JOSHUA 18:10 - BIVHILI KHETHWA Mafhungo Madifha

¹⁰ Joshua a ita madeṅwa a vha vhudzisela ha Muṋe washu, tsinde ḽiṅwe na ḽiṅwe ḽa Vhaisraele ḽo salaho a ḽi kovhela tshipiḓa tsha shango.

JOSHUA 18:10 Iomraidhean Croise

1 KORONIKA 24:5

Ho vha hu na vhakoma vha thembele, vha zwa Mudzimu, kha vha lutsinga lwa Eliasara khathihi na lwa Ithamara, ndi zwe vha kovhelwa mishumo nga u ita madeṅwa.

NEHEMIA 11:1

Vharangaphanḓa vho dzula Jerusalema, vhathu vhaṅwe vha ita madeṅwa vha nanga muṱa muthihi kha fumi muthihi kha fumi uri vha ṱuwe vha yo dzula Jerusalema, muḓini mukhethwa, vhaṅwe vha ya vha dzula miḓini miṅwe.

DZIPHISALEMA 47:4

O ri nangela ifa ḽashu, shango ḽavhuḓi, ḽine Jakopo mufunwa wawe a ḽi zuwa.

DZIPHISALEMA 61:5

Iwe Mudzimu wo pfa zwe nda u anela; wo nṋea ifa ḽi ṋewaho vhane vha ofha dzina ḽau.

MIRERO 18:18

Deṅwa ḽi lamula vhathu, ḽa fhandekanya vhahali vhavhili.

JEREMIA 7:12

“A ni ḓou ya Shilo, fhethu he nda ranga u hu nanga uri ndi luhwe hone, ni vhone uri ndo hu itani nga mulandu wa vhuvhi ha vhathu vhanga vha Israele.

ESEKIELE 47:22

Ni kovhekane ḽi vhe ifa ḽaṋu na ḽa vhatsinda vhe na dzula navho vha vhuya vha beba vhana, vhunga no fanela u vha fara sa vhadzulapo vha Israele. Na vhone vha wane mikovhe na inwi ḽi vhe ifa ḽavho, vha kovhekane na matsinde a Israele.

ESEKIELE 48:29

Ni fanela u kovhekana shango nga u ralo ḽi vhe ifa ḽa matsinde a Israele, heyo i vhe mikovhe yavho – hu amba Muṋe wa zwoṱhe Yahavee.

MIKA 2:5

Shango ḽi tshi dovha u kovhekanywa inwi a ni nga wani tsimu; a ni tsha ḓo vha na mukovhe tshivhidzoni tsha Muṋe washu.

NUMERI 34:16

Muṋe washu a amba na Mushe a ri,

MATIOSI 27:35

Ndi hone vha tshi mu vhamba kha tshifhambano, vha konou kovhekana nguvho dzawe nga u tou ita mamvaṱe.

JOHANISI 17:2

ngauri wo mu kumedza maanḓa a u vhusa vhathu vhoṱhe uri vhoṱhe vhe wa mu kumedza a vha ṋee vhutshilo vhu sa fheli.

MISHUMO 13:19

Tshakha dze a lozwa shangoni ḽa Kanana ndi ṱhanu na mbili, a konou ḽi kumedza vhathu vhawe, ḽa vha ifa ḽavho.

MISHUMO 26:18

U vha bonyolose u vha bvise swiswini uri vha dzhene tshedzani, u vha bvise zwanḓani zwa Saṱhane vha luvhe Mudzimu, vha mpfulufhele vha hangwelwe vhutshinyi havho vha kone-vho u vha vhathihi na vhakhethwa vha Mudzimu.’

VHAKOLOSA 1:12

ni tshi livhuha Ene Khotsi we a ni ita vho fanelaho u vha na mukovhe wa ifa ḽe Mudzimu a vhulungela vhathu vhawe muvhusoni wa tshedza.

JOSHUA 14:2

Mashango a matsinde maṱanu na maṋa na hafu vhukovhela ha Jorodani o kovhiwa nga u ita mamvaṱe, nga he Muṋe washu a laya Mushe.

JOSHUA 14:5

Vhaisraele vho kovhekana shango nga he Muṋe washu a laya Mushe.

JOSHUA 18:11

Shango ḽa tsinde ḽa Benyamini ndi ḽone ḽe ḽa thoma u kovhiwa zwi tshi tevhedza miṱa yavho. Shango ḽavho ḽo vha vhukati ha ḽa matsinde a Juda na Josefa.

JOSHUA 18:6

Ni ṅwale mukovho wa khethekanyo hedzo ṱhanu na mbili ni u ḓise kha nṋe. Nṋe ndi ḓo konou ita madeṅwa nda ni vhudzisela ha Mudzimu Muṋe washu.

JOSHUA 18:8

Avho vhanna vha takuwa vha fara lwendo u yo ola mapa wa shango, Joshua ó thoma u vha laya a ri, “Tandulani shango ḽoṱhe ni ole mapa waḽo, ni konou vhuya kha nṋe. Nṋe ndi ḓo ni vhudzisela ha Muṋe washu nga u ita madeṅwa henefhano Shilo.”

JOSHUA 18:9

Ndi hone avho vhanna vha tshi yo tandula shango, vha dzula fhasi vha ola uri vha ḓo ḽi kovhekanya hani ḽa bva zwipiḓa zwiṱanu na zwivhili, vha ṅwala mutevhe wa miḓi, vha konou humela ha Joshua mishashani ya Shilo.

JOSHUA 19:51

Tshifhe Eliasara na Joshua ṅwana wa Nunu na vharangaphanḓa vha miṱa ya matsinde a Israele vho kovhekanya zwipiḓa hezwo zwa shango nga u ita madeṅwa uri vha vhudzise Muṋe washu vhe Shilo, muṋangoni wa dennde ya u ṱangana na Muṋe washu. Ngauralo vha vha vho fhedza u kovhekana shango.

JOSHUA 23:4

Matsinde aṋu ndo vha kovhela shango ḽa vha ḽavho, ndi shango ḽa tshakha dzine dza kha ḓi vha hone, khathihi na tshakha dzoṱhe dze nda dzi kunda, u bva mulamboni wa Jorodani thungo ya vhubvaḓuvha u swika Lwanzheni lwa Phandamashango thungo ya vhukovhela.