JOSHUA 18:8 - BIVHILI KHETHWA Mafhungo Madifha

⁸ Avho vhanna vha takuwa vha fara lwendo u yo ola mapa wa shango, Joshua ó thoma u vha laya a ri, “Tandulani shango ḽoṱhe ni ole mapa waḽo, ni konou vhuya kha nṋe. Nṋe ndi ḓo ni vhudzisela ha Muṋe washu nga u ita madeṅwa henefhano Shilo.”

JOSHUA 18:8 Iomraidhean Croise

GENESI 13:17

Takuwa u tshimbile u tshi tandula masia oṱhe a shango heḽi, ndi khou ḽi ṋea iwe.”

YESAYA 34:17

ndi Ene we a zwi kovhela vhudzulo hazwo, a vhu ela nga tshanḓa tshawe; ndi mukovhe wazwo wa lini na lini; zwi ḓo dzula henefho miṅwaha ya ḓi ṱanḓulukana i tshi ya.

VHAROMA 14:19

Zwino-ha kha ri vhe vha ṱoḓaho zwi ḓisaho mulalo na u fhaṱa.

JOSHUA 13:7

Zwino-ha, kovhekanya maṅwe matsinde maṱanu na maṋa shango heḽo, na hafu ya tsinde ḽa Manase, vha ḽi dzhie ḽi vhe ḽavho.”

JOSHUA 15:1

Tsinde ḽa Juda ḽo wana hoyu mukovhe wa shango zwi tshi ya nga miṱa yavho: Shango ḽo swika tshipembe u ya tshipembepembe ha phanga ya Tsini, masakhani a Edomo.

JOSHUA 18:1

Musi vho no kunda shango, vhathu vhoṱhe vha Israele vha kuvhangana Shilo, vha akha dennde ya u ṱangana na Muṋe washu.

JOSHUA 18:10

Joshua a ita madeṅwa a vha vhudzisela ha Muṋe washu, tsinde ḽiṅwe na ḽiṅwe ḽa Vhaisraele ḽo salaho a ḽi kovhela tshipiḓa tsha shango.

JOSHUA 18:6

Ni ṅwale mukovho wa khethekanyo hedzo ṱhanu na mbili ni u ḓise kha nṋe. Nṋe ndi ḓo konou ita madeṅwa nda ni vhudzisela ha Mudzimu Muṋe washu.

JOSHUA 18:9

Ndi hone avho vhanna vha tshi yo tandula shango, vha dzula fhasi vha ola uri vha ḓo ḽi kovhekanya hani ḽa bva zwipiḓa zwiṱanu na zwivhili, vha ṅwala mutevhe wa miḓi, vha konou humela ha Joshua mishashani ya Shilo.

1 SAMUELE 14:41

Ndi hone Saulo a tshi rabela Muṋe washu Mudzimu wa Israele a ri, “Mphindule zwi re zwone.” Jonathani na Saulo vha farwa nga madeṅwa, vhathu vhone vha wanala vho ṱamba.