JOSHUA 17:11 - BIVHILI KHETHWA Mafhungo Madifha

¹¹ Shangoni ḽa Isakhara na ḽa Ashere, Manase o vha e na muḓi wa Bethe Shiani na wa Ibiliamu, khathihi na ḓorobo dzo i tangaho, hu tshi angaredzwa na Doro (we wa vha u muvhunduni) na Endoro na Thaanakha na Megido, na ḓorobo dzo i tangaho.

JOSHUA 17:11 Iomraidhean Croise

2 SAMUELE 21:12

a ya Giliadi a dzhia marambo a Saulo na a ṅwana wawe Jonathani kha vhadzulapo vha Jabeshe. Vhenevho vho vha vho a dzhia nga tshiphiri khoroni ya Bethe Shiani, he Vhafilista vha a nembeledza vhó no vhulaha Saulo thavhani dza Gilibua.

1 MAHOSI 9:15

Khosi Solomoni o vha a tshi shumisa vhathu nga khombekhombe musi a tshi fhaṱa thembele ya Muṋe washu na pfamo yawe na mirango na mutsheṱo wa Jerusalema na miḓi ya Hatsoro na Megido na Gezere.

2 MAHOSI 9:27

Musi Ahasia khosi ya Juda a tshi vhona zwo iteaho, a shavha nga gondo ḽi yaho muḓini wa Bethe Hagani. Jehu a mu pandamedza a tshi khou ṱavha mukosi a tshi ri, “Na ene mu vhulaheni!” Vha mu phula mbonzhe e garikini yawe o livha Guru, tsini ha muḓi wa Ibiliamu, hone a shavhela muḓini wa Megido a fela hone.

1 KORONIKA 6:70

Shangoni ḽa vha Manase vha vhukovhela Vhaisraele vha kovhela vhaṅwe vhoṱhe vha mitupo ya Kehathi miḓi ya Anere na Ibiliamu, khathihi na mashango ayo a pfulo.

1 KORONIKA 7:29

Miḓi ya Bethe Shiani na Thaanakha na Megido na Doro, na miḓana yo i tangaho ho vha ha tsinde ḽa Manase. Fhethu hafho hoṱhe ho vha hu tshi dzula vha tsinde ḽa Josefa ṅwana wa Israele.

2 KORONIKA 35:22

Josiasi naho zwo ralo, a si mu humele, a ḓikhakhisa a dzhena nndwani. Ho ngo thetshelesa zwe Mudzimu a mu vhudza nga mulomo wa Nikho, a ṱuwa a yo lwa Govhani ḽa Megido.

DZIPHISALEMA 83:10

vhe vha lozwiwa Endoro, vha vha manyoro a mavu.

JEREMIA 49:2

Hone hu khou ḓa misi ine muḓi wa Raba wa Vhaamoni nda ḓo u ṱavhela mukosi wa nndwa,” u ralo Muṋe washu. “U ḓo sala u gokho ḽa matumba, miḓana yo u tangaho nda i fhisa nga mulilo. Ndi hone Vhaisraele vha tshi ḓo pandamedza vho vha pandamedzaho.” U ralo Muṋe washu.

ZAKARIA 12:11

Musi wonoyo hu ḓo vha na tshililo tshihulu kha ḽa Juda, zwa nga musi hu tshi lilelwa Hadada Rimoni govhani ḽa Megido.

JOSHUA 11:2

na ha mahosi a dzulaho mivhunduni thungo ya devhula na govhani ḽa Jorodani tshipembe ha dzivha ḽa Khinirethe na midavhini i re tsini ha lwanzhe na u ṱutshela lwanzheni tsini ha Doro.

JOSHUA 12:21

na Thaanakha na Megido

JOSHUA 12:23

na Doro tsini ha lwanzhe, na Goimi kha ḽa Galelia

JOSHUA 16:9

zwa katela na dziṅwe ḓorobo na miḓana ye ya vha i ngomu ha masakha a Manase, ye ya vha yo kovhelwa vha Efraimi.

JOSHUA 17:10

Efraimi o vha e thungo ya tshipembe, Manase e thungo ya devhula, Lwanzhe lwa Phandamashango lwa vha masakha avho a vhukovhela. Thungo ya devhula vho ṋekana masakha na Ashere, vhubvaḓuvha-devhula vha ṋekana masakha na Isakhara.

JOSHUA 17:16

Vhone vha fhindula vha ri, “Shango ḽa mivhundu ndi ḽiṱuku, ḽi nga si ri eḓane, hone Vhakanana vha re midavhini, vhoṱhe vha no dzula Bethe Shiani na miḓanani yo u tangaho na vha no dzula govhani ḽa Jesriele vha na gariki dza tsimbi dza nndwa.”

VHARANGAPHANḒA 1:27

Vha tsinde ḽa Manase a vho ngo thatha vhathu vhane vha dzula miḓini ya Bethe Shiani na Thaanakha na Doro na Ibiliamu na Megido na vha ḓorobo dza henefho tsini; Vhakanana vho ḓi dzula henefho.

VHARANGAPHANḒA 5:19

“Ngei Thaanakha, tsini ha milambo ya Megido, mahosi o ḓa a lwa; mahosi a Kanana o lwa, hone a vho ngo hwala siliva, a hu na tshe vha ṱangula.

1 SAMUELE 28:7

Ndi hone Saulo a tshi vhudza magota awe a ri, “Nngwaneleni musadzi wa mungome, ndi ḓo mu vhudzisa.” Magota awe vha ri, “Ngei Endoro u hone.”

1 SAMUELE 31:10

Vha dzhia tshiambaro tsha Saulo tsha nndwa vha tshi vhea thembeleni ya Ashtharotho mudzimu wa musadzi, tshitumbu tshawe vha tshi ombela kha mutsheṱo wa muḓi wa Bethe Shiani.

1 SAMUELE 31:12

vhanna vha havho vhoṱhe vha re na vhuhali vha lala vha tshi tshimbila vhusiku vha tshi ya Bethe Shiani. Vha tsitsa tshitumbu tsha Saulo na zwa vhana vhawe afho luvhondoni lwa Bethe Shiani, vha humela Jabeshe, vha zwi fhisela hone.