JOSHUA 18:12 - BIVHILI KHETHWA Mafhungo Madifha

¹² Sia ḽa devhula masakha avho o thoma Jorodani, a gonyela devhula ha Jerikho, a livha vhukovhela a tshi buḓekanya shango ḽa mivhundu u vhuya u swika phangani ya Bethavene.

JOSHUA 18:12 Iomraidhean Croise

HOSIA 10:5

Vhathu vha no dzula Samaria vha tetemela nga nyofho vha tshi humbula zwine zwa ḓo wela ṋamana ya tshifanyiso ya Bethavene. Vhathu vhayo vha ḓo i lilela, na vhotshifhe vhayo, havho vhe vha vha vha tshi takalela vhugala hayo, ngauri vho dzhielwa yone, yo iswa vhuthubwani.

HOSIA 4:15

“Inwi Vhaisraele, ni tshi ita vhupombwe, Juda a songo ḓiovhela-vho mulandu. Vha songo yo luvha Giligala, vha songo gonya Bethavene. Vha songo ana henefho vha ri, ‘Yahavee ndi ṱhanzi!’

HOSIA 5:8

“Lidzani phalaphala muḓini wa Gibia, Rama ni lidze luṋanga. Bethavene hu pfale mukosi wa nndwa. Iwe Benyamini, swina ḽo u sala murahu.

JOSHUA 16:1

Masakha a tshipembe a shango ḽe ḽa kovhelwa vhaḓuhulu vha Josefa o thoma Jorodani tsini ha Jerikho, vhubvaḓuvha ha zwisima zwa Jerikho, a ya phangani. A ṱuwa Jerikho a gonya mabama a swika Bethele.

JOSHUA 18:11

Shango ḽa tsinde ḽa Benyamini ndi ḽone ḽe ḽa thoma u kovhiwa zwi tshi tevhedza miṱa yavho. Shango ḽavho ḽo vha vhukati ha ḽa matsinde a Juda na Josefa.

JOSHUA 2:1

Ndi hone Joshua a tshi ruma ṱholi mbili dzi tshi bva Shitimu (Maungani), a vha laya uri vha yo tandula shango ḽa Kanana, zwihulwane muḓi wa Jerikho. Musi vha tshi swika muḓini uyo, vha yo eḓela nḓuni ya musadzi wa phombwe ane a pfi Rahaba.

JOSHUA 3:16

maḓi a si tsha ela, a raha a swika muḓini wa Adamu u re tsini ha Tsarethani. Maḓi a no ela a tshi tsela Lwanzheni lwa Muṋo o vha o tumuwa tshoṱhe, vhathu vha konou wela mulambo tsini ha Jerikho.

JOSHUA 6:1

Khoro dza Jerikho dza dzula dzo valwa, dza lindwa uri Vhaisraele vha si dzhene. Ho vha hu si na ane a dzhena kana a bva afho muḓini.

JOSHUA 7:2

Joshua o ruma vhaṅwe vhanna vha tshi bva Jerikho vha ya Ai, muḓi u re vhubvaḓuvha ha Bethele tsini ha Bethavene, a vha vhudza uri vha yo tandula iḽo shango. Musi vho no ralo,

JOSHUA 8:15

Joshua na vhanna vhawe vha ḓiita unga vha khou humela murahu, vha vha shavha vha livha phangani.

1 SAMUELE 13:5

Vhalifista vha kuvhangana uri vha lwe na Vhaisraele, vhe na gariki dza nndwa dza 3 000 na vhanameli vhadzo vha 6 000 na vhahali vhe vha vha vho anda unga muṱavha wa lwanzhe. Vha gonya vha ṱoka mishasha Mikhimashi, vhubvaḓuvha ha Bethe Avene.