JOSHUA 15:13 - BIVHILI KHETHWA Mafhungo Madifha

¹³ Tshiṅwe tshipiḓa tsha shango ḽa Juda tsho ṋewa Khalebe ṅwana wa Jefune, wa tsinde ḽa Juda, nga he Muṋe washu a laya Joshua. O ṋewa Hebroni, muḓi wa Araba khotsi a Anaka.

JOSHUA 15:13 Iomraidhean Croise

GENESI 13:18

Ndi hone Abramu a tshi hwala dennde dzawe, a yo dzula tsini ha miri mihulu ya Mamuri muḓini wa Hebroni, a fhaṱela Muṋe washu aḽiṱari henefho.

GENESI 23:2

O fela Kiriathi Araba (Hebroni), shangoni ḽa Kanana. Abrahamu a yo lila Sara a tou ṱavha mukosi.

2 SAMUELE 2:1

Ngavhuya Dafita a vhudzisa Muṋe washu a ri, “Ndi gonye ndi ye kha muṅwe wa miḓi ya Juda?” Muṋe washu a fhindula a ri, “Ee, tshimbila.” Dafita a vhudzisa a ri, “Ndi ye ngafhi?” Muṋe washu a fhindula a ri, “Iya Hebroni.”

1 KORONIKA 6:56

Hone masimu na miḓana u mona na uyo muḓi zwa ṋewa Khalebe ṅwana wa Jefune.

2 KORONIKA 11:10

na Azeka na Tsora na Ayaloni na Hebroni. Heyo yo vha i yone miḓi yo tsireledzwaho kha ḽa Juda na Benyamini.

NUMERI 13:30

Khalebe a kwengweledza vhathu vhe vha vha vha tshi khou gungulela Mushe, a ri, “Nga ri mbo ḓi gonya zwino ri dzhie iḽo shango, vhukuma ri ḓo zwi kona.”

JOSHUA 11:21

Misi iyo Joshua a ṱuwa a yo lozwa lushaka lwa miswonḓa vhane vha pfi Vhaanaki vhe vha vha vha tshi dzula shangoni ḽa mivhundu, Hebroni na Debiri na Anabu na mashangoni oṱhe a mivhundu ya Juda na Israele. Joshua a vha lozwa tshoṱhe na miḓi yavho.

JOSHUA 20:7

Zwino vhukovhela ha Jorodani vha khetha Kedeshe kha ḽa Galelia, muvhunduni wa Nafuthali, na Shikheme mivhunduni ya Efraimi; na Kiriathi Araba (ndi Hebroni) mivhunduni ya Juda.

JOSHUA 21:11

Vho kovhelwa Muḓi wa Araba (Araba ndi khotsi a Anaka), une zwino wa pfi Hebroni, mivhunduni ya Juda, khathihi na pfulo ḽawo.

VHARANGAPHANḒA 1:10

Vha yo dia Vhakanana vha no dzula muḓini wa Hebroni, we kale wa vha u tshi pfi Muḓi wa Araba. Henefho vha kunda vha mitupo ya Sheshai na Ahimani na Thalamai.

VHARANGAPHANḒA 1:20

Hebroni ho ṋewa Khalebe nga he Mushe a vha laya, Khalebe a thatha vhaḓuhulu vhararu vha Anaki na vhana vhavho afho muḓini.

1 SAMUELE 25:3

Munna uyo o vha a tshi pfi Nabali, musadzi wawe a tshi pfi Abigaili. Musadzi uyo o vha o ṱalifha nahone o naka, hone munna wawe vhutshilo hawe ho vha vhu tshi konḓa, a sa anḓani na muthu. O vha e Mukhalebe.

1 SAMUELE 30:14

Ro yo ṱangula Negeve ḽa Vhakherethe na shango ḽa Juda na Negeve ḽa Khalebe, ra fhisa Tsikilaga.”

1 SAMUELE 30:31

na Hebroni, na kha vha re huṅwe hoṱhe he Dafita na vhanna vhe a vha e navho vha vhuya vha tendeleka hone.