JOSHUA 15:4 - BIVHILI KHETHWA Mafhungo Madifha

⁴ a ya Atsimoni, a tsa na kudambo ku re masakhani a Egipita, a ya Lwanzheni lwa Phandamashango. Masakha a guma henefho. Hayo o vha one masakha a Juda sia ḽa tshipembe.

JOSHUA 15:4 Iomraidhean Croise

GENESI 15:18

Musi wonoyo Muṋe washu a vhofha mulanga na Abramu a ri, “Shango heḽino ndi ḽi ṋea vhana vhau, u bva mulamboni wa Egipita u swika mulamboni muhulu wa Yufuratha –

1 MAHOSI 8:65

Solomoni na Vhaisraele vhoṱhe vhe a vha e navho vha ita vhuṱambo ha Mishasha musi wonoyo vha tshi hulisa Mudzimu Muṋe washu, vha fhedza maḓuvha maṱanu na mavhili, ngavhuya vha dovha vha fhedza maḓuvha maṱanu na mavhili, a ṱangana a vha maḓuvha a 14. Ho vha ho kuvhangana vhathu vhanzhi vha no bva Pharani ya Hamathi thungo ya devhula u vhuya u swika masakhani a Egipita thungo ya tshipembe.

EKISODA 23:31

Mikano ya shango ḽau ndi ḓo i vhea ya guma nga Lwanzhe lwa Dziṱhanga na lwanzhe lwa Vhafilista na phanga na mulambo wa Yufuratha. Ndi ḓo kumedza vhadzulapo vha iḽo shango zwanḓani zwau, wa vha pandela vha u shavha.

YESAYA 27:12

Hu khou ḓa ḓuvha ḽine Muṋe washu a ḓo kuvhanganya vhathu vha Israele nga muthihi nga muthihi u bva Yufuratha u swika nga mukano wa Egipita, zwa nga mulimi a tshi fhula goroi a nanguludza thoro a si sie na nthihi.

NUMERI 34:5

u bva henefho a ḓo livha govhani na masakhani a Egipita a fhelela Lwanzheni lwa Phandamashango.

JOSHUA 13:3

kathihi na shango ḽa Vhaavi u ya tshipembe. Ndi shango ḽine ḽa thoma mulambwanani wa Shihoro, masakhani na Egipita, u vhuya u swika masakhani na Ekroni thungo ya devhula, ḽo vha ḽi tshi pfi ndi ḽa Vhakanana; mahosi a Vhafilista o vha a tshi dzula Gaza na Ashidodo na Ashkeloni na Gathi na Ekroni.

JOSHUA 15:3

a livha tshipembe u bva Pharani ya Phephenu u swika Tsini. A ḓa nga tshipembe ha Kadeshe Barania, a fhira nga Hetsironi, a vhuya a swika Adara, a livha Karaka,

JOSHUA 15:47

Ha vha na Ashidodo na Gaza, na ḓorobo dzayo na miḓana yayo, u swika kudamboni masakhani a Egipita na khunzikhunzini dza Lwanzhe lwa Phandamashango.