JOSHUA 16:10 - BIVHILI KHETHWA Mafhungo Madifha

¹⁰ Huno a vho ngo thatha Vhakanana vhe vha vha vha tshi dzula Gezere, avho Vhakanana vho ḓi dzula na vha Efraimi u swika na ṋamusi, vho tou kombetshedzwa u shuma vhe phuli.

JOSHUA 16:10 Iomraidhean Croise

1 MAHOSI 9:15

Khosi Solomoni o vha a tshi shumisa vhathu nga khombekhombe musi a tshi fhaṱa thembele ya Muṋe washu na pfamo yawe na mirango na mutsheṱo wa Jerusalema na miḓi ya Hatsoro na Megido na Gezere.

1 MAHOSI 9:16

Farao khosi ya Egipita o vha o dia muḓi wa Gezere a u thuba, a vhulaha vhadzulapo vhawo vha Vhakanana, a u fhisa nga mulilo, a u ṋea ṅwananyana wawe tshi tshifhiwa musi a tshi vhingwa nga Solomoni.

1 MAHOSI 9:21

ndi vhaḓuhulu vha havhaḽa vhe Vhaisraele vha si vha fhedze tshoṱhe vha sala shangoni, vhenevho Solomoni o vha shumisa mushumo wawe wa khombekhombe, na ṋamusi zwi tshee zwo ralo.

2 KORONIKA 8:8

vhaḓuhulu vha vhenevho vhe vha vha vho sala shangoni, vha songo lozwiwaho nga Vhaisraele, Solomoni a vha shumisa nga khombekhombe, na ṋamusi zwi tshee zwo ralo.

JOSHUA 10:33

Horamu khosi ya Gezere a ḓa u lamulela Lakhishi, hone Joshua a mu kunda na mmbi yawe, a si sie na muthihi wavho a tshi tshila.

JOSHUA 15:63

Hone vhathu vha Juda vho vha vha sa koni u thatha Vhajebusi vhe vha vha vha tshi dzula Jerusalema. Vhajebusi vha kha ḓi dzula henefho na vhathu vha Juda.

JOSHUA 16:9

zwa katela na dziṅwe ḓorobo na miḓana ye ya vha i ngomu ha masakha a Manase, ye ya vha yo kovhelwa vha Efraimi.

JOSHUA 17:12

Vhathu vha Manase hone a vho ngo kona u thatha vhathu vha dzulaho miḓini iyo, vhenevho Vhakanana vha ḓi dzula henefho.

JOSHUA 17:13

Na musi Vhaisraele vhó no vha na maanḓa, a vho ngo thatha Vhakanana vhoṱhe, vho tou vha ita phuli dzavho.

VHARANGAPHANḒA 1:29

Vha tsinde ḽa Efraimi a vho ngo thatha Vhakanana vha no dzula muḓini wa Gezere, vhenevho Vhakanana vho ḓi dzula henefho navho.