JOSHUA 15:10 - BIVHILI KHETHWA Mafhungo Madifha

¹⁰ a mona vhukovhela ha Baala a livha shangoni ḽa mivhundu ḽa Seiri, a livha sia ḽa devhula ha thavha ya Jiarimu (ndi Khesaloni), a tsela fhasi Bethe Shemeshe, a fhira nga Thimina.

JOSHUA 15:10 Iomraidhean Croise

2 SAMUELE 6:2

Dafita na vhanna vhawe vhoṱhe vha takuwa vha ya Baala kha ḽa Juda u yo dzhia mbulungelo ya mulanga ya Mudzimu ine ya pfi ndi ya Muṋe washu Mulangazwoṱhe ane khuluṋoni yawe ya vha vhakherube vha re nṱha ha mbulungelo.

2 MAHOSI 14:11

Hone Amasia a si zwi thetshelese. Ndi hone Juasi khosi ya Israele a tshi bva pfumo a yo lwa na Amasia khosi ya Juda, ha lwiwa Bethe Shemeshe kha ḽa Juda.

2 KORONIKA 28:18

ngeno Vhafilista vho dia miḓi zwigodini na Negeve kha ḽa Juda. Vha thuba miḓi ya Bethe Shemeshe na Ayaloni na Gederotho khathihi na miḓi ya Sokho na Thimina na Gimiso na miḓi yo i tangaho, vha dzula khayo.

JOSHUA 15:11

Masakha zwino a livha muvhundu devhula ha Ekroni, a livha Shikironi, a fhira nga thavhani ya Baala, a livha Jabuniele, a guma Lwanzheni lwa Phandamashango,

JOSHUA 15:57

na Kaini na Gibia na Thimina. Ndi miḓi ya fumi, khathihi na ḓorobo dzo i tangaho.

JOSHUA 19:38

na Ironi na Migidalele na Horeme na Bethe Anatha na Bethe Shemeshe. Ndi miḓi ya 19 khathihi na ḓorobo dzo i tangaho.

JOSHUA 21:16

na Aini na Juta na Bethe Shemeshe, khathihi na mashango ayo a pfulo. Ndi miḓi miṱanu na miṋa ya matsinde a Juda na Simioni.

VHARANGAPHANḒA 14:1

Muṅwe musi Simisoni a tsela Thimina, a vhona muṅwe musidzana wa Mufilista.

VHARANGAPHANḒA 14:5

Ndi hone Simisoni a tshi tsela Thimina na khotsi awe na mme awe. Musi vha tshi khou buḓekanya masimu a minḓirivhe henefho, kathihi fhedzi a ḓelwa nga ndau i tshi vhomba.

1 SAMUELE 6:9

hone ni ḓi ita ni tshi i sedza. Arali ya gonya shangoni ḽayo, yo livha Bethe Shemeshe, ri ḓo ḓivha uri Yahavee ndi Ene o ri ḓiselaho khombo hei khulu. Hone arali ya sa livha hone ri ḓo ḓivha uri izwo a si tshanḓa tsha Yahavee tshe tsha ri rwa, zwo sokou itea-vho.”