muṋe washu, dza ni ofha.

DOTORONOMIO 32:8

Waṱaḓuluṱaḓulu a tshi kovhekanya dzitshakha mashango adzo, zwiḽa a tshi khethekanya vhathu, o vhekanya masakha a dzitshakha a tshi sedza tshivhalo tsha Vhaisraele.

VHAHEBERU 11:31

Ndi nga lutendo Rahaba uḽa wa phombwe o ponyoka lufu lwa vha nyadzaho Mudzimu, nge a swielela dziḽa ṱholi nga mbilu tshena.

JOSHUA 2:11

Ro ri u zwi pfa ra farwa nga nyofho, roṱhe ro kulea nungo nga inwi. Yahavee Mudzimu waṋu ndi Mudzimu wa makoleni ṱaḓulu na fhano fhasi.

JOSHUA 2:24

vha konou ri, “Vhukuma Muṋe washu o ri ṋea shango iḽo ḽoṱhe. Vhathu vhoṱhe vha shango vha a ri ofha.”

JOSHUA 2:8

Musi ṱholi dzi sa athu eḓela vhusiku honoho, Rahaba a gonya ṱhangani ya nnḓu

JOSHUA 5:1

Mahosi oṱhe a Vhaamori vhukovhela ha Jorodani na mahosi oṱhe a Vhakanana u navha na Lwanzhe lwa Phandamashango, vha zwi pfa uri Muṋe washu o xisa mulambo wa Jorodani, Vhaisraele vha wela. Vha farwa nga nyofho, vha kulea nungo vha si tsha vha na vhuhali ha u imedzana na Vhaisraele.

JOSHUA 6:2

Muṋe washu a vhudza Joshua a ri, “Jerikho ndi u kumedza zwanḓani zwau khathihi na khosi yawo na vhahali vhawo.

JOSHUA 9:10

na zwe a ita mahosi a Vhaamori vhubvaduvha ha Jorodani: Sihoni khosi ya Hesheboni na Ogo khosi ya Bashani we a vha a tshi dzula Ashtharotho.

JOSHUA 9:24

Vhone vha fhindula vha ri, “Ro ita nga u ralo muṋe wanga, nge ra pfa uri vhukumakuma ndi ngoho uri Yahavee Mudzimu wavho o vhudza muḓinḓa wawe Mushe uri a ni ṋee shango ḽoṱhe, ni vhulahe vhathu vha no dzula khaḽo musi ni tshi swika. Ro vha ri tshi ni ofha, ro vha ri tshi ofha uri ri ḓo fa, ndi zwe ra ita nga u ralo.

JOSHUA 9:9

Ndi hone vha tshi mu zwifhela vha ri, “Ri bva shangoni ḽa kule-kule muṋe washu, ro pfa zwa Yahavee Mudzimu waṋu. Ro pfa zwoṱhe zwe a ita Egipita

VHARANGAPHANḒA 7:14

Khonani yawe ya fhindula ya ri, “Ndi pfumo ḽa Muisraele, Gidioni ṅwana wa Juashi! A hu na zwiṅwe zwine zwa amba zwone! Mudzimu o kumedza Vhamidiani na mmbi yashu yoṱhe zwanḓani zwawe.”