JOSHUA 2:10 - BIVHILI KHETHWA Mafhungo Madifha

¹⁰ Ro zwi pfa uri Yahavee o xisa Lwanzhe lwa Dziṱhanga ni tshi swika musi ni tshi pfuluwa Egipita. Ra pfa na zwe na ita Sihoni na Ogo, mahosi mavhili a Vhaamori vhe vha vha vha tshi dzula vhubvaḓuvha ha Jorodani. Ro pfa uri no vha lozwa tshoṱhe.

JOSHUA 2:10 Iomraidhean Croise

DZIPHISALEMA 74:15

Ndi Iwe Muphuli wa zwisima; wo elisa milambo, wa xisa milambo i sa xi.

NUMERI 20:14

Mushe a ruma vhaḓinḓa vha tshi bva Kadeshe vha ya ha khosi ya Edomo, vha swika vha ri, “Ndi riṋe mashaka avho, vha matsinde a Israele. Vhone vha a ḓivha u tambula hashu,

NUMERI 23:22

Mudzimu o vha pfulusa Egipita, u vha lwela unga ṋari.

NUMERI 24:8

Mudzimu o vha pfulusa Egipita, vha na nungo dzi no nga dza ṋari. Vha mila tshakha dzi lwaho navho, vha vunḓekanya marambo avho, vha vha runga nga misevhe yavho.

DOTORONOMIO 2:30

“Hone Sihoni khosi ya Hesheboni ho ngo tenda ri tshi fhira nga shangoni ḽawe; Muṋe washu Mudzimu waṋu o ita uri a ite tshipimbi a konḓe uri Muṋe washu a kone u mu kumedza inwi, uri ni dzhie shango ḽawe. Vhukuma na ḽi dzhia.

JOSHUA 24:12

Musi ni tshi swika nda thatha mahosi mavhili a Vhaamori, vha shavha vha tshi nga vha khou pandamedzwa nga mabu. Izwo a no ngo zwi ita nga mafumo aṋu na vhura haṋu.

JOSHUA 4:24

Muṋe washu o ita hezwo uri tshakha dzoṱhe dza ḽifhasi dzi ḓivhe uri u na maanḓa, inwi ni hulise Muṋe washu Mudzimu waṋu misi yoṱhe.”

JOSHUA 5:1

Mahosi oṱhe a Vhaamori vhukovhela ha Jorodani na mahosi oṱhe a Vhakanana u navha na Lwanzhe lwa Phandamashango, vha zwi pfa uri Muṋe washu o xisa mulambo wa Jorodani, Vhaisraele vha wela. Vha farwa nga nyofho, vha kulea nungo vha si tsha vha na vhuhali ha u imedzana na Vhaisraele.

JOSHUA 9:10

na zwe a ita mahosi a Vhaamori vhubvaduvha ha Jorodani: Sihoni khosi ya Hesheboni na Ogo khosi ya Bashani we a vha a tshi dzula Ashtharotho.