JOSHUA 2:14 - BIVHILI KHETHWA Mafhungo Madifha

¹⁴ Avho vhanna vha mu fhindula vha ri, “Ngavhe Mudzimu a tshi ri vhulaha arali ra tenda ni tshi vhulawa! Arali vha sa ri ambulula, ri a vha fulufhedzisa uri musi Muṋe washu a tshi ri ṋea shango ḽino, ri ḓo vha itela vhuthu. Vha ḓo vhona, ri ḓo fulufhedzea.”

JOSHUA 2:14 Iomraidhean Croise

GENESI 24:49

Zwino arali ni tshi ḓo fulufhedzea, muṋe wanga na vha itela vhuthu, mmbudzeni; arali ni tshi landula, ni mmbudze, uri ndi ṱoḓe huṅwe.”

GENESI 47:29

Musi tshifhinga tsha Israele tsha u fa tsho no sendela, a vhidza ṅwana wawe Josefa a mu vhudza a ri, “Arali u tshi ntakalela, longa tshanḓa tswaroni dzanga u ane uri u ḓo nnyitela vhuthu wa fulufhedzea; u songo ntswiṱa fhano Egipita.

2 SAMUELE 2:5

a ruma vhaḓinḓa vha ya khavho vha pfi vha vha vhudze vha ri, “Ngavhe Muṋe washu a tshi ni shudufhadza nge muṋe waṋu Saulo na mu ita nga vhuthu nga u mu swiṱa.

2 SAMUELE 2:6

Ngavhe Muṋe washu zwino a tshi ni ita-vho nga vhuthu a ni sumbedza u fulufhedzea hawe. Na nṋe ndi ḓo ni tonda nge na ita zwenezwo.

2 SAMUELE 9:1

Muṅwe musi Dafita a vhudzisa a ri, “Hu tshee na muṅwe o salaho wa nnḓu ya Saulo ane nda nga mu itela zwivhuya ndi tshi itela Jonathani?”

1 MAHOSI 20:39

Musi khosi i tshi khou fhira, muporofita a i vhidzelela a ri, “Ndo vha ndi vhukatikati ha nndwa ndi tshi khou lwa, muṅwe muthu a ḓa ha nṋe e na ḽithubwa a ri, ‘Linda munna hoyu; arali a shavha, u ḓo lifha nga ṱhoho yau kana wa lifha nga mangwende a 3 000 a siliva.’

MIRERO 14:22

Kani vha no tanda ḽi sa fukwi a vha khou xela? Vha no langana zwivhuya a vha nga shandukelwi, vha ḓo funwa.

MIRERO 18:24

Hu na khonani dzi no lozwa muthu, ha vha na ṱhama i no u tikedza u fhira ṅwana wa mme au.

MATIOSI 5:7

Mashudu vha na mbilutshilidzi: vhane vha ḓo itelwa tshilidzi ndi vhenevho.

MISHUMO 23:22

Mulangammbi a ri, “Ni songo vhuya na vhudza muthu uri no ntsevha haya mafhungo.” A ri u ralo a litsha uḽa muṱhanngana a ṱuwa.

JOSHUA 2:13

Nnyaneleni uri ni ḓo tshidza khotsi anga na mme anga na vhana vha hashu, vhatuka na vhasidzana na miṱa yavho vhoṱhe! Ni songo tenda ri tshi vhulawa!”

JOSHUA 2:15

Rahaba o vha a tshi dzula nḓuni yo fhaṱiwaho ngomu mutsheṱoni wa muḓi, zwenezwo a tsisela avho vhanna fhasi nga thambo vha bva nga fasiṱere.

JOSHUA 6:17

Uyu muḓi na zwoṱhe zwi re ngomu hawo zwo fanela u lozwiwa tshoṱhe, zwi vhe nduvho ya Muṋe washu. Hu sale Rahaba wa phombwe na muṱa wawe fhedzi, nge a dzumba ṱholi dzashu.

JOSHUA 6:22

Ndi hone Joshua a tshi vhudza vhaḽa vhanna vhavhili vhe vha vha vhe dziṱholi a ri, “Dzhenani nḓuni ya iḽa phombwe ni mu bvise na muṱa wawe, nga he na mu fulufhedzisa.”

JOSHUA 6:25

Huno Joshua a tshidza Rahaba na mashaka awe oṱhe, nge a dzumba dziḽa ṱholi mbili dze a dzi ruma Jerikho. Vhaḓuhulu vha Rabaha vho dzula kha ḽa Israele, na ṋamusi.

1 SAMUELE 20:8

A vha inwi, nnyiteleni vhuthu, ngauri no vhofha mulanga na nṋe phanḓa ha Muṋe washu. Arali ndi na mulandu, mmbulaheni inwi muṋe! Ni nga nkumedza khotsi aṋu hani?”