JOSHUA 2:19 - BIVHILI KHETHWA Mafhungo Madifha

¹⁹ Arali muṅwe a bva nḓuni a ya nnḓa a vhulawa, u ḓo vha u mulandu wawe, a si washu, hone a re nḓuni yavho a vhuya a huvhadzwa, mulandu ndi washu.

JOSHUA 2:19 Iomraidhean Croise

2 SAMUELE 1:16

Ndi uri Dafita o vha o vhudza Muamaleke a ri, “Malofha aṋu nga a vhe nṱha ha ṱhoho yaṋu. Mulomo waṋu ndi wone we wa ṱanzilela musi ni tshi ri, ‘Ndo vhulaha mutiwa wa Yahavee.’ ”

2 SAMUELE 4:11

Zwino zwi nga tou ngani, musi vhavhi vho vhulaha munna a si na mulandu, vha mu vhulahela ngomu nḓuni yawe, vhulaloni hawe. Zwino ndi nga kundwa ngani u ni lifhedza zwe na mu vhulaha? Ndi ḓo ni lozwa na si tsha vha hone fhano fhasi!”

1 MAHOSI 2:32

Muṋe washu u ḓo mu lifhedza malofha e a a shulula, ngauri o vhulaha vhanna vhavhili nga pfumo khotsi anga Dafita vha sa zwi ḓivhi. Vhuvhili havho, Abinere ṅwana wa Nere, mulangammbi wa Israele, na Amasa ṅwana wa Jethere, mulangammbi wa Juda, vho vha vhe vhathu-vhathu, vhe vhavhuya u fhira ene.

EKISODA 12:13

Nnḓu dzine na dzula khadzo dzi ḓo swaiwa nga malofha. Ndi tshi vhona malofha ndi ḓo ni pfuka, na ponyoka khombo i lozwaho musi ndi tshi lifhedza shango ḽa Egipita.

EKISODA 12:22

Ni dzhie davhi ḽa muhisopo, ni i longe malofhani ane a vha sambeloni, ni ḓodze zwiaramo na mihangammbwa nga malofha a no bva sambeloni. Hu songo vha na ane a linga u bva nḓuni ḽi sa athu tsha.

EKISODA 12:23

Hu ḓo ri Muṋe washu a tshi buḓekanya ḽa Egipita a tshi lifhedza Vhaegipita, a tshi vhona malofha kha zwiaramo na kha mihangammbwa, a fhira iḽo vothi a si tende mulozwi a tshi dzhena mahayani aṋu a ni vhulaha.

LIVITIKO 20:11

Munna ane a dzhenisa mmane nḓuni u nyadzisa khotsi awe, vhuvhili havho uyo munna na musadzi nga vha vhulawe. Vha tshi fa ndi mulandu wavho.

LIVITIKO 20:9

“Muthu ane a teketela khotsi awe kana mme awe nga a vhulawe, a tshi fa ndi mulandu wawe.

MATIOSI 24:17

Muthu a re kha ṱhanga ya nnḓu yawe a songo ri u tsa a lenga-lenga nga u dzhena nḓuni uri a thome u goda thundu yawe.

MISHUMO 18:6

Vhone vha tshi ḓi mu hanedza vha tshi ita na u semana, ene a fhufhura zwiambaro zwawe u sumbedza uri zwi kha vhone, a ri, “Arali na lovha u ḓo vha u mulandu waṋu; nṋe ndo bva mulanduni! U ṱuwa ṋamusi ndi ya kha vhannḓa.”

MISHUMO 20:26

Ndi zwone zwine nda ni vhudza ṋamusi nda ri: arali muṅwe waṋu a sala a tshi lovha, u ḓo vha u si mulandu wanga,

MISHUMO 27:31

Ndi hone Paulo a tshi amba na mulangagomane na maswole a ri, “Arali havha vha sa dzula fhano tshikepeni inwi ni nga si kone u tshidzwa.”

VHAFILIPI 3:9

nda vha muthihi nae. A thi pfi muvhuya nge nda vhulunga Mulayo, ndi pfi muvhuya nge nda fulufhela Khristo, ndi vhuvhuya vhu no bva kha Mudzimu nga lutendo.

VHAHEBERU 10:29

Zwino muthu ane a nyadza Murwa wa Mudzimu, a nyefula malofha a khwaṱhisaho mulanga e a mu ita mukhethwa, a nyefula Muya ane ra wana ngae tshilidzi tsha Mudzimu, onoyo u ḓo rwiwa nga ṱhamu nngafhani?

JOSHUA 2:12

Zwino anani ngae uri ni ḓo itela muṱa wanga vhuthu unga nṋe ndo ni fara nga vhuthu, ni ntsumbedze tshiga uri ndi kone u ni fulufhedza.

JOSHUA 2:14

Avho vhanna vha mu fhindula vha ri, “Ngavhe Mudzimu a tshi ri vhulaha arali ra tenda ni tshi vhulawa! Arali vha sa ri ambulula, ri a vha fulufhedzisa uri musi Muṋe washu a tshi ri ṋea shango ḽino, ri ḓo vha itela vhuthu. Vha ḓo vhona, ri ḓo fulufhedzea.”

JOSHUA 2:20

Huno naho zwo ralo, arali vhone vha ri ambulula, riṋe a ri tsha ḓo khunyeledza zwe vha ri anisa.”