JOSHUA 2:11 - BIVHILI KHETHWA Mafhungo Madifha

¹¹ Ro ri u zwi pfa ra farwa nga nyofho, roṱhe ro kulea nungo nga inwi. Yahavee Mudzimu waṋu ndi Mudzimu wa makoleni ṱaḓulu na fhano fhasi.

JOSHUA 2:11 Iomraidhean Croise

1 MAHOSI 8:60

uri tshakha dzoṱhe dza ḽifhasi dzi zwi ḓivhe uri Muṋe washu ndi Ene Mudzimu e eṱhe, a hu na muṅwe.

2 MAHOSI 5:15

Ndi hone Naamani na vhalanda vhawe vhoṱhe vha tshi vhuelela ha muḓinḓa wa Mudzimu, a ima phanḓa hawe a ri, “Zwino ndi a zwi ḓivha uri shangoni ḽoṱhe a hu na muṅwe Mudzimu, u Israele fhedzi. Zwino nga vha ṱanganedze tshifhiwa tshanga ngetshi.”

NEHEMIA 6:16

Musi maswina ashu a tshakha dzo ri tangaho a tshi zwi pfa, vha kulea nungo, nge vha vha vha tshi zwi ḓivha uri uyo mushumo wo shumiwa nge Mudzimu a ri farisa.

ESTERE 8:17

Miḓini yoṱhe na madzinguni oṱhe he ha vhalwa ndaela ya khosi, Majuda vha takala vha pembela vha ita vhuṱambo, vha ḽa. Vhathu vhanzhi vha dziṅwe tshakha vha vha Majuda nge vha vha vho farwa nga nyofho dza u ofha Majuda.

DZIPHISALEMA 102:15

Tshakha dzi ḓo ofha dzina ḽau, Muṋe washu, mahosi oṱhe a ḽifhasi a ḓo tata vhugala hau,

DZIPHISALEMA 22:14

Ndo tou tevhulelwa kule sa maḓi, na zwiendanungo zwanga zwo lunguluwa; mbilu yanga yo ṋoka sa phula, yo tou pwaṱa ngomu khanani yanga.

DZIPHISALEMA 58:7

Ngavhe vha tshi nyamalala unga maḓi a ṋwelelaho, vha kandekanywa vha puta unga hatsi.

DZIPHISALEMA 83:18

Ndi hone vha tshi ḓo ḓivha uri u pfi Muṋe washu, Waṱaḓuluṱaḓulu, Muṋe wa ḽifhasi ḽoṱhe, ndi Iwe u woṱhe.

EKISODA 15:14

Tshakha dzi tshi pfa zwenezwo, dzi a tetemela; Vhafilista vha farwa nga nyofho.

EKISODA 15:15

Vhavhusi vha Edomo zwino vho hanganea, vhahulwane vha Muaba vha farwa nga mutetemelo, vhadzulapo vha Kanana vha kulea nungo.

YESAYA 13:7

Zwanḓa zwoṱhe zwi ḓo kulea nungo, mbilu dzoṱhe dza ṋoka;

YESAYA 19:1

Ndaedzo i no amba Egipita ngeino: Vhonani, Muṋe washu o namela gole ḽa luvhilo, u khou ḓa Egipita. Midzimu ya Egipita i tshi mu vhona i a tetemela; mbilu dza Vhaegipita dzi tou ṋoka.

ESEKIELE 21:15

Zwo itelwa uri mbilu dzi ṋoke, vha no wa vha vhe vhanzhi, ndo vhea banga ḽa u vhulaha khoroni dzavho dzoṱhe. Yawee! Ḽo itelwa u penya unga lupenyo, ḽo farelwa u vhulaha.

NAHUMI 2:10

Wo ṱangulwa, wo phusukanywa, wo sala u fhedzi! Mbilu dzi a ṋoka, magona a vho tetemela, vhoṱhe vho farwa nga nyofho, zwifhaṱuwo zwoṱhe zwo tswukuluwa nga u tshenuwa.

DOTORONOMIO 1:28

Ri kha ḓi gonyelani? Vha hashu vho yaho u tandula shango vho ri kula miraḓo vha tshi ri: Vhathu vha henefho vho anda, vha a ri fhira; mitsheṱo ya miḓi yavho i ṋanga makole; ro ita na u vhona miswonḓa, vhana vha Enaki.’

DOTORONOMIO 20:8

Vhakoma vha dovhe vha ambe na vhathu vha ri, ‘Ndi nnyi ane a ofha kana a tetemela? Na ene kha a humele hayani a sa ḓo ita uri na mbilu dza vhaṅwe dzi ṋoke vha ofhe vhoṱhe.’

DOTORONOMIO 4:39

“Ḓivhani-ha ṋamusi, zwi songo vhuya zwa ṱuwa mbiluni dzaṋu: Muṋe washu ndi Ene Mudzimu ngei ṱaḓulu na fhano fhasi, a hu tshee na muṅwe.

JOSHUA 14:8

Vhanna vhe nda ṱuwa navho vhone vho shushedza vhathu vha hashu, hone nṋe nda thetshelesa Muṋe washu Mudzimu wanga ndi tshi fulufhedzea.

JOSHUA 2:24

vha konou ri, “Vhukuma Muṋe washu o ri ṋea shango iḽo ḽoṱhe. Vhathu vhoṱhe vha shango vha a ri ofha.”

JOSHUA 5:1

Mahosi oṱhe a Vhaamori vhukovhela ha Jorodani na mahosi oṱhe a Vhakanana u navha na Lwanzhe lwa Phandamashango, vha zwi pfa uri Muṋe washu o xisa mulambo wa Jorodani, Vhaisraele vha wela. Vha farwa nga nyofho, vha kulea nungo vha si tsha vha na vhuhali ha u imedzana na Vhaisraele.

JOSHUA 7:5

Vhanna vha Ai vho vha pandamedza u bva khoroni ya muḓi u swika makwarani, vha vhulaha vhane vha nga swika 36 nḓilani vha tshi tsa tshivhanga. Vhaisraele vha kulea nungo vha farwa nga nyofho.

JOSHUA 9:24

Vhone vha fhindula vha ri, “Ro ita nga u ralo muṋe wanga, nge ra pfa uri vhukumakuma ndi ngoho uri Yahavee Mudzimu wavho o vhudza muḓinḓa wawe Mushe uri a ni ṋee shango ḽoṱhe, ni vhulahe vhathu vha no dzula khaḽo musi ni tshi swika. Ro vha ri tshi ni ofha, ro vha ri tshi ofha uri ri ḓo fa, ndi zwe ra ita nga u ralo.

NZUMBULULO 6:16

vha vhidzelela dzithavha na dzinngwa vha ri, “Ri weleni ni ri tibe uri ri dzumbame hoyo o dzulaho kha khuluṋoni a si tsha ri vhona, na ṱhamu ya Ngwana i si ri wele.