JOSHUA 17:2 - BIVHILI KHETHWA Mafhungo Madifha

² Shango ḽa vhukovhela ha Jorodani ḽa kovhelwa vhaṅwe vha Manase zwi tshi tevhedza miṱa yavho: Abiesere na Heleke na Asriele na Shikheme na Hefere na Shemida. Havho ndi vhone vhaḓuhulu vha Manase ṅwana wa Josefa, nahone vho vha vhe vhaṋe vha miṱa.

JOSHUA 17:2 Iomraidhean Croise

1 KORONIKA 7:18

Hamolekhethe, khaladzi a Giliadi, o beba Ishodo na Abiesere na Mahala.

JOSHUA 17:1

Tshipiḓa tsha shango ḽa vhukovhela ha Jorodani ḽo kovhelwa miṅwe miṱa ya lutsinga lwa Manase tanzhe ḽa Josefa. Makhiri khotsi a Giliadi o vha e tanzhe ḽa Manase, e muhali nndwani; ene o kovhelwa Giliadi na Bashani vhubvaḓuvha ha Jorodani.

JOSHUA 17:3

Tselofihadi, ṅwana wa Hefere ṅwana wa Giliadi, ṅwana wa Makhiri, ṅwana wa Manase, o vha a si na vhana vha vhatuka, o vha e na vhananyana fhedzi. Vho vha vha tshi pfi Mahala na Nua na Hogola na Milikha na Thiritsa.

VHARANGAPHANḒA 6:11

Muruṅwa wa Muṋe washu a ḓa Ofra a dzula fhasi ha muri muhulu we wa vha u wa Juashi, muṅwe munna wa mutupo wa Abiesere. Ṅwana wawe Gidioni o vha a tshi khou fhula goroi nga u dzumbamisa bonḓeloni, uri Vhamidiani vha si mu vhone.

VHARANGAPHANḒA 8:2

Hone Gidioni a ri, “Nṋe ndo kona zwifhio-vho ndi tshi vhambedzwa na inwi? Ṱhalane ya nḓirivhe dza Efraimi a i fhiri khaṋo yoṱhe ya Abiesere naa?